حل لاى مشكلة خاصة بالسيتروين والبيجو والرينو واجابه لاى استفسارات مجانا

[MohamedGhobish]

السلام عليكم معلش هطول عليك شوية انا اصلا معايا بيجو 307 هاتشش باك و كنت عايز اجيب ال سي 4 لاخويا
المهم نيجي للبيجو
العربية اوقات بيكون فيها النتشة اللي في التاني دي و اوقات مش قريبة من بعض يعني ممكن كل يومين او اكتر تيجي مرة او 2.....اعرف انها بتحتاج تغيير بلوف الفالف....دي كلها بالزيت هتاخد وقت اد ايه شغل عشان انا مش من القاهرة و هتتكلف كام بالمصنعية و الزيت و كله عشان اعمل حسابي بس و انا جايلك ان شاء الله ؟؟؟
تاني حاجة العربية عاملة 158000 كيلو موديل 2006..كنت عايز اعرف ايه الصيانة المطلوبة و الحاجات الضرورية انها تتغير مع العلم اني مغير السيور و طرمبة مياه من شهرين....
عايز اشوف العفشة برده هل المركز عندك بيشوف شغل العفشة ام ميكانيكا فقط؟؟؟
و الفانوس الامامي بيسرب مياه كل اما اغسل العربية...يا ترى ايه الحل؟؟
اسف على الاطالة

[gtr]

المشاركة الأصلية كتبت بواسطة MohamedGhobish اعرف انها بتحتاج تغيير بلوف الفالف....دي كلها بالزيت هتاخد وقت اد ايه شغل

و عليكم السلام و رحمة الله و بركاته
سأخبرك فقط عن هذه الجزئية لأني غيرتهم. و الباقي عند الصنايعية عندكم

العملية المفروض لا تزيد عن نصف ساعة. و فك الحساسين عن الفلف (أو حتى فك الفلف بودي نفسه) لا يتكلب غير إزالة وعاء الزيت من بعد إزالة قربة و فلتر الهواء.
و الزيت ما لهوش علاقة بتغييرهم , الزيت يتغير حسب عمره الافتراضي , و يترجع زي ما هو بعد تغيير الحساسين.
عمر الزيت في البيجو-سيتروين و رينو (ناقل الحركة AL4) بين 60 إلى 80 الف حسب طبيعة القيادة و المناخ.

[MohamedGhobish]

المشاركة الأصلية كتبت بواسطة gtr و عليكم السلام و رحمة الله و بركاته سأخبرك فقط عن هذه الجزئية لأني غيرتهم. و الباقي عند الصنايعية عندكم العملية المفروض لا تزيد عن نصف ساعة. و فك الحساسين عن الفلف (أو حتى فك الفلف بودي نفسه) لا يتكلب غير إزالة وعاء الزيت من بعد إزالة قربة و فلتر الهواء. و الزيت ما لهوش علاقة بتغييرهم , الزيت يتغير حسب عمره الافتراضي , و يترجع زي ما هو بعد تغيير الحساسين. عمر الزيت في البيجو-سيتروين و رينو (ناقل الحركة AL4) بين 60 إلى 80 الف حسب طبيعة القيادة و المناخ.

شكرااااااااا للرد و للمعلومة ...طب تكلفتها كام الفالف؟و لو غيرت زييت بكام تغيير الزيت و كام كيلو بتاخد؟؟؟

[FARID SHAWKY]

المشاركة الأصلية كتبت بواسطة MohamedGhobish السلام عليكم معلش هطول عليك شوية انا اصلا معايا بيجو 307 هاتشش باك و كنت عايز اجيب ال سي 4 لاخويا المهم نيجي للبيجو العربية اوقات بيكون فيها النتشة اللي في التاني دي و اوقات مش قريبة من بعض يعني ممكن كل يومين او اكتر تيجي مرة او 2.....اعرف انها بتحتاج تغيير بلوف الفالف....دي كلها بالزيت هتاخد وقت اد ايه شغل عشان انا مش من القاهرة و هتتكلف كام بالمصنعية و الزيت و كله عشان اعمل حسابي بس و انا جايلك ان شاء الله ؟؟؟ تاني حاجة العربية عاملة 158000 كيلو موديل 2006..كنت عايز اعرف ايه الصيانة المطلوبة و الحاجات الضرورية انها تتغير مع العلم اني مغير السيور و طرمبة مياه من شهرين.... عايز اشوف العفشة برده هل المركز عندك بيشوف شغل العفشة ام ميكانيكا فقط؟؟؟ و الفانوس الامامي بيسرب مياه كل اما اغسل العربية...يا ترى ايه الحل؟؟ اسف على الاطالة

آخى العزيز
مش كل ناتشة فى غيار الفتيس والثاني تحديدا بيكون سببها البلوف ممكن يكون شنابر الظهر وممكن ضعف الضغوط من اى تفويت
ودا طبعا بيتحدد بالجهاز
وبالنسبة لسعر بلوف الضغط 950 جنيه
وبالنسبة للمركز الشغل به يشمل كل ما يخص السيارات الفرنسية من الألف ال الياء
تحياتى

[mangawy2013]

السلام عليكم بشمهندس فريد خضرتكك من اكتر الناس المحترمه والشاطره جدا كنت كلمتك في مشكله فيشة الطرمبه وقولتلي حل في التليفون حللي المشكله بارك الله فيك انا قررت ان اجي لحضرتك واعمل شغلي عندك لكن انا مش من القاهره فعايز اسالك على مشاكلي وهتتكلف كام عشان اعمل حسابي وانا جي لحضرتك
1- الريموت قرفني مابيشتغلش الا من مسافه قريبه رغم اني معيرله البطاريه مقاس 1616 وواحد قالي سنفر الفحمه اللي جواه عشان يقويلك الاشاره هي تظبط وترجع المشكله تاني وزادت انه بقى يديني anti theft بس مش على طول ايه حل المشكله هل هتحتاج لتغيير الريموت كله ولا حاجه بسيطه وكام تكلفتها

2-لما العربيه بتجيب سرعة 70 بحس بصوت عالي اللي راكب ورا بيقولي ده جي من ورا والصوت بيهدى بعد سرعه 90

3-الفتيس بينتش من الاول للتاني ايه المشكله والتكلفه

وشكرا ليك جدا ولاهتمامك