#1
|
||||
|
||||
كام حاجة عملتها قولت افيدكم بيها زي ما بستفاد منكم
اول حاجة السلام عليكم وان شاء الله تكونوا بخير
ثانياً ندخل ف الموضوع حتى لا أطيل عليكم --------------- طبعاً من فترة عربيتي عملت حادثة و كانت بالطريقة دي بعدها قررت ادخلها سمكرة و دوكو عشان ترجع المهم اخويا قالي في سمكرى صاحبه روحتله و عرضت عليه الامر المهم قالي انه هياخد مصنعية 800 جنية و عايز طبلتين و عتبة و اللي هيتعمل كالأتي هيزرجن القايم عشان يرجع زي ما كان ويركب الطبلتين بدل القدام لانهم مصديين و هيركب العتب المهم زرجن و ركب و كله تمام و جبت الطبلتين و العتبة ب180 جنية من الكابلات طبعا اخويا اهمل ف متابعة العربية لاني كنت مسافر و لما رجعت فوجئت ان الطبلتين مش مظبوطين ع العربية لكن كان بعد فوات الاوان و اخويا دخلها الدوكو و الراجل بتاع الدوكو قال انه هيعمل الجنب اليمين كله بالشنطة دوكو فرن بـ550 جنيه و قد كان و الحمد لله طلعت بالنسبة لـ اللون مفيش مشكلة لكن بالنسبة للبابين مش مظبوطين زي ماكانوا بالاول للأسف و استعوضت ربنا عشان محرجش اخويا و دي صور الشغل ع العربية المهم خلصت والحمد لله دخلت لضبط الابواب تاني عشان يركب الاوكر و الكوالين و يظبط الراجل كان هاين عليه يتف ف وشي ويقولي مين ابن الـ@#$% اللي عملك الجنب ده لكن سكت و كتم المهم ظبطت الكهرباء و الابواب بقدر الامكان لكن الباب اليمين قدام قالي انه عايز خابور عشان يتثبت كويس و كمان الباب الشمال قدام برده عايز خابور عشان عامل ازعاج ف المطبات قولتله الخابور يكلفني كام قالي فك و تركيب و خراطة الباب الواحد ب120 جنيه قولتله هفكر و اقولك ف ياتري فعلا الخابور ده سعره ولا ايه !؟ المهم بعد ما استلمت العربية نازل ف يوم من الشغل لقيت الفرامل مش موجوده ههههههههههههههههههههههههه ه مشيت واحدة واحدة لحد ما لقيت بتاع فرامل جنب الشغل ف السابع روحتله فك الاربع عجلات عشان قولتله بالمرة شوف فرامل ورا مالها و ظبطها المهم فك الاربع عجلات قالي فرامل ورا عايز تيل و كاوتشة و فرامل قدام عايز يظبط هواء قولتله اوكي توكل ع الله و هو بيفك جه ع بالي فكرة قولت اعملها وهو يعني اللي عملها قبل مني احسن مني ف ايه المهم الفكرة هي اني ارش التنابير للون احمر و بالفعل تابعوا بالصور الاول ده بعد فك العجلات و مراجعة التيل خلفي و بعدها بدل عمل التيل الخلفي و تركيبه بعدها عمل غسيل للتنابير و التيل الخلفي و الامامي بعدها عمل صنفرة بسيطة للتنابير عشان ابدأ ارش اللون و ده الاسبراي اللي جبته بـ 10 جنيه من بتاع الكماليات و ده بعد ما رشيت التنابير و التيل و بالنسبة لبتاع الفرامل اخد مني 120 جنيه اجمالي المصنعية و التيل خلفي و ظبط الهواء امامي و شكراً و أسف للإطالة
__________________
إللي حابب يعمل سياحة داخلية أو خارجية يشرفنى أني أخدمهُ
ده الاكاونت بتاعي ع الفيس بوك إضـغـط هِـنـا تقدروا تتواصلوا معايا عن طريق وآتس آب أو فايبر أو SMS من خلال الرقم ده ( 00201111808480 ) سُبحان الله و بحمدهُ سُبحان الله العظيمّ |
#2
|
||||
|
||||
رد: كام حاجة عملتها قولت افيدكم بيها زي ما بستفاد منكم
ربنا يكرمك و يباركلك ... مشكور جدا على نقل التجربة
__________________
|
#3
|
||||
|
||||
رد: كام حاجة عملتها قولت افيدكم بيها زي ما بستفاد منكم
العفوا ده أقل حاجة أقدمها لأخواتي اللي استفادت منهم كتير
__________________
إللي حابب يعمل سياحة داخلية أو خارجية يشرفنى أني أخدمهُ
ده الاكاونت بتاعي ع الفيس بوك إضـغـط هِـنـا تقدروا تتواصلوا معايا عن طريق وآتس آب أو فايبر أو SMS من خلال الرقم ده ( 00201111808480 ) سُبحان الله و بحمدهُ سُبحان الله العظيمّ |
#4
|
||||
|
||||
رد: كام حاجة عملتها قولت افيدكم بيها زي ما بستفاد منكم
تمام شغل زى الفل
ربنا يباركلك
__________________
يااااااااااااا رب إرحمنا بقدرتك علينا |
#5
|
||||
|
||||
رد: كام حاجة عملتها قولت افيدكم بيها زي ما بستفاد منكم
__________________
إللي حابب يعمل سياحة داخلية أو خارجية يشرفنى أني أخدمهُ
ده الاكاونت بتاعي ع الفيس بوك إضـغـط هِـنـا تقدروا تتواصلوا معايا عن طريق وآتس آب أو فايبر أو SMS من خلال الرقم ده ( 00201111808480 ) سُبحان الله و بحمدهُ سُبحان الله العظيمّ |
|
|