انهيار الاسعار مجزرة فى السوق المصرية

[m.youssef]

أعلان فقعنى
شفت اعلان عن عربية هيونداى اكسل فى احدى دول الخليج معروضة بسعر يعادل حوالى 4 الاف جنية مصرى
لو الناس فى مصر تفوق شوية وتستحمل وماتشتريش افتكر ان ممكن اليوم ده يجى علينا ونبيع فيه العربيات المستعملة برخص التراب
وياريت الناس المسؤلة تفهم ان العربيات بقت من الاساسيات مش الرفاهيات زى ماكانوا بيدعوا زمان
وياريت التعاريف الجمركية تبقى عاقلة شوية لان حجة الخوف من منافسة المنتج المحلى بقت مضروبة لانه مابقاش فيه منتج محلى تقريبا(وان كانت الحجة دى مافيهاش نزاهة وبتعكس مدى سوء المنتج المحلى وعدم قدرته على مواجهة السوق وطبعا ده عيب فى السوق)
*اخيرا كنت فى سوق السيارات الجمعة اللى فاتت وكنت عايز اشترى عربية بس حسيت انى لو اشتريت حابقى زى معظم الناس اللى راكنة الفيلة بتاعتها بره السوق(مع العذر للى كانوا بيركبوا زمان الفيلة وبقوا احسن مننا ) لانى لقيت عربيات ادعكت 15 و 20 سنة وتلاقى مطلوب فيها مبلغ يجيبلك عربية مالهاش حل فى اى بلد (سواء بلد متقدمة او متنيلة )وتلاقى صاحبنا فرحان انه نزل فيها الف ولا الفين وماشى سنانه منورة مع انه شايف ان الشاسييه ملحوم . وااااااااااااااااااااااه

[مينا]

المشكلة يا جماعة ان كل الى معاة عربية انهاردة وسعرها نزل مش عايز يبيع بالسعر الجديد او بمعنى اصح صعبان علية وغير قادر على تحمل الصدمة وسياسة البيع الى ماشية ليومين دول استغلال التجار واصحاب السيارات لعدم الوعى لدى الناس والبيع بالسعر القديم

[with-my-love]

الاسعار هتنزل غصب عن عين التجار خصوصا انهم عندهم قروض واعتمادات مستنديه وايدي عامله وبلاوي متلتله عايزين يدفعوا فلوسها وهما بس مستنيين الصيف لعل وعسى الناس تشتري بس أحب اقول مفيش حد عبيط خصوصا ان في تخفيض 10 % في أول السنه الجديده ده غير انخفاض الاسعار من الاشركه المنتجه الام

[TefaShoman]

طيب ... كلام جميل جداً

بس ننتظر لغاية امتى ؟؟

أنا برضه عاوز أشترى ومستنى ... بس هافضل مستنى كتير ؟

[heshamfathee]

السلام عليكم انا قرات فى الجرايد ان الجمارك سوف تخفض على العربيات الاوروبيه تدريجيا حتى تكون صفر السنة القادمه ان شاء الله وده على لسان رئيس مصلحة الجمارك لان مصر سوف تصدر للسوق الاوروبيه المشتركة بدون جمارك ايضا حسب الاتفاقيهفعليكم بالصبر الصبر دة حتى الرينو المغربى نزلت ب 56 الف جنيه موديل2009 وبشوف ناس تبيع جواب الحجز ب 3000 او 5000 جنيه هوة دة الشعب المصرى ااااااااففففففففففففففففف فptmnlo123per111