محتار بين : كورولا ؛ برافو ؛ ليون = 2012 .. بماذا تنصحوني ؟!

[Alaa@]

المشاركة الأصلية كتبت بواسطة ahmed el gendy طبعا الكورولا من غير تفكير لسببين الاول قطع الغيار متوفره ومش غاليه زي الباقيين وانت ممكن تجيب عربيه بس تطلع روحك ف قطع غيارها لحد ما تزهق منها وتبيعها وفي مثل عند الميكانيكيه يقولك ((العربيه قطع غيار )) احنا بنقول العربيه ثبات او العربيه اوبشن لكن الميكانيكي اللي بيشوف عزاب الناس اللي معاها عربيات غريبه وقد ايه بيطلع عينهم عشان يجيب سره لكاوتش بيحك ولا حتت بتاعه ف الموتور ثانيا محدش بصراحه ضامن حاله يستمر بنفس الطريقه وبيقولوا دوام الحال من المحال اي حد ممكن يجيب عربيه غاليه تحصل حاجه ضروريه ممكن سفر لشغل بره او يمر بضائقه ماليه يقول هابيع العربيه ساعتها ف البرافو او الليون هتخسر كتير قوي قوووي وهتتحايل علي الناس ياخدوها منك وتقعد تعد ف مميزات كتير عشان تغطي علي اكبر عيب الا وهو قطع الغيار عكس الكورولا تماما انت بس قول انا بابيع هتلاقي بدل الواحد 10 وهتبيع بالسعر اللي انت عاوزه مش اللي هم عاوزينه ما انت عربيتك يا باشا خاليه من العيوب فنصيحه لله توكل علي الله في الكورولا وعلي فكره انا كنت باكره جداااااا التويوتا والكورولا بالزااات سواء جديده او قديمهولما والدي جيه يديني العربيه بتاعته اللي هي كورولا 93 كنت باتحايل علييبيعها ويجيب لي بتمنها حاجه شكلها حلو زي اللانوس او الافيو لكن لما ركبتها حبيتها جداااااااااااااااااا ولما باركب اي عربيه تانيه ف نفس السعر حتي لو احدث بصراحه باحس بقرف لان الحقيقه الكورولا مالهاش حل ومش ناوي اغير غير لكورولا برده وربنا يوفقك

انا كنت مسافر السعودية فترة وكان معايا بنز 300 في منطقة مش منتشر فيها المرسيدس ولا حتى حد يصلحها وعارف يعني إيه معاناة الصيانة وقطع الغيار بجد
حااااااااااااااااجة في غاية التعب والضغط النفسي وأكيد مش عاوز أعيش نفس الحالة تاااني

ومحدش يختلف على نعومة الكرولا واعتماديتها صرااااحة
لكن الأوربي له مزاق خاااص
وزي ما حضرتك قلت التفكير العملي مش انك تدور على الأوبشنز وتنسي اللى بعد كدة !!!!!!!!!!!
شكرا جزيلا لحضرتك

[Alaa@]

المشاركة الأصلية كتبت بواسطة Toyota Corolla رأى أنه لا تصلح هذه المقارنة لأنها بين سيارتين هاتش باك و سيارة سيدان و مع ذلك هقارن برضه . 1_المواتير: سيات ليون :ماتور 1600 102 حصان ينطلق بالسيارة من الثبات لسرعة 100كم فى 11.7 ثانية عبر الناقل اليدوى فيات برافو : ماتور 1400 120 حصان ينطلق باسيارة من الثبات لسرعة 100كم فى 9.6 ثانية عبر الناقل اليدوى تويوتا كورولا:ماتور 1600 122 حصان ينطلق بالسيارة من الثبات لسرعة 100كم فى 10.2 ثانية عبر الناقل اليدوى استهلاك الوقود: ليون:20 لتر لكل 200 كم برافو:20 لتر لكل 215 كم كورولا: 20 لتر لكل 230 كم سعة صندوق الأمتعة: ليون:340 لتر برافو:400 لتر كورولا:460 لتر ده اللى قدرت اقارنه بس عموما من الأخر الكورولا أفضلهم كاعتمادية و قطع غيار و ربنا يوفقك فى الاختيار

أحب الردود المنظمة شكرا لك
الكرولا تكسب في المقارنة دي أكيد وربنا يوفقنا للصواب