أحدث قوانين المرور

[m209m]

السلام عليكم ورحمة الله وبركاته ..
أنقل إلى السادة الأعضاء الأفاضل هذه المشاركة عن تجربة شخصية وأود معرفة رأيكم فيها .
معروف طبعاً أن قوانين المرور والتراخيص واحدة على مستوى الجمهورية .. لكن الشيء الواضح جداً أنها تختلف من مرور عن مرور آخر .. على سبيل المثال مرور النزهة ومرور السلام [ وإليعاذ بالله ] ..
وأرجو من الأخوة الأعضاء قبل اتهامي بالتخريف أو التخلف أو الافتراء أو أي صفات مش كويسة .. أن يتأكدو من كلامي أولاً بالسؤال في أي وحدة مرور أولاً ..
ندخل في الموضوع ..
كان عندي سيارة 1600 سي سي موديل 82 وكنت مجدد لها الرخصة لمدة ثلاث سنوات [ هذا الكلام من ثلاث سنوات إلا أربعة أشهر ] وكنت دافع الضريبة الخاصة بها وهي [ تقريباً 85 جنيه عن السنة الواحدة ] وعندما قمت ببيع السيارة كان فاضل على الرخصة أربعة أشهر ولما ذهبت لاستخراج شهادة بيانات من مرور السلام المحترم .. طلب مني أن أدفع فرق الضريبة والبالغ 480 جنيه .. وعندما أبلغتهم بأن الرخصة مازالت سارية وممكن أدفع لما أأتي للتجديد أو يأتي المشتري للتجديد .. قالوا ملناش دعوة ..أدفع بأصر رجعي وبعدين تعال خد الشهادة .. وقد صدق على كلامهم النقيب المحترم رئيس الوحدة لأنه للأسف ليس لدية دراية بالقانون وقام بسؤال أحد الموظفين .. فقال ليه [ أيوة يابيه لازم يدفع الأول ] قالي .. لازم تدفع الأول ..
وقمت فعلاً بالدفع .. وبعد مرور فترة وكنت بالصدفة مع أحد معارفي من مرور النزهة .. سردت له الموضوع .. قال لي .. الكلام ده غلط مليون بالمية .. المشتري الجديد لما ييجي يجدد هوه إلي ممكن يدفع الفرق ده .. ده لو كان هيدفع أصلاً ..
موضوع ثاني ..
قمت بشراء مرسيدس 230 موديل 80 وكان عليها متأخرات سنتين .. مع العلم أن ضريبتها 1150 تقريباً .. ورحت طبعاً للمرور المنكوب بحكم محل إقامتي .. للتجديد والترخيص .. فقمت بدفع ضريبة وثلث عن السنتين المتأخرات وبلغ قيمتها [ 1150+383 ] × 2 = 3066 جنيه .. وللأسف أيضاً بعد ذلك علمت أن هذه المتأخرات لو كانت تبع مرور النزهة أو أي مرور آخر محترم كانت لا تتعدى 1200 جنيه .. محدش يسأل إزاي .. ممكن تسألو المرور ..
حسبي الله ونعم الوكيل في مرور السلام وفي كل الجهات الرقابية عليه إلي سايباة ينهب براحتو [ ده لو كان فيه أصلاً رقابة ] وفي كل من يستحل أموال الناس

[alaa@virus]

حسبى الله ونعم الوكيل
حاول تدافع عن حقك وتطالب بنص القانون ده ومتسيبش حقك

[sherif_taher]

دي فعلا من اكبر مشكلات مرور السلام تحس انو ماشي بنظام غير باقي اجهزه المرور في نفس المحافظه او محافظه تانيه انا شوفت الويل عشا انقا العربيه و كانت في غلطه في نقل رقم الشاسيه في الاستماره (بعد رفعه من على الحوض)اتبهدلت بسببها حوال 10 ايام رايح جاي كل يوم سفر و في الاخر طلع الرقم دال على سنه الصنع و ليس له قيمه تقريبا لان اللعب فيه يعتبر غباوه.................للا سف مرور سيئ جدا
برضه لما كنت بطلع شهاده مخالفات والعربيه معلقه نمر جديده كان يقولي تروح شباك اللوحات وتجيب النمر القديمه وتروح المرور التابع ليها تتطله شهاده مخالفات ليه الاول و بعدين ترجعلي اطعلك على النمر الجديده!!!!!!!!!!!!!!!!!! !
حسبي الله و نعم الوكيل

[mansoub504]

المشاركة الأصلية كتبت بواسطة sherif_taher دي فعلا من اكبر مشكلات مرور السلام تحس انو ماشي بنظام غير باقي اجهزه المرور في نفس المحافظه او محافظه تانيه انا شوفت الويل عشا انقا العربيه و كانت في غلطه في نقل رقم الشاسيه في الاستماره (بعد رفعه من على الحوض)اتبهدلت بسببها حوال 10 ايام رايح جاي كل يوم سفر و في الاخر طلع الرقم دال على سنه الصنع و ليس له قيمه تقريبا لان اللعب فيه يعتبر غباوه.................للا سف مرور سيئ جدا برضه لما كنت بطلع شهاده مخالفات والعربيه معلقه نمر جديده كان يقولي تروح شباك اللوحات وتجيب النمر القديمه وتروح المرور التابع ليها تتطله شهاده مخالفات ليه الاول و بعدين ترجعلي اطعلك على النمر الجديده!!!!!!!!!!!!!!!!!! ! حسبي الله و نعم الوكيل

يا راجل دانا اعرف واحد نقل عربية من السلام لمرور فيصل الورق جه بعد سنه سنه بالظبط

نفس اللي حصل معايا ايام 128 الله يرحمها قبل ما ابيعها بردك دفعوني باثر راجعي قبل ما ابيعها وكان يوم مقرف والحمد لله في عربيتي الفيرنا الجديدة ريحت دماغي خالص ورخصت في مرور القوات المسلحة ودلوقتي انا لما بحب اروح اجدد في المرور مبلقيش علي الشباك بالكتير اوي اتنين ولا تلاته اودامي بس يا جماعه محدش يحسد ده نتيجة الصبر اللي شوفته في مرور السلام الله يحرقهم كلهم