survey :- ايه انسب عربية في مصر

[elafreet]

انا مش عارف لانى معنديش عربية ويمكن مجبش عربية طول حياتى
مع انى حلم حياتى انه يكون عندى عربية بس العين بصيرة والايد مش قصيرة لا دى مقطوعة
: shwt:

[yamenmofeed]

قول الحمد الله

[مستجدة]

المشاركة الأصلية كتبت بواسطة أبو عبد الرحمن بصراحة مصر بشوارعها وطرقها ومطباتها وحفرها مينفعش فيها إلا (العربية الكارو) ولا مؤاخذة !!! الحمار -لا مؤاخذة- عمره ما بيفتح بقه زي العربيات ! مفيش بنزين (شوية برسيم بجنيه يعيشوه طول اليوم) مفيش تغيير زيت مفيش ميكانيكي ولا كهربائي ولا سمكري ولا عفشجي ولا ولا ولا ... بس ممكن تحتاج كل كام شهر لواحد بتاع كاوتش يزودلك العجل أو يلحملك الكاوتش والسلام ! !!!!!

بصراحة احسن حاجة فى مصر البارشوتات .
انا كنت بقول لواحدة صحبتى لو عملوا العربية اللى بتسوق لوحدها استحالة تنفع فى مصر .
اعتقد أن مصر المكان الوحيد فى العالم اللى تلاقى السواق مركز على السواقين اللى حوليه مش العربيات .

يعنى فيه تقاطعات كثير من اللى ماشية بالبركة تلاقيك عشان تعدى تشوف كده الراجل ده شكله طيب هيعدنى .
السواق ده بيشاور لى عشان اعدى .
ده شكله غشيم متعافى .
ده واخدها عافية .

المهم عشان منغيرش الموضوع .

بصراحة موضوع المقارنة ده مطاط جدا و اساسه احتياج المشترى و خبرته الميكانيكة و هل هو شاب و لا رب اسرة ، ست عندها ولاد و لا بنت فى الجامعة .

انا بالنسبة لى بصراحة كانت الماروتى كسر زيرو افضل حل
مش محتاجة مصاريف و لا خبرة مكانيكا و على قد المشاوير العبيطة الخفيفة مع الولاد .
انما طبعا لرب اسرة محتاج عربية سيدان و و و
و ممكن يضحى بحداثة الموديل عشان يجيب عربية اكبر .

الموضوع فعلا هايل جدا و بيجمع خلاصة منتديات و ساحات مخصصة للمقارنة
بس يا ريت نحدد فى الافضلية الفئة المستفيدة .

[SHABRO]

اكيد اللانسر والفيرنا , ونفسي بصراحة الرينو ستيب واي تثبت اعتماديتها عشان احطها معاهم بس مينفعش نحكم عليها دلوقتي

[مستجدة]

المشاركة الأصلية كتبت بواسطة RAYAN فيات 128 الاقوى على شوارع مصر استثمار حقيقى هتجيبها وتبيعها بتمنها البنزين موفرة جدا وفى منها مبيمشيش اصلا فمش محتاجة بنزين قطع الغيار عند عم محمد البقال الصيانة كله عارف اولها واخرها وزمان اكيد 128 كانت حلم كل شاب زى بورش دلوقت ولو بجد اكيد لانسر فى مصر تكسب لانها فعلا بنت حلال وتستاهل . وفى عربيات كتير بس لانسر بسعرها ومواصفاتها اكيد تكسب فى السوق المصرى بعد 128 طبعا .

كلامك لا خلاف عليه
هتجيب ال 128 بثمنها و تبعها بثمنها بس هتصرف عليها كام من يوم ما تجبها لغاية اما تبعها .
و كمان لو بتتعلم
غالبا و سامحنى على الفال هتكون القشة التى قسمت ظهر البعير .

وموضوع الصيانه فى مصر ده اللهم لا اعتراض فى امريكا الصيانه غالية عشان كده متلقيش حد راكب عربية قديمة .
انما فى مصر هتلاقى عم محمد ممكن يدفعك قد ثمن العربية مرتين بالسرسبة
ده غير العطلة و المجهود

أنا زوجى فى المكانيكا سبعاوى عصره و اوانه ( بتاع عائلة زيزرى ) و استاذ مكانيكا و العربية كان فيه مشكلة فى الكهرباء .
غير بوجيهات و ابلاتين و كوندسر و حاجات كثير مش بفهم فيها
و ده بعد محادثات طويلة مع عمو المكانيكى و فى الآخر ربنا هدى زوجى للمشكلة و طلعت حاجة عبيطة قوى
سبحان الله
عفوا على الاطالة
بس سامحونى أنا بكره الكابوس اللى اسمه عربية قديمة .