|
منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
|
أدوات الموضوع |
#1
|
||||
|
||||
خلاصة الكلام الكتير فى موضوع النيتروجين
سلام عليكم
مفيش منتدى ادخله الا اما الاقى حفلة على موضوع النيتروجين فى الاطارات و فتاوى الله ينور و قصص مرعبة و بطل مجهول اسمه درش و حاجات غريبة كده خلينا ننهى القصة دية دلوقت بشكل قاطع 1- كلام صحيح علميا ان النيتروجين موجود فى الهواء بنسبة 78% لكنه متوزع بشكل مختلف فى طبقات الهواء الجوى احنا عايشين فى طبقة التروبوسفير النيتروجين فيها قليل لأنه غاز خفيف فبيطلع للطبقات الاعلى . " الحسابات فى المقارنة بناء على النسبة دية خاطئة الا لو طلعت بالعربية لفوووووووق و عبيتها هواء ده موضوع تانى " 2- النيتروجين غاز خامل بارد وزنه الذرى اقل من الاكسجين وزن الذرى للنيتروجين 14.007 الوزن الذرى للأكسجين 15.999 و كثافته اقل من الاكسجين كمان كثافة النيتروجين 1.251 g/L و كثافة الاكجسين 1.429 g/L الفرق مش كبير فى السعة الحرارية بين النيتروجين و الاكسجين النيتروجين سعة الحرارية 29.124 J·mol−1·K−1 و الاكسجين سعته الحرارية 29.378 J·mol−1·K−1 ليه الهواء بيختلف عن النيتروجين فى موضوع التسرب النيتروجين تركيبه البلورى هيكسوجينال متماسك مع بعضه الهواء اللى بيحط فى الاطارات تركيبه مش متناسق كيوبد اولى للاوكسجين و بعدين انجيل لبخار الماء و بعدين لينر لثانى اكسيد الكاربون ده للاوكسجين ثانى اكسيد الكربون بخار الماء فمن الافضل انك تحط غاز واحد متسق مع بعضه من انك تحط حفلة غازات فى الاطار 3- نجيى بقى لموضوع مقاومة الصداء طبعا هو اى حالة من حلات غياب بخار الماء و الاكسجين هتخفف من احتمالات الصداء لكن اغلب الاطارات الحديثة معالجة لمقاومة العوامل الجوية المختلفة 4-موضوع انه يخفض من استهلاك البنزين هو كل دوره انه بيحافظ على اطار متسق و بالتالى الطاقة المفقودة فى اهتزاز الغازات داخل الاطار بتكون اقل لكن مش بتختفى و بالتالى كفائة المنظومة ككل بتزيد لكن مش بشكل مؤثر للدرجة يعنى 5-برضو لنفس النقطة رقم 2 لأنه مش بيتسرب بسهولة فمع زيادة درجة الحرارة و ثبات حجم الاطار لازم هيتمدد بأقصى درجة ممكنة و يديلك ثبات على الطريق السفر 6- ليه مش بنحس بالفرق فى استخدامه لأن فى مصر غشاشين و بيحطو هواء عادى على انه نيتروجين 7- هل ليه اضرار على خامة المطاط لا ملهوش اضرار - هل ينفع احط فرده نيتروجين و فرده هواء لا لأن كده بتغير تركيبة الفردتين و بتعرض حياتك للخطر و ده معناه انك مينفعش تستخدم منفاخ العجل او تنفخ هواء فى اى مكان لو الفردة اتقعطعت عشان كده لازم تشترى فرد تيوبليس دوبل ليبس و متعالجة لمواجة الاجسام الحادة و دية الطقم منها فى المقاسات القليلة عامله 2200 جنيه مصرى 8- هل يوجد بديل مستقبلى للنيتروجين اه فيه اتجاهات دلوقت لغاز الارجون كغاز بديل لكنه لسه موضع الدراسة و التجربة و هو بيستخدم فعلا فى نفخ اطارات الدراجات العادية 9- يعنى احط نيتروجين ولا ما احطش ؟ انت و مزاجك لكن اتأكد ان اللى حطيته نيتروجين 10-اعرف ازاى ان ده ينتروجين اضرب شويه فى كوبايه و اكتمها و حط فيها عود كبريت لو طفا يبقى ده نيتروجين لو فضل مولع يبقى ده هواء عادى لو انفجرت الكباية يبقى ده ينتروز ههههه - بهزر فى دية - هتلاحظ كمان ان وزنها بقى اخف من الاول تحياتى و تمنياتى بالتوفيق و السلامة على الطرق
__________________
|
#2
|
||||
|
||||
رد: خلاصة الكلام الكتير فى موضوع النيتروجين
شكرا علي المعلومات القيمة
__________________
............ الله العظيم أعلي وأعلم اللهُــم يا فارج الهَم, ويا كاشف الغــــم, فرّج همّــي, وفُك كربي, واغفر ذنبي , وارزقنــي من حيثُ لا احتسب ما شاء الله تبارك الله ما شاء الله لا قوة إلا بالله , اللهم إني أسالك الهدى والتقى والعفاف والغنى اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك لا نفع للمال اذا كانت النفس فقيرة ولا ضرر من الفقر اذا كانت النفس غنية Its easy taking it apart. But getting it back together is another story .
|
#3
|
||||
|
||||
رد: خلاصة الكلام الكتير فى موضوع النيتروجين
السلام عليكم ورحمة الله وبركاته موضوع رائع استاذ صفوت يهم كثير من الاخوة الافاضل والتنروجين فعلا افضل وبخاصة فى الصيف تصوروا يا جماعه الخير ان قلب بلف الفردة الامامية النحاسى طار لوحده بالكامل والسيارة كانت راكنة فى الشمس ..والسيارة والكاوتش جديد وسمعت صوت طيران البلف من الفردة وانا فى الشقة نزلت فوجئت الفردة نايمة ودورت على البلف النحاسى لم اجد له اثر بينما وجدت الجسم الخارجى من البلف وهو مصنوع من الكاوتش موجود على الجنت طبعا حمد ت الله تعالى ان ده لم يحدث وانا اسير بالسيارة والا حدثت كارثة والعياذ بالله وده طبعا نتيجة ان الهواء داخل الفردة المواجهة للشمس سخن وتمدد وحدث ماحدث الحل طبعا رحت اشتريت طقم بلوف معدن والافضل المانى..ورحت غيرت كل بلوف كاوتش السيارة بما فيهم الاستبن وزودت بالنتروجين لانه بارد ويحقق ثبات افضل على الطريق اسف على الاطالة ورينا يسلمنا من شر الطريق:0369B3 ~177:
__________________
الحلوة دى ....بلدى السويس مدخل قناة السويس |
#4
|
|||
|
|||
رد: خلاصة الكلام الكتير فى موضوع النيتروجين
طب هل ف طريقه لتوليد النيتروجين ف البيت ونفخ الكاوتش بيه
__________________
Magdy Moharam
لا نفع للمال اذا كانت النفس فقيرة ولا ضرر من الفقر اذا كانت النفس غنية تلاوة رائعه للشيخ / احمد العجمى http://www.megaupload.com/?d=LGN69J4S |
|
|