ارشيف الاستراحة 2011

[Komy]

المشاركة الأصلية كتبت بواسطة hazem_khidr و الله يا كومي نفس الشعور المنتدي و اعضائه وحشوني اوي كنت كل شويه ادخل علي الكمبيوتر و اشوف النت جه و لا لاء و اول ما فتح كان مصر موتورز اول حاجه افتحها عاش مصر موتورز عاش

والله يا حازم باشا انا كنت معسكر فى الشارع وضرب النار جنبى من كل حته بس ربنا سترها.

المشاركة الأصلية كتبت بواسطة mido-spicy طبعا يا كومى .. عارف بالرغم من انى كنت فرحان لانى كنت مبلطج ومش بروح الشغل الا انى كنت متضايق جدا لانى ماكنتش مستثمر الوقت دا فى انى اقعد على المنتدى.. بس تفتكروا ان لو المنتدى كان شغال كنا هنسيب شوارعنا ومصالحنا فاضيه ونقعد على النت اعتقد اننا ماتفرقناش ولا حاجه وان كل اعضاء المنتدى كانوا بيتقابلوا كل يوم بس فى الشارع .. اتقابلنا فى حب البلد .. اتقابلنا فى حماية وطنا من المخربين .. اتقابلنا فى ارائنا اللى فيها مصلحة البلد.. وحمد لله على السلامه لكل اعضاء المنتدى

فعلا عندك حق والله بس بيتهيألى كان لازم هيكون فى ناس هيدخلوا على المنتدى على الاقل فترة النهار اللى ما كناش بنعمل حاجة فيها غير الفرجة على الجزيرة والعربية وحرقة الدم.

المشاركة الأصلية كتبت بواسطة corsair كومي باشا عميد الفيرناوية الاول والله يا كبير انتا اللي واحشتنا وكل اهل طنطا وربنا ما يحرمنا من بعض تاني ويجمعنا دايما في الخير

حبيب قلبى والله وكان نفسى يلموا الصينى فى الهوجة دى بس عدوا المرة دى يلا ,

اخبار فيرنتك ايه مشاركتش بيها فى الظاهرات ولا اللجان الشعبية , انا منيم فيرنتى خالص

المشاركة الأصلية كتبت بواسطة nktis فعلا الواحد عرف قيمه المنتدي في الفتره اللي فاتت الواحد اتفحت لعب لما مل

مش كدة والنبى , بس للأسف انا كنت شغال عادى علشان انا شغلى من ضمن المصالح الخدمية التى لا تأخذ أجازات

[Komy]

المشاركة الأصلية كتبت بواسطة aboelesaad تحياتي لكل اعضاء مصر موتور ولبيتي الغالي علي قد ما الواحد عرف قد اي بيحب مصر موتورز علي قد ما عرف قد اي وطنا الاكبر مصرنا الغاليه عزيزه علينا عن نفسي الواحد انضرب عليه نار بعدد مهول ومع ذلك متحركش و فعلا حسيت قد اي بحبها و اضحي بعمري فداها وفدا ناسي و اهلي علي الرغم من صعوبه الامر الي احنا فيه علي قد ما عرفنا ازاي نجمع ايدينا علي بعض و يارب المظاهرات تهدي و تنتهي و نطلع من الموضوع بفوائد و كفايه خراب وكفايه خساره عوده حميدهو بدايه بعون الله مشرقه من نهايه مؤلمه تحياتي ليك يا كومي

اما انت بقى مين اللى ضرب عليك نار ده شاورلى عليه علشان اعرفه ازاى بعد كده لما ينشن لازم يصيب الهدف اللى هو العربية طبعا ههههههههههههه

انا مش عارف سابوا الصينى ليه

[ابوشروق]

دايما سباق ب الخيريا كومى كل مصر واحشانا ترجع لنا ب السلامه مصر مصر مصر بحبك بحبك بحبك

[Komy]

المشاركة الأصلية كتبت بواسطة ابوشروق دايما سباق ب الخيريا كومى كل مصر واحشانا ترجع لنا ب السلامه مصر مصر مصر بحبك بحبك بحبك

واخبار السبيدر ( 1100 ) إيه اوعى يكون حد جه جنبها

[MIDO-SPICY]

المشاركة الأصلية كتبت بواسطة Komy واخبار السبيدر ( 1100 ) إيه اوعى يكون حد جه جنبها

ماينفعش يا باشا دى حد يجى جمبها
لان لو حد جه جمبها يبقى هو الجانى على روحه