ليه معظم اللي راكبين عربيات مش محترمين

[mm_champion]

[QUOTE=احمد سويلم;595622[/QUOTE]

أستاذ أحمد سويلم فعلا انت قولت اللي انا بفكر فيه بالملي , أنا معاك جداااااا في أن **** بتبقى في معظم اللي سايقين الملاكي, وانا فعلا في اوقات كتير مبرضاش اعمل مشكلة بالرغم من أن السبب قوي جدا , يعني مثلا النهاردة طالع من عبد الحميد بدوي لشارع جوزيف تيتو فالحتة دي اكيد حضرتك عرفها حمااااار اللي صممها بالشكل ده لان نقطة الالتقاء مفتوحين على بعض يعني لو مش واخد بالك هتلبس وش , النهاردة لقيت واحد جه حدف عليا حدفة محترمة بعد ما خرج من الملف بتاعه انا طبعا كنت ماشي مستقيم في طريقي على سرعة منخفضة عشان عامل حساب الحمير , بس الحدفة كانت قوية لو فرملت لحد الآخر هخبط برضه لانه حدف وهو على سرعة هادية كمااااان ,,, المهم في كسر من الثانية بصيت على المراية اليمين وروحت كاسر شوية يمين عشان افاديه وكلكستله وقولتله مينفعش كدة , وبكل برود ولا حتى قال آسف طبعا انا مش فاضيله سبته ومشيت , اقوم بعد ما امشي بشوية الاقي واحد تاني بعربية ملاكي جاي يقولي يعني هو كسر عليك وانت كسرت يمين وانا كنت ماشي في الحارة دي مش تقولي اسف طيب وجه وقف قدامي وقعد يتكلم بطريقة اقل ما يقال عنها انها ****, قولتله ياعم الحج انت كنت بعيد انا باصص في المراية قالي بس كسرت عليا , قولتله لا كنت اخبط احسن قعد يزعق زي ما يكون نازل بالعربية مخصوص عشان يتخانق ,,, ربنا يرحمنا من **** دي بقى قادر ياكريم

[خالد الجوكر]

والله احنا فى زمن ما يعلم بيه الا ربنا وربنا يتوب علينا من الناس اللى شايفين السواقه دراع

كل اللى انت تقدر تعمله علشان تعدى يومك على خير انك تنفضلهم وترفع ازازك واللى عايز يقول حاجه يقولها زى مانا و ناس كتير غيرى بتعمل

لكن انت لو مسكت كل واحد وقولتله كسرت ليه وحدفت ليه ونيلت ليه مش هتلحق شغلك ولا هتلحق اى حاجه خالص


تحياتى للجميع

[الكشفى]

برضو لازم جوه الموضوع تبقوا هاديين وانتم تناقشوا الموضوع لانى حاسس انفعالاتكم كلها طالعه فى الكلام
كمان اللى بيسوق عارف ان اى غلطة منة او من حد ممكن تكلفه روحة او مبالغ مالية كبيرة فى حين تواجد ناس معندهاش مانع من اللعب بالعربيات ما هما مش تعبانين فى تمنها واهلهم مخدوش وقت كفاية فى تربيتهم فلازم تقابل الوحش والكويس والموضوع عايز مبادرة كبيرة جداً تعلم الناس الاحترام
دا انا شوفت فى ايطاليا بلد الغوغائين انهم حتى الاشارة ميرضوش يكسروها فى عدم وجود عسكرى مرور

[احمد سويلم]

المشاركة الأصلية كتبت بواسطة mm_champion أستاذ أحمد سويلم فعلا انت قولت اللي انا بفكر فيه بالملي , أنا معاك جداااااا في أن قمة الانحطاط بتبقى في معظم اللي سايقين الملاكي, وانا فعلا في اوقات كتير مبرضاش اعمل مشكلة بالرغم من أن السبب قوي جدا , يعني مثلا النهاردة طالع من عبد الحميد بدوي لشارع جوزيف تيتو فالحتة دي اكيد حضرتك عرفها حمااااار اللي صممها بالشكل ده لان نقطة الالتقاء مفتوحين على بعض يعني لو مش واخد بالك هتلبس وش , النهاردة لقيت واحد جه حدف عليا حدفة محترمة بعد ما خرج من الملف بتاعه انا طبعا كنت ماشي مستقيم في طريقي على سرعة منخفضة عشان عامل حساب الحمير , بس الحدفة كانت قوية لو فرملت لحد الآخر هخبط برضه لانه حدف وهو على سرعة هادية كمااااان ,,, المهم في كسر من الثانية بصيت على المراية اليمين وروحت كاسر شوية يمين عشان افاديه وكلكستله وقولتله مينفعش كدة , وبكل برود ولا حتى قال آسف طبعا انا مش فاضيله سبته ومشيت , اقوم بعد ما امشي بشوية الاقي واحد تاني بعربية ملاكي جاي يقولي يعني هو كسر عليك وانت كسرت يمين وانا كنت ماشي في الحارة دي مش تقولي اسف طيب وجه وقف قدامي وقعد يتكلم بطريقة اقل ما يقال عنها انها زباااااااالة , قولتله ياعم الحج انت كنت بعيد انا باصص في المراية قالي بس كسرت عليا , قولتله لا كنت اخبط احسن قعد يزعق زي ما يكون نازل بالعربية مخصوص عشان يتخانق ,,, ربنا يرحمنا من الاشكاااال دي بقى قادر ياكريم

يسعدنى ان انا اتعرف على حضرتك ولكن انا مش من القاهره انا اسمعلاوى الجنسيه والمنشأ والمسكن والانتماء والفريق ولذلك معرفش المكان اللى انت بتقول عليه
بس من كلامك واضح انك سواق محترم تتمتع بسرعه فى رد الفعل
لازم تكون سلبى ومتقفش لحد ومتسمعش لحد

انا عودت نفسى اول منزل من بيتنا اتحول لبنى ادم تانى وماليش دعوه بحد عشان يومى يعدى ولكن ساعه الجد باخد حقى تالت ومتلت خاصه لو كان ملاكى عشان هيبه سواق التاكسى متتهزش فى نظر الناس

[tamer.koko]

ارحموا من في الارض يرحمكم من في السماء