استفسارات الايجار عام 2012

[tamer.koko]

:CH UBBY~36:

[elmo7areb]

واضح يا استاذ باسم انك خبره كبيرة فى المجال دة وشكرا بجد على المعلومات القيمه دي الواحد كان حسبها بطريقة مختلفة تماما كدة لو اجرت عربيتى يبقى واقفه عليا بخسارة جدا

[bassemali]

العفو ياااباشا .. أنا أصلي اتعاملت مع كذا حد قبل كده لما كنت عايز أشغل عربيتي فقعدت مع ناس كتير وده اللي توصلتله من كلامهم والحمد لله ماحدش نصب عليا بس كنت هقع خلاص وربنا ستر ولحقت نفسي ولقيت أن شغل العربيه بالسواق( وده طبعا الطلب عليه أقل بكتير من اللي من غير سواق) هو الأفضل ليك وللعربيه بس برضه بشروط .. يعني جوه المدينه وبس .. سفر لأ اللي بيقولك اليوم ب 70 جنيه ولو سفر وبيات 100 جنيه ده بيلففك الجمهوريه كلها من غسكندريه لأسوان وتقريبا كل يوم شيفتك 12 ساعه والساعه الإضافيه ب 10 جنيه ( ههههههه) يوديك أسيوط الصبح وعايزك ترجع في نفس اليوم ... تخبط المشوار ( حوالي 900 كيلو رايح جاي) وتاخد 70 جنيه بدل .. اللي هما من الخر اكلك وشربك في المشوار وبس .. لكن جوه القاهره محسوبه .. وهما 100 كيلو ف اليوم أصلا زحمة القاهره ممكن تخليك ماتعرفش تخلص شغلك كله ف يوم .. مابتلحقش والبنزين عليهم وعربيتك متحافظ عليها وبأكتر من اللي بتديهولك المكاتب النصابين دول ..

[محمود36]

انا شغال في الموضع ده
انا لما قراءة الكلام المكتوب السراحه زعلت لانك عممت ان الكل نصابين وانت بس الصح
حضرتك 90% من الكلام بتاعك غلط
اولا المشروع مربح والدليل انك فكرت فيه وعملت فيه اينعم انت بسائق بس الاسم واحد تاجير سياره
ثانيا لو حضرتك مش فاهم حاجه في نضام الشركات البتاخذ السيارات بتتكلم ليه ومش عارف تحسب حاجه عن ربح المشروع انا طبعن اسف لو الكلام يزعلك بس ده الواقع وانا هشرحلك ليه من موقع دارس تجاره محاسبه ومن موقع المجال
الشركات بتاجر ليه
الايجار افضل في الشركات لانة بتحسبو مصروفات وبتهرب من الضرائب مثال تحسب بنضام المحاسبة
اذا كانت شرائ وتباع بعد 3 سنوات وقيمة السيارة 100000
1- 100000 جنة تعتبر ارباح تدفع ضريبة 20000 جنة علية
2-تجديد رخصة وصيانة 3 سنوات ب 18000 لان الرخصة في السنة ب600 والتامين 3500 و1900 تقريبا صيانة سنوية
3-الشركة متوسط الربح 50% يعني اول سنة لو معاه 100000 في اخر السنة الاول 150000 وفي اخر السنة الثانية 225000 وفي نهاية الينة الثالثة 337500
يعني اضاعة الشركة 237500
4 - بعد 3 سنوات تبيع الشركة السيارة ب 75000
النتجة تخلت الشركة عن قيمه السياره والضريبه120000+ مصاريف خلال ثلاث سنين18000+237500ارباح ضائعه=375500
وعاد اليها قيمة السيارة 75000
اما في حالة الايجار 3 سنوات
تدفع 18000 صيانة
ايجار 36 شهر ب144000
الاجمالي 162000
يخصم من الارباح العامه للشركه ضرائب بقيمه 30000 تقريبا يعني خلال الثلاث سنوات دفعت 132000
بالاضافه الى نقطه اخيره وهي ان الشركات الكبرى تتعامل في البورصه وفي قوانين بتحكمها اخرى انت متعرفهاش زي راس المال العمل وتضخم الاصول الغير منتجه وغيرها التي تعطي صوره عن الشركات
اما بالنسبه انت حاسبه غلط لصاحب السياره ليه هقولك بخصوص المثال بتاعك
انت اتكلمت عن الفرنا 70000
وقسط 3 سنوات انت ذكرت ان السياره بعد ماياخذ المكتب العموله يطلع لصاحب السياره 2200 وخصمت 900 قسط يعني الباقي 1300 مش 1100 زي مانت قلت بعد ماتخصم منهم المصاريف بتاعت الكوتش والرخصه والتامين هيبقو 900 مش 700
يعني بد تصحيح بعض العمليات الحسابيه الغلط عندك 900صافي شهريا
خلال 3 سنوات يعني 900×36 = 32400
انت بتقول انها تتباع بعد 3 سنوات ب45000 وده سعر مش حقيقي شوف سعر الفرنا بعد 3 سنوات في السوق عامل كام هتلقي من في حدود 57000 هنقول اتبهدلت شويه يبقى سعرها العادل 52000
تيجي تجمع الدخل الشهري مع سعر البيع يبقى 84400
طبعن انت هترد وتقول بردك 14400 مش مكسب انت كنت مطلعه 200
بس انا هرد واقول لك انت غلطان لان انت دفعت من ثلاث سنوات كام طبعن مش 70000 على كلامك عشان يبقى القسط900 والتقسيط على 3 سنوات يبقى انت دافع مقدم 45000
يبقى في النهايه بعد الكلام الكتير ده
انت دفعت 45000 بعد ثلاث سنوات اصبحو 84400 يعني مكسب 39400
انت لو وضعت 45000 في البنك بعد 3 سنوات هيكونو في حدود 58500
في النهايه عشان تعرف اذا كان المشروع مربح اما لا بنقارن الارباح المتوقعه خلال المده مع اسعار الفائده للبنك ومن الواضح ان في فرق 25400 ذياده عن ربح البنك اذا المشروع ناجح
انا اسف طولت شويه في درس المحاسبه بس صاحب الموضوع ضايقني جدا وده واضح من الفتره الطويل القعد اكتب الرد عليه عشان هو فكرني بكل مفتح التلفزيون القي ناس بتتكلم في السياسه وعملين نفسهم نخبه المجتمع وبيتكلمو بلسانه هوم ميعرفوش اصلا شكل الشعب المصري ولا قعدو حتي معاه وهم لايفهمو حاجه عن معنا السياسه وبيتكلمو من وجهة نظرهم الهي غلط في غلط وكل ده بسبب البرامج البتدفع لهم فلوس عشان يطلعو ولازم يقولو كلام يعمل ضجه عشان يجزب المشاهدين ويبقى في اعلانات اكتر ويبقى الطلب عليه باستمرار في البرامج

[msy_sonocairo]

المشاركة الأصلية كتبت بواسطة MR mido باشا بكم سعر الشهر

شوف يا باشا
انا مجرد وسيط العربية بتاعة واحد صاحبى وانا مجرد نشرت الاعلان
هو تليفونو 01110203432
ممكن تتصل بيه وهو يقولك على التفاصيل