مبتدئه سواقه

[محمد فيصل]

لا تقلقى
فترة وتمر وإن شاء الله تمر على خير
مع الممارسة الموضوع سوف يصبح سهل للغاية
عليك ب بسم الله قبل الركوب ودعاء الركوب وإن شاء الله ربنا يحفظك من كل سوء

[سهر الجنزوري]

عاااااااااادي جدا كلنا كدا فالاول .

ومازلنا في اوقات معينة ومواقف معينة .
السرعة مش حلوة

وعموما هي اطباع واراء في ناس بتحب السرعة وفي ناس مش بتحب السرعة .. وطبعا فالاول والاخر .. (( فالعجلة الندامة ))

بصي اصلا في القاهرة عموما .. اكتر حاجة هتمشي عليا 40 : 50 بالكتير !! الا في طرق معينة ممكن توصلي ل 90 : 100
فانتي كدا كدا مش غريبة عن الناس . لاني ماشية علي غيار ال 2 يعني ماشية 40 : 50 .

لكن المهم دلوقتي انك تمشي وتجمدي كدا لاني لو خفتي هتتلغبطي وهتخبطي وهتعرقي وهتخرب خالص معاكي . لكن لو كبرتي دماغك ومشيتي هتلاقيها ماشية معاكي ..
انصحك بالاتي :

خدي جوزك او اخوكي معاكي فالعربية معاكي واكيد هيكون بيعرف يسوق . واطلعي علي طريق المحور .. هتلا قي نفسك جبتي ال 90 .. وهتلا قي عربيات كتير جمبيكي علي نفس السرعة وفي عربيات هتلاقيها طايرة من جمبيكي .. المهم انك مشيتي في طريق وعلي سرعة . هتلالقي قلبك جمد كدا وبقيتي مية مية وانتي راجعة عتلاقي نفسك جايبة 120 كمان .

[سهر الجنزوري]

بس كمان يركب جمبيكي مرة واحدة . لانك لو اتعودتي علي اني في حد جمبيكي .. اول ما ينزل وتبقي لوحدك هتخافي تاني . فمرة كدا . ومرة كدا .

[MR mido]

حاول انزعى عامل الخوف حتى لو تجربي فكرة حد جنبك مرة واحدة ويفضل يكون بليل عشان ميكونش الطريق زحمة اوى لان طول مانتى خايفة يبقى مش هتعرفى تسوقى خالص

[zing0]

ده كده حضرتك ما شاء الله أفضل منّى فى السواقه. أنا يا دوب لسه بتعلم من شهر, و لسه مفيش رخصه. بس فعلاً السواقه ممارسه,و الدليل:
سائقو التاكسى و الميكروباص و النقل, سبحان الله بيسوقوا و هما نايمين و أحياناً بيكونوا سايبين أيديهم و رافعين رجليهم و بيبصوا وراهم علشان يتخانقوا مع الركاب اللى مدفعوش الأجرة. صحيح إن الشارع دايماً بتاعهم لأن لو فى تقاطع و ميكروباص داخل و قصاده ملاكى , أكيييييييييييييد الأولويه للميكروباص إلا إذا كان صاحب الملاكى زهقان من عربيته
ربنا يحفظنا و يسلمنا