قرار شراء رينو داستر

[beeronasr]

اعتقد ان الاختيارات التانية كلها تتمثل فى العربيات التالية:
الكارينز: اوبشن رائع مع ارتفاع أقل و ثقل واضح فى وزن العربية بيأثر على السحب بوضوح مقارنة مع الداستر مثلا.
التريوس: يابانى و جميلة بس عفشة ناشفة جدا و موتور 1500
القشقاى: لسة يعتبر محدش جربها - أعتقد جميلة بس ب 160 الف
الكيا سبورتاج: جميلة بس غالية اوى و بتبدأ من 173 الف الى 210
الداستر: بتحقق المعادلة الصعبة من ناحية السعر و القوة و 4x4 و العفشة الناعمة لكن أقل من المنافسين فى الاوبشن طبعا علشان تجيب السعر دة.
الاستاذ: stonecoldmido5 - حضرتك عندك حق فى شوية كماليات فعلا ح تفرق زى
:
مفيش لمبة للصالون في منتصف العربية ( في قدام و الشنطة بس) .
- الصالون بشكل عام نفس صالون اللوجان .
- غطاء التانك مفتوح علي طول بس هو ليه قفل داخلي زي 128 .
- الكلاكس زي معظم العربيات الفرنساوي في دراع الكشافات
ودى حاجات بصراحة لخبطت تفكيرى شوية لان اى حد لما بيفكر يغير بيبقى عايز يعلى فى العربية مش ينزل فى اى حاجة ياما منغيرش أحسن.
متشكر جدا لافاداتكم القيمة و لوقتكم و فى انتظار اى رأى اخر لحضراتكم

[stonecoldmido5]

المشاركة الأصلية كتبت بواسطة beeronasr اعتقد ان الاختيارات التانية كلها تتمثل فى العربيات التالية: الكارينز: اوبشن رائع مع ارتفاع أقل و ثقل واضح فى وزن العربية بيأثر على السحب بوضوح مقارنة مع الداستر مثلا. التريوس: يابانى و جميلة بس عفشة ناشفة جدا و موتور 1500 القشقاى: لسة يعتبر محدش جربها - أعتقد جميلة بس ب 160 الف الكيا سبورتاج: جميلة بس غالية اوى و بتبدأ من 173 الف الى 210 الداستر: بتحقق المعادلة الصعبة من ناحية السعر و القوة و 4x4 و العفشة الناعمة لكن أقل من المنافسين فى الاوبشن طبعا علشان تجيب السعر دة. الاستاذ: stonecoldmido5 - حضرتك عندك حق فى شوية كماليات فعلا ح تفرق زى : مفيش لمبة للصالون في منتصف العربية ( في قدام و الشنطة بس) . - الصالون بشكل عام نفس صالون اللوجان . - غطاء التانك مفتوح علي طول بس هو ليه قفل داخلي زي 128 . - الكلاكس زي معظم العربيات الفرنساوي في دراع الكشافات ودى حاجات بصراحة لخبطت تفكيرى شوية لان اى حد لما بيفكر يغير بيبقى عايز يعلى فى العربية مش ينزل فى اى حاجة ياما منغيرش أحسن. متشكر جدا لافاداتكم القيمة و لوقتكم و فى انتظار اى رأى اخر لحضراتكم

شكرا لحضرتك علي الاهتمام , بس دي بترجع لسيادتك يعني انا مثلا كان عندي تيجو 1600 فول اوبشن وفيها كماليات كتير جدا بس السحب ضعيف و العفشة صعبة جدا و الخامات رديئة الي ابعد مدي , فانا بحب دايما في العربيات :
- الارتفاع المناسب من الارض دون ان يؤثر علي العربية في الملفات .
- العفشة الممتازة بمعني اني ما اخدش مطب اقعد اعيط جنب العربية .
- الدفع الرباعي .
- الفنش و الخامات الممتازة بمعني مثلا ابسط حاجة اني اقدر اخش في المية براحتي من غير ما تتأثر الطنابير لان اساسا ديسكات مش طنابير بالاضافة الي جودة الخامات ( كفاية انها مش تجميع مصر ) .
- الاستهلاك الاقتصادي للبنزين .
و ممكن اقدر استغني عن :
- التجميع السريع للسيارة .
- الكماليات بجميع انواعها ما عدا ( التكييف ) .
- الغيار الاوتوماتيك .
فحضرتك ممكن تقارن بين احتياجاتك و الموجود في العربية من كماليات و تقدر تحكم حضرتك بنفسك من خلال حسبة حضرتك البسيطة دي مع العلم اني منصحش حضرتك بالقاشقاي لان مبالغ جدا في سعرها لانها مش ( اوتوماتيك او دفع رباعي او تصفيح سفلي ) وحتي ابعاد العربية من الاكصدام الامامي و الخلفي اوطي كتير من الداستر معني كده انها متقدرش تطلع بيها مرتفعات زي الداستر .
- منصحش خضرتك بالكارينز بالرغم من الكماليات لانها تقيلة جدا و بتسحب بنزين كتير .
- ولا بالتيريوس لانها وحشة جدا في الملفات .
- حتي التيجو الخامات اسوأ ما يكون .
- فلو اتجاه حضرتك للعربيات العالية و الدفع الرباعي يبقي الحسبة ببساطة تساوي الداستر بغض النظر عن الكماليات وده طبعا من وجهة النظر الشخصية .
انا طبعا مبحاولش ااثر علي حضرتك بس و اللة بحاول اساعد حضرتك علي قد ما اقدر( عن تجربة عملية ) ولسيادتك القرار لان حضرتك مش كل يوم تشتري عربية .
وانا ف انتظار اي سؤال لحضرتك .

[hhhesham]

العيب الوحيد فى المانيوال

[beeronasr]

المشاركة الأصلية كتبت بواسطة stonecoldmido5 شكرا لحضرتك علي الاهتمام , بس دي بترجع لسيادتك يعني انا مثلا كان عندي تيجو 1600 فول اوبشن وفيها كماليات كتير جدا بس السحب ضعيف و العفشة صعبة جدا و الخامات رديئة الي ابعد مدي , فانا بحب دايما في العربيات : - الارتفاع المناسب من الارض دون ان يؤثر علي العربية في الملفات . - العفشة الممتازة بمعني اني ما اخدش مطب اقعد اعيط جنب العربية . - الدفع الرباعي . - الفنش و الخامات الممتازة بمعني مثلا ابسط حاجة اني اقدر اخش في المية براحتي من غير ما تتأثر الطنابير لان اساسا ديسكات مش طنابير بالاضافة الي جودة الخامات ( كفاية انها مش تجميع مصر ) . - الاستهلاك الاقتصادي للبنزين . و ممكن اقدر استغني عن : - التجميع السريع للسيارة . - الكماليات بجميع انواعها ما عدا ( التكييف ) . - الغيار الاوتوماتيك . فحضرتك ممكن تقارن بين احتياجاتك و الموجود في العربية من كماليات و تقدر تحكم حضرتك بنفسك من خلال حسبة حضرتك البسيطة دي مع العلم اني منصحش حضرتك بالقاشقاي لان مبالغ جدا في سعرها لانها مش ( اوتوماتيك او دفع رباعي او تصفيح سفلي ) وحتي ابعاد العربية من الاكصدام الامامي و الخلفي اوطي كتير من الداستر معني كده انها متقدرش تطلع بيها مرتفعات زي الداستر . - منصحش خضرتك بالكارينز بالرغم من الكماليات لانها تقيلة جدا و بتسحب بنزين كتير . - ولا بالتيريوس لانها وحشة جدا في الملفات . - حتي التيجو الخامات اسوأ ما يكون . - فلو اتجاه حضرتك للعربيات العالية و الدفع الرباعي يبقي الحسبة ببساطة تساوي الداستر بغض النظر عن الكماليات وده طبعا من وجهة النظر الشخصية . انا طبعا مبحاولش ااثر علي حضرتك بس و اللة بحاول اساعد حضرتك علي قد ما اقدر( عن تجربة عملية ) ولسيادتك القرار لان حضرتك مش كل يوم تشتري عربية . وانا ف انتظار اي سؤال لحضرتك .

ألف شكر يا باشا لاهتمامك و كرمك. بصراحة واحد زى حضرتك راكب الداستر بالفعل و بيسافر بيها اكثر افادة مافيش شك. و شكرى ايضا لكل من تكرم بأفادات أخرى.
الصراحة كلامك مقنع لدرجة انى كنت ح اصرف نظر عن العربية (فى موضوع الكماليات) و كنت ح افكر فى القشقاى و دى كانت هتحتاج تعديل الميزانية طبعا.
وبعدين رجعت اقنعتنى بيها تانى فى جودة خاماتها و تقفيلها و قوتها لدرجة انى حسيت انى مذبذب او مشوش فى اتخاذ القرار - لكن بصراحة العقل بيقول الداستر و غلط اسيب ال4x4 و العفشة و العرض و الارتفاع و تصفيح حديدى علشان خاطر البلوتوث و السقف البانوراما و الصالون الشيك وكمان ادفع 25 الف جنية؟
من جهة تانية مش عاوز ابقى ببيع عربية نظيفة و ادفع فرق فلوس و اخسر اوبشن؟
لكن اعتقد موضوع مسند بين ال2 كرسى و وحدات رفع زجاج دى تشتريها بسهولة.
و الباقى حاجات بسيطة ما عدا فتح الشنطة و تنك البنزين - دى بصراحة غلسة.
المهم انة مافيش خيارات تانية متاحة ادامى بالفئة السعرية دى بقوة الداستر و شايفها تكسب لغاية دلوقتى.
سؤال تانى معلش: هل اشتريت العربية على طول و كانت بضاعة حاضرة و لا اضطريت تحجز و تستنى؟ و فين الاقى بضاعة حاضرة و تسليم فورى؟ لانى بصراحة عاوز ابيع و اركب على طول.
مع وافر الشكر مرة اخرى.

[stonecoldmido5]

المشاركة الأصلية كتبت بواسطة beeronasr ألف شكر يا باشا لاهتمامك و كرمك. بصراحة واحد زى حضرتك راكب الداستر بالفعل و بيسافر بيها اكثر افادة مافيش شك. و شكرى ايضا لكل من تكرم بأفادات أخرى. الصراحة كلامك مقنع لدرجة انى كنت ح اصرف نظر عن العربية (فى موضوع الكماليات) و كنت ح افكر فى القشقاى و دى كانت هتحتاج تعديل الميزانية طبعا. وبعدين رجعت اقنعتنى بيها تانى فى جودة خاماتها و تقفيلها و قوتها لدرجة انى حسيت انى مذبذب او مشوش فى اتخاذ القرار - لكن بصراحة العقل بيقول الداستر و غلط اسيب ال4x4 و العفشة و العرض و الارتفاع و تصفيح حديدى علشان خاطر البلوتوث و السقف البانوراما و الصالون الشيك وكمان ادفع 25 الف جنية؟ من جهة تانية مش عاوز ابقى ببيع عربية نظيفة و ادفع فرق فلوس و اخسر اوبشن؟ لكن اعتقد موضوع مسند بين ال2 كرسى و وحدات رفع زجاج دى تشتريها بسهولة. و الباقى حاجات بسيطة ما عدا فتح الشنطة و تنك البنزين - دى بصراحة غلسة. المهم انة مافيش خيارات تانية متاحة ادامى بالفئة السعرية دى بقوة الداستر و شايفها تكسب لغاية دلوقتى. سؤال تانى معلش: هل اشتريت العربية على طول و كانت بضاعة حاضرة و لا اضطريت تحجز و تستنى؟ و فين الاقى بضاعة حاضرة و تسليم فورى؟ لانى بصراحة عاوز ابيع و اركب على طول. مع وافر الشكر مرة اخرى.

لا شكر علي واجب ويزيدني شرف اني ارد علي حضرتك , معلهش حضرتك بالنسبة لحكاية التانك و الشنطة و اللة انا شفت الرانجلر انليمتيد نفس الحكاية طبعا مع فرق السعر بس انا مش عايز ااثر علي حضرتك.
انا فعلا اشتريتها علي طول من المصرية , بيوفروا لسيادتك العربية من خلال اي فرع ليهم علي مستوي الجمهورية ,بس سيادتك محكوم باللون المتوفر في الشركة ,و موجودة برضه عند الطارق . ولو سيادتك تحب تجيبها من التوكيل يبقي هتدفع 5 الاف جنية وتختار اللون و توصل بعد شهر .و اي سؤال تشرفني بيه .