عايز بايك 250R جديد أو أستعمال نضيف. تنصحوني بأيه؟

[LeitoSR]

السلام عليكم الأول علي أحلي بايكرز الأول.
دلوقتي انا بقالي كتير نفسي أجيب بايك هوندا وطبعاً الأهل كانو رافضين الفكرة.
بس مع الزحمة اللي بتزيد كل يوم وشغلي الجديد اللي بسافر له وبضطر اطلع دائري ومحور كل يوم فانا بضيع حوالي 5 ساعات رايح جاي كل يوم وساعات بتوصل ل 9 ساعات لو في حادثة ولاني مش من القاهرة ولاجي من طنطا من علي الطريق الزراعي ودا وقت كتير اوي ضايع في المواصلات لوحدها عطلة وهلك للوقت والصحة.

المهم انا بقالي فترة بقنعهم وهما بدأو يستجيبو نسبياً. مع انهم كانو رافضين الفكرة نهائياً لأني ولد وحيد والطرق عندنا زي الزفت سواء عال دائري او الطريق الزراعي.

دلوقتي اللي انا طالبه منكم نصيحتكم.
هل أجيب بايك هوندا قديم 250R ولا جديد.
انا عايزة اسافر بيه كل يوم. وخايف من الاستعمال يكون متهان او وقع قبل كدا وحالته وحشة او كان بيتحرق عليه جامد. فيبدأ يكلب مني شغل كتير او يعطل مني وساعتها كله هيشمت فيا ويقولو لي قلنالك لأ.
انا مفهمش في البايكس أوي. فعايز اعرف هل البايك ممكن يسافر كل يوم مسافة 250 ل 300 كيلو متر اجمالي المسافة رايح جاي, ولا كدا هيبقي كتير عليه.؟

انا قريت مرة ان المكن بيحل بدري او مش بيعمل كيلومتر عالي في المواتير الاسبورت.
لانها في الغالب معمولة للجري والسرعة وموتورها بيسخن فمش هيبقي مناسب زي ماتجيب عربية Sport وتخليها Everyday using car.
وخصوصاً في الحر دا مش عارف هيبقي مناسب السفر الطويل بيها كل يوم ولا لأ.

وانا بمعدل سفري 250 ل 300 كيلو كل يوم هعمل كيلو متر عالي ف وقت قليل. بعني 1000 كيلو عال عداد في أربع أيام.!
هل دا مناسب مع مكنة Race. ولااشوف حل بديل. ؟

وبكام اسعار فطع الغيار الاستهلاكية زي فلتر الزيت والزيت وتيل الفرامل والكاوتش الخلفي وبيتغيرو علي أمتي.؟
وايه تاني بيتغير بشكل دائم زي القطع المذكورة دي.؟

اسف لو طولت عليكم, بس انا حابب اعرف الحاجات المهمة دي من الخبراء اللي هنا قبل ما أخد الخطوة دي.

[LeitoSR]

قلت أركب القطر انهارده بيبقي أسرع. لا بيبقي قدامة مطبات ولا حوادث ولا زحمة.
وصلت المحطة ٧ عشان اركب قطر ٧:٣٠.
والساعة دلوقتي ٩ بليل والقطر لسه متحركش ولا ركب له الجرار اللي هيمشي بيه،!

هوا أيه اللي حصل للبلد !!

[nktis]

250 - 300 يوميا .!!. طيب مفكرتش ليه في المكن الكاستم .,,,. بتاع شغل و حمال اسيه ...

[LeitoSR]

ال ٢٥٠ ل ٣٠٠ كيلو دول مش متواصل.
يعني نصهم رايح. ونصهم راجع.
وانا مش بستريح لشكل الكستم ومعنديش أمكانية احيب اتنين وعايز أجيب البايك دا من زمان

[nktis]

هل أجيب بايك هوندا قديم 250R ولا جديد.

جديد من 2011 ده سلندر فردي و غالي و بتمنه تجيب 919 .,,,. انما لو تقصد استعمال و لا افراج .؟. طبعا افراج افضل بكتيررررررررر من الاستعمال .