|
#16
15-01-2012, 10:06 AM
|
||||
|
||||
رد: ليه معظم اللي راكبين عربيات مش محترمين
اولا : انا احب الفت نظر حضرتك للالفاظ الى حضرتك بتستخدمها مش مناسبة ..... رفقا بنا يا اخى ... و ارجو من حضرتك تحرى الهدوء و عدم استخدام الالفاظ العنيفة ثانيا : انا متفق مع حضرتك على الى قلته فى الموضوع بصفة عامة ... الواحد المفروض تكون اخلاقه مرنة شوية ... مش سلبية .... بمعنى ... فيه واحد كسر عليا ... ربنا يسامحه و يعفو عنى و عنه ... انا كمان بكسر على ناس تانية و انا مش واخد بالى ... يبقى هو كمان يدعيلى بالهداية ... انا مش بقوا ان انا مثالى .. انا بتنرفز و انا سايق و بتعصب ... بس بحب حد يهدينى و يفكرنى انا السايق جنبى ده اخويا و ابويا و صاحبى فى اكتر من مرة .... اتنرفز جدا و الوم الناس التانية .. و اكتشف بعد دقائق قليلة انهم عندهم حق فى الى عملوه و ان انا الى كنت متسرع فى حكمى ثالثا : يا اخى الالفاظ ....... انا بس عاوز افكرك ... الحريم الى سايقة دى ممكن تكون جارتك او اختك او واحدة اعصابها تعبانة ... عامل الستات فى السواقة ... زى ما سواقين النقل بيعاملوا سواقين الملاكى ..... بيسيبوا خالص و بيستحمل غرزه و سخافته ... علشان هو الاقوى و لو قرب منه حيفرمه ... فيستحمله شوية .... علشان انا كمان حستحمله لما يعطل او لما ييجى يحود او لما يوقع الحمولة الى شايلها و يوقف الدنيا رابعا : احنا كلنا كدة على بعضنا بنسوق وحش و بالدراع ..... الملاكى و النقل و الميكروباصات و التاكسيات ... اه .. بالمناسبة المرات القليلة جدا الى اتنرفزت فيها على حد فى الشارع كانت من سواقين التاكسى ... مش علشان واقف فى نصف الشارع بيركب او بيحاسب .... ولا علشان موقف الشارع الرئيسى علشان بيمون ... ولا علشان واقف فى الشارع و نزل يشترى حاجة ..... نرفزنى علشان البيه مكانش عاجبه انى مش شايفه و هو بيرمى عليا.... عربيتى عالية شوية فمش بشوف الى على يمينى الى بيحدف عليا ... و مع ذلك ... انا وقفت لما اشوف فيه ايه ... البيه نزل علشان يتخانق معايا .... مش عارف انا جبت برود الاعصاب ده من فين و عاملته بهدوء جدا على الرغم من انه كان قليل الذوق جدا ...و كنت بفكر فعلا انى ممكن ازق عربيته من وشى ... بس قلت الموضوع مش مستاهل .. و هو اكيد مش فى دماغه انى ممكن ابوظلوا عربيتوا خالص ... و غيرها كتير مواقف ممكن احكيلها لحضرتك عن سواقين التاكسى .... الغريب ان سواقين الميكروباصات معايا انا محترمين جدا .... و محدش بيحدف عليا ولا اى حاجة ... مشكلتى مع سواقين التاكسى .... و سواقين الملاكى طبعا المجمل .... ياريت حضرتك متندفعش كدة ... الالفاظ بالله عليك .... و رفقا بنا يلا شاو 
التعديل الأخير تم بواسطة mar mar ; 15-01-2012 الساعة 01:04 PM 
|
|
#17
15-01-2012, 10:27 AM
|
|||
|
|||
|
رد: ليه معظم اللي راكبين عربيات مش محترمين
بكره تتعود!!
__________________
 الحلم
|
|
#18
15-01-2012, 11:40 AM
|
||||
|
||||
|
رد: ليه معظم اللي راكبين عربيات مش محترمين
والله يااخى انا عايز اقولك فى بدايتى كنت هادى جدا فى سواقتى وواخد شمالى مهما كان اليمين فاضي واللى كان بييجى ورايا بيقلبلي نور وكلاكسات بدى انتطار وش ومبهتمش لاى حد وكنت بشوف اللى بيكسر على التانى واللى بيعمل غرز وممكن يلبس اتنين فى بعض بالغرزه دى وانا برضه كنت باخد شمالى D:
عايز اقولك ان معداش تقريبا 3 شهور الا وكنت واحد من الناس دى واللى كنت مستغربله... انا بقيت بعمله ولكن مع الاحتفاظ باخلاقيات القياده . يعنى لو الطريق بيسمح باخد الغرزه بشكل واسع ومبحبش اخد الغرز الضيقه دى عشان مشاكلها كتير وربنا يبعد عننا اى شر يارب وعندى حته حق الغير دى الحمد لله الخلاصه انك شويه وهتتعود ونصيحه بلاش فرده الصدر .لازم تكون عاقل فى السواقه ومبقولكش متجريش ولا متاخدش غرز ...اهم حاجه انك تكون دارس الطريق كويس وحاسبها كويس ان شاء الله. وبالنسبه لاخواتنا فى الطريق . فانا لو قعدت احكى على اللى بشوفه على الطريق منهم خاصه اننا يوميا اوتوستراد ودائري لحد التجمع مش عايز اقولك ربنا يبعدنى انا شخصيا عنهم . فى النهايه ...قلب جامد + اعصاب هاديه = سرعه فى رد الفعل + سواقه افضل وده رايي .
__________________
Ahmed Hamdy
Software Engineer 
|
|
#19
15-01-2012, 11:58 AM
|
|||
|
|||
|
رد: ليه معظم اللي راكبين عربيات مش محترمين
انا اتفق مع كلامك ولكن لا تعمم علي الجميع . فعلا يجب ان نعترف ان عندنا مشكله في السلوك وهذا لللغالبيه وليس للكل .معظم الناس لا تحترم قواعد المرور واداب القياده .والتي تؤدي في بعض الاحيان الي نتائج كارثيه .اصبح الذوق وابسط قواعد الاخلاق سلعه نادره. اصبحت ردود الافعال غريبه من جميع المستويات بصفه عامه إلا قليلا.ليس فقط بين قائدي السيارات بعضهم البعض وانما بينهم وبين المشاه في الشوارع .انا شخصيا كنت اغضب من احد المشاه عندما يحاول ان يعبر الطريق من غير الاماكن المخصصه لذلك. واحيانا كنت اصيح فيهم [ما تمشي علي الرصيف] ولكن بصراحه غيرت هذا السلوك تماما.وللاسف عندما تعرضت انا شخصيا له خارج مصر .كنت في رحله سياحيه سريعه لايطاليا وبدون قصد تماما حاولت ان اعبر الطريق [طريق كبير داخلي] وعليه كثافه كبيره من السيارات المسرعه. وبمجرد نزولي من الرصيف وجدت شارعا بعرض صلاح سالم يتوقف تماما وكل السيارات قد انارت ضوء الانتظار واشارو لي انا وزوجتي بالعبور!! بدون اي تذمر او استياء منهم بالرغم من انني مخطىء تماما.ولكن تعلمت منهم احترام [الروح ]والانسان وان الاولويه في المرور هي [للروح ]وليس للسياره. مع تحياتي.. جمال
|
|
#20
15-01-2012, 02:38 PM
|
||||
|
||||
|
رد: ليه معظم اللي راكبين عربيات مش محترمين
اللهم يسر لنا جميعاً الطريق اللهم احفظنا جميعاً على الطريق اللهم وفقنا الى ما تحب وترضى به عنا 
__________________
|
 |
|
|
