استشاااااااااره : عاوز رأيكم بصراحه

[مانشستر]

محتار عاوز اغير عربيتى وازيد فى المستوى شويه انا راكب حاليا هوندا سيفك vti وقبلها كنت راكب جيتا هاى لاين وقبلها كنت راكب بيجو 307 حاليا عاوز اغير الهوندا واركب عربيه اعلى شويه موديل وفئه فى حدود 200 او 220
ناس تقولى بى ام وناس تقولى هات حاجه كسر فى فولو او اوكتافيا او باسات
وناس تقولى خليك فى الزيرو حرااام تدفع مبلغ زى ده فى عربيه مستعمله حتى لو كانت كسر زيرو هات عربيه جديده وريح بالك وفى عربيات كتير حلوه بالمبلغ ده او اقل كمان ..................ايه رأيكم

[ahmedsalah]

فعلا ممكن بالمبلغ ده تحطة وديعة وتجيب بضمانة حاجة فى نفس الرينج او اعلى سنة بفوائد بسيطة خالص
وتركبها بالسلامة من غير مشاكل فى الكام سنة الاولانين عقبال ما تسدها وتبيعها تلاقى فيها فلوس تخش فى واحدة تانية والوديعة زى ما هى

[AbOnOrA]

طيب يعنى انت غاوى اوروبى وركيب بس للاسف كل اللى ركبته قبل كدة كان عربيات صغيرة ومواتير صغيرة فلو عايز تحس بانك ركبت اعلى اركب بى ام بداية من ال 320 وانت طالع ولو اشتريت حالة نظيفة وركبت نظيف هتبيع نظيف ومش هتخسر كتير وعيش بقى دفع خلفى وتوازن وثبات واداء ممتع

اما لو عايز تركب حاجة عالية بمعنى ارتفاع عن الارض يبقى حاجة من الاتنين يا توفر وتركب ديهاتسو تريوس زيرو يا تزود تلاتين الف ولا حاجة وتركب هيونداى ix35