الشاهين الجديدة (اسعار ومواصفات )ورأيكم ؟

[فادى]

المشاركة الأصلية كتبت بواسطة ahmed1981 أحدث موديل للشاهين هو 2009 السعر حوالي 63500 لل 1400 الفاضية وحوالي 67000 لل 1600 الكاملة (تكييف وباور) مواصفات السيارة موجودة في الكتالوج الخاص بها في الرابط التالي: http://www.masrmotors.com/vb/showthread.php?t=6124 أولاً قبل أن أقول رأيي أنا أمتلك شاهين 2008 أملكها من الزيرو عامل بيها حتى الآن حوالي 50000 كيلومتر وأنصح حضرتك لوجه الله بلاش شاهين اللانوس ناعمة ومريحة هو الواحد بيجيب عربية عشان يعذب نفسه ؟؟؟!!! ولا عشان هي كان ليها أصول عريقة لكنها لم تتطور أنا شايف أن السيارة وسيلة نقل مريحة يبقى لما أشتريها لازم أضع هذا في إعتباري والكلام الإنشا مبيأكلش عيش الشاهين سيارة عملية لشركة صيانة أو مقاول أو تاكسي وليست متفردة بل يوجد من ينافسها في هذا المجال لكن الإستخدام الشخصي لو جبتها هتحس إنك أكلت مقلب كبير خلاصة الكلام طالما الهدف من السيارة هو سيارة ركوب خاصة يبقى بلاش الشاهين ممكن لانوس أو فيرنا وإن كنت لا أحبذها لأن كنبتها الخلفية أضيق من كنبة الشاهين الخلفية الضيقة بغباء أساساً أو حتى صيني BYD F3 أو اسبرانزا مفيش عربية مفيهاش عيوب لكن الشاهين سيارة أعمال وليست سيارة ركوب خاصة ممكن من 15 سنة كانت تنفع سيارة ركوب خاصة لكن خلاص اللي فات مات

انت بتتكلم عن عربية نص نقل!
انا سقت فيرنا لمسافة قصيرة و محستش بفرق رهيب فى الراحة, بالعكس تابلوه الشاهين بيحسسنى بفخامة و راحة نفسية اكتر من الفيرنا, و يمكن فرق النعومة الوحيد يكمن فى الدبرياج و الفتيس, غير كده مفيش فرق لا فى الكراسى و لا المحرك (بل ربما محرك الشاهين امتع فى القيادة و أكثر تجاوبا و قعدة الشاهين اكثر فخامة و مريحة نفسيا لأن التابلوه يلتف حولك), و طبعا الفيرنا أو اللانوس لو كانت تحت رجلى كانت هتنهار فى فترة قصيرة للغاية بعكس الشاهين التى يمتد عمرها بما يوازى سيارة أغلى من هذه الفئة كثيرا.
و عموما انا معاك انو الشاهين عربية قديمة الى حد ما, لكن الفيرنا و اللانوس كذلك أيضا, الفيرنا محرك لانسر قديم مع بعض التطويرات البسيطة و اللانوس لمن لا يعلم محرك اوبل قديم (بدون اى تطويرات), و معظم الموجود بهذه السيارات خارج اطار الزمن, ده الى جانب أن التصميمات الكورية سيئة فى الأساس.
و اللى جاب فيرنا معايا على اساس الراحة و النعومة و التكييف بيلعن اليوم اللى جابها فيه من أعطالها و عيوب الصناعة و هشاشتها.
تصميم قديم جيد أفضل من تصميم حديث و سىء.

[oceanboy425]

طب والله حرام عليكptmnlo123per144

[pro mada]

يا جماعه
العربيات ازواق
و كل واحد و زوقه
بس كده

[king mimo20]

اولا العربيات اذواق ثانيا لاتبخس الشاهين حقها كدة من وصفك كدة ليها حاسس انك بتتكلم عن 128 ياراجل حرام بس بجد هى مش مريحة لا فى السفر الطويل ولا المطبات + المساحة من جوة ضيقة الى حد ماانا عمى معاه 2004 شاهين مش مرتاح فيها انا جربتها مرة لاقتيها ناشفة قوى
لكن هى عربية موفرة وقطع غيار يعتبر ببلاش و بس هنرجع ونقول مانتا قدامك بنفس السعر عربيات تانية
وشكرا بس ياريت ميكونش حد زعل منى

[fezo]

هي عربية تمام وكل حاجة.
بس هى أذواق
كل واحد يركب اللى على مزاجه (لولا اختلاف الأزواق لبارت السلع)
فى واحد يحب يركب حاجة اقتصادية و واحد تانى يركب حاجة شكلا و موتور و سحب و الذي منه