|
#1
20-10-2011, 03:17 AM
|
|||
|
|||
للقيادة باستمتاع عليك بالتالي !!!
السلام عليكم
حبيت انقل لكم تجربتي بقيادة سيارتي باستمتاع بعض النصائح تعلمتها انا وسيارتي سوا سوا يعني هههههه نقلب بقي عامية 1- اول حاجه لازم تكون قاعد في العربيه قاعده مستريحه مريحه رجلك وظهرك ومستوى الرؤية للعربية يكون صحيح جدا 2- اظبط المرايات بحيث ان التلت مرايات يكملو بعض يعني كانهم بيمثلو شاشة عرض خلفية طبعا تبقي حاسس انك شايف كل حاجه وراك خاصه في العربيات الموديلات القديمة ده مهم جدا لان مراياتها واقعيه وبتجسد الحاجه مظبوطة شوية وللاسف ضيقه 3-خلي عندك ذاكرة سريعه للي جاي من خلفك اولا تذكر مين وراك بنظره بسيطه كل ثواني في المرايات ولوبتسوق في حاره واحده وحبيت تغير الحارة رجاءا انظر في المرايات تاني لو مش متاكد بص شمالك كانك بتبص علي حاجه جنبك مفيهاش كسوف خاصة وطبعا اوعي تنسي اضاءة الاشاره لان الخواجه اللي صنع العربيه كان عنده نيه انه يحود ويعرف اللي وراه اوكش 4- رجلك خليها تصاحب الفرمله بلاش التعافي اللي بنشوفه زي سواقين الميكروباص عشان تقلل الاحتكاك بجلد الخزينة واسلاك الفرامل ميكنش مفاجيء فمش ينحل فيها تدريجي 5- لا تنشغل باي شيء غير الطريق صاحب سيارتك وانت هتسوقها باستمتاع 6- خد بالك من الغيارات علي السريع بمعني النقلة الاول : من صفر الي 10 ك م النقلة الثانية : من 10-35 ك م النقلة الثالثة : 35 - 60- ك م النقلة الرابعة : 60 - 85 ك م النقلة الخامسة : 80 - اخر العداد علما ان دي سرعات عربية 1300 سي سي والعربيات متقاربه من كده ممكن لما العربيه كانت علي سرعه والعداد بقي علي 30 تاخد تالت برده بس تدريجي ودي هتعرفها بالتدريج 7- اهم شيء الدبرياج اللي بيتقطع منك كل شوية او بيتقل كل شوية السبب كثرة الضغط من غير سبب لو بتنزل من كوبري بتضغط ليه دبرياج احتكاك اكتر !!! طبعا خطأ مور وانزل لو جوا زحمة كل مره شيل رجلك خالص من الدبرياج مش لازم تفضل ضاغط عليه ومش تمشي الا لما الدنيا توسع قدامك وسيب اللي يزمر يزمر واوعي تدور وتحط رجلك دبرياج وجاهز للانطلاق بقي ومستني حد لسا علي السلم لما ينزل يعني اقصد انك تاخد بالك اووووي وانت سايق انك مش لازم تضغط دبرياج عمال علي بطال كده ههههه وانت رايح تفرمل سيب العربيه لحد ماخلاص هتقف حط دبرياج وانقل سرعتك لكن مش تحط دبرياج كل ده حرااااااااااام بيقطع الواير اكيد 8- في الركن خد بالك من جنبك الشمال هيكون اقربلك خاصه لو بتظبط عربيه او بتعدي حته ضيقة او بتركن ايون صح زي اللي بيفتحو باب ويبصو لورا دول بس انت متعلم مش ينفع بص في المرايا كويس الاقرب ليك واقف لما تحس ان العربيه معتدش عايزة تمشي هههههههههه معناها ان فيه مقاومة من حاجه وراك 9- العربية لازم تهتم بيها عشان تقدر تسوق كويس وميبقاش العربية هم عايز تنزل تروح بيه مشوارك 10- ظبط الاطارات كل يومين علي الاكثر انا بظبط كل مشوار لان العجل بيتمدد وبيحصله حاجات كتيره فبيتغير طبعا من بدري وللعلم بيفرق كتير في ظبط وثبات العربيه علي السرعات 11- لما تسوق علي 160 لازم يكون في دماغك حاجه انك مش بتوصل بدري خالص بسببين بساط اوي اوله المطبات اللي بتجمعنا في مكان واحد دي اللي ماشي 100 زي 160 الا اذا كان طريق يخلو من المطبات خالص دي نقطة مشي العربيه بسرعه بيوفر في البنزين والاحتراق وكمان بالمناسبة 110 انسب سرعه داخل مصر طبعا الفرق بينها وبين عربيه بتجري 160 في مشوار طويل عريض بيعمله ربع ساعه معتقدش مستهله ومجربه انا وصديق من المنصورة للقاهرة كفايه دول ............... تحياتي 
|
|
#2
20-10-2011, 04:58 AM
|
|||
|
|||
|
رد: للقيادة باستمتاع عليك بالتالي !!!
حاجه رأئعة والله و الجميل انى مش بعمل ولا حاجه منهم
|
 |
|
|
