ولهذا لم تدخل السيارات الصينى "أوروبا"

[Devill Blood]

المشاركة الأصلية كتبت بواسطة drift كلامك غيير مقنع ومش صحيح سييب اهل الخبرة يفهمووك

المشاركة الأصلية كتبت بواسطة drift غرض صاحب هذاا الموضووع تشوية صورة السيارات الصيني مش اكتر وموضووع غير منطقي مش اكتر

يا أستاذ يا محترم أنت وهو أنا ماليش مصلحة فى تشوية سمعة الصينى حضتك شايفنى واخد توكيل المازدا ولا تويوتا ولا غيره . تقدر توقلى يا محترم وأشدد على كلمة محترم ليه السيارات الصينى مدخلتش السوق الأوروبى مع أن منتجات كتيره صينى موجودة هناك ؟؟؟؟

نبطل بقا الأنزحة اللى فينا اللى خليتنا نروح فى دهية لغاية دلوقتى العربيات الصينى بقالها قد أى فى السوق ؟؟4 سنين 5 سنين ولا 10 سنين يا أخى بزمتك دى فترة تخليك تثق فى العربية طيب بلاش سؤال ليه العربية بينزل تمنها 50 ألف ولا 70 ألف مع أن تمن اللى زيها أوروبى لا يقل عن 200 ألف

المهم أن أحنا بنصترخص والله مافى شعب زينا فى الدنيا عارف أنه غلطان وبيكدب الكل أنزحة على الفاضى

[Devill Blood]

المشاركة الأصلية كتبت بواسطة حازم شاهين مش عارف حاسس إن طريقة طرح الموضوع فيها حاجة مش منطقية أولا إزاى تكون قوة تحمل عربية لحادث معين دليل على ضعف عربية تانية ؟؟ ثانيا كل حادث يجب دراسة كل ظروفة و ملابساته بمعنى ظروف الحادثة إيه و حالة الجوو الطريق و سرعة السيارة و حالتها و حالة السائق ثالثا بالنسبة للحادثة دى أعتقد إنى قريت عنها على النت صحيح محصلش فيها وفيات لكن كل الركاب حصلهم إصابات مختلفة من كسور و جروح و خلافة أخيرا إيه رأيكم فى صور الحوادث دى إللى حصلت هنا فى مصر ؟؟ دى بى إم دبليو فى الساحل الشمالى و دى تويوتا كرولا فى مصر الجديدة طبعا الصور تخض لكن مش معنى كده إن العربيات دى ضعيفة أو غيرها أحسن منها لكن كل صورة من دول ليها قصة و ملابسات مختلفة لازم ناخدها فى الحسبان فى النهاية أنا مقتنع إن العربيات الصينى أضعف من كل الموديلات دى لكن إعتراضى على المنهج و طريقة عرض الموضوع

على فكرة يا مان فى صورتك التانية العربية متقطعة مش من الحادث بل
أثناء إخراج المصابين وبرضه نلاحظ أن كرسى السائق سليم مع أن حادثة
ذى دى المفروض الموضوع أنتهى

طبعا شكرا على مداخلتك المفيدة أخى العزيز وياريت نتكلم كلام علمى أنا مش راجل فيزيائى ولا حاجة لكن أنا برضه خدت فيزياء وعارفها معروف أن أسوأ معدن أستخدم لصناعة السيارات هو معدن الحديد - بسبب شدة تأكله وتفاعله مع الماء وهذا عكس الألمنيوم الذى لدية طبقة عازلة تستطيع حمايته من أى أثر من الماء أو التأكل وطبعا كل شئ وله نهاية ولكن عمرة أطول , زى مانا عارف عملت حادثة قبل ده ب128 وخدت خبطة جامدة فى مباشرة من الأمام ومع ذلك لم يتأثر جدا صاج السيارة ولكن الأضرار كلها كانت فى العفشة نتيجة أن السيارة حديد فلم تقم بتوزيع الخبطة بشكل صحيح وأيضا بسبب راداءه التصميم الذى لا يراعى جوانب الأمان لأن السيارة كانت قديمة ولم يكن هناك مجال للشركة حينها فى جعل السيارة أكثر أمانا , إذا يجب أن نعترف لو نظرنا إلى عمالقة صناعة السيارات فى العالم سنجد أن من أقل الشركات فيهم لا يقل عمرها عن 100 عام فكيف تساوى بين شركة عمرها 100 عام وشركة أخرى صينية لا يزيد عمرها عن 20 عاما غير هذا معروف أن سبب تقدم الكوريين مثلا إنهم دائما يستعينوا بخبراء أجانب فى كل شئ حتى التصميم ويطبقون المثل"إدى العيش لخبازه"آسف على اللفظ.
إذا لو نظرنا إلى الصين بوجه عام سنجد أن المشكلة ليست فى السيارة نفسها ولا الشركة ولكن بسبب رداءه الأيد العاملة وإنهم يعملون بغباء بدون أى وعى لعدم وجود خبرة ,يكفى أننا نلعن السيارات الكبيرة بسبب التقفيل المصرى لأنهم ليسوا مدربين وأن كان الموضوع موضوع تقفيل وليست السيارة كلها فما بالك بالسيارات الصينى التى تأتى كتصميم وكل شئ فيها صينى
على العموم أنا ليس لى أى مصلحة بل دعنى أسئلك لماذا كلما مسيت كلمة بسيارة لا تعجبنى أجد شخصا ينقدنى ويسبنى ولا يتحمل كلمة منى وآسف على اللفظ وهو ليس موجه لحضرتك
هى كانت شركة أبوه ؟لا ليست كذلك بل الموضوع أننا نرى أننا لو تركنا شخصا يقول الحقيقية فالحقيقة مره ولكن لأول مرة أقول حسب الله ونعم الوكيل فى الحكومة التى تركت مثل تلك السيارات تكون فى السوق .

[Devill Blood]

المشاركة الأصلية كتبت بواسطة medo akef كلام تمام يا مان و كمان علي فكره اوروبي بيشترو العربيات علي اساس الثقه المتبادله بنها و بين الشركات و هما اصلا عندهم عمالقه الصناعات يعني لو دخلت حته يباني في النص يبقا خير و بركه بس مش هيشترو صيني مهما كان سعره و ده باين اوي يا مان ان فولفو كانت العربيه رقم واحد للعائله الاوروبيه في الثمانيات و لحد دلوقتي ليها مكانه عاليه لان الفرد غالي اوي عندهم زي عندنا كدا بالضبط يا مان

للعلم أنا أحب دائما مداخلاتك فيها شئ من العقل والحكمة وألف شكر على مرورك على فكرة كلامك صح لكن العربيات الصينى مش هاتخش أساسا مش بسبب السعر بل بسبب حكمة الصين

ليه تشترى حاجة غالية لما ممكن تشترى حاجات رخيصة

[Devill Blood]

المشاركة الأصلية كتبت بواسطة بدر بسيونى مافيش عربية فى الدنيا مالهاش اخر فى قدرة تقبل الحادثة حتى لو مرسيدس او بى ام فحتى لو يابانى او المانى والحادثة قوية جدا صدقونى مافيش كبير بكل عوامل الامان برضه العربية معدن متركب مع بعضه فبلاش انطباعات الصينى بلاستيك والكلام ده لانه مش حقيقى

لا لا أنا مقلتش بلاستيك ولا حاجة أنا بقول أنك مش ينفع تقارن قى الأمان صينى بأوروبى ولا يابانى ده يبقى أسمه هبل لا مؤخذه

[Devill Blood]

ياريت ياخونا تتفرجوا على الكليب ده وتقولوه رأيكم فى الأختبار

http://www.youtube.com/watch?

v=f7rrk3ZjN-I

ياريت بقى تبصو على العربيات اللى بجد للأستاتذه اللى بيقولوه مفيش فرق

http://www.youtube.com/watch?v=KxGr3...eature=related