مساعده لاخوكم مصري بيشتغل في السعوديه

[doktor3373]

السلام عليكم ادخل في الموضوع علطول انا معايا كيا كلاريس موديل 2000 وعندي مشكله مجنناني في العربيه ودوخت علي الميكانيكيه وبتوع الكمبيوتر لكن للاسف ما حادش فاهم حاجه واقولكم السبب ان معظم الميكانيكيه في السعوديه اول ما بيشوفوا واحد مش سعودي بكبروا دماغهم ويحاولوا يصرفوك باي طريقه لان طبعا هما متاكيدين ان العربيه موديل قديم وهتاخد منهم شغل كتير وفي النهايه مش هياخد الفلوس اللي في دماغه وطبعا هو عايز واحد سعودي بموديلات عاليه علشان بيريح دماغه ويقولوا غير علطول والسعودي ما عندوش مشكله المهم في البدايه انا كنت عملت اكس وباب عند ابراهيم اللي في شبرا لما نزلت اجازه علشان العربيه كانت بتاكل بنزين والحمد لله اتظبطت دلوقتي RBM لما اشغل العربيه ما بيبقاش مضبوط يعلا ويوطا لكن لما بتسخن بيتظبت تمام كده وعلي فكره هو مضبوط علي 1100 وهكولكم ليه دلوقتي المشكله التانيه واللي مجنناني لما اشغل التكييف تحصل رجه في العربيه وينزل RBM تقريبا ل500 وتفضل تترج ولما ادوس بنزين شويه او الكمبورسر يشتغل يعلا الRBM والرجه تروح سالت زمايلي السعوديين قالولي ان المفروض لما اشغل التكييف في حساس بيعلي الRBM وانت الRBM عندك بينزل دي حاجه غريبه جدا طيب يا جدعان اعمل ايه قالولي لازم تكشف كمبيوتر وطبعا زي ما حكتلكم قبل كده قصه بتوع الكمبيوتر والقرف اللي شوفتوا منهم اللي يقولي هيا كده واللي يقوللي دي موديل قديم ما بنشتاغلش فيها وبصراحه حاجه تقرف لغايه لما زهقت وانا بتعامل مع ميكانيكي هندي بس كويس اضطرينا نعلي الRBM علشان لما نشغل التكييف ينزل لغايه 800 وكده ما يبقاش فيه رجه وطبعا انا حاسس ان ده غلط ولكن للاسف ما فيش حل تاني وقلت اشرحلكم المشكله وان شاء الله الاقي الحل عندكم وعلي فكره انا مهتم بتغيير الصيانه الدوريه وطبعا ده بفضل المنتدي لاني اول مره اسوق كنت في السعوديه وفي البدايه قبل المنتدي طبعا اشتريت العربيه وما عملتش فيها اي حاجه وبالتالي سير الكاتينه اتقطع مني لاني ما غيرتوش في البدايه لكن لما قريت في المنتدي علي الحاجات اللي المفروض اعملها عملتها طبعا كله ويا ريت لو حد يعرف العربيه كام سي سي يقولي وهل العربيه انجكشن ولا كاربراتبر يقولي ما تستغربوش من اسئلتي لاني هنا الهنود مش عارف اتعامل معاهم خالص ومش فاهمين مصطلحات الميكانيكا المصريه اللي طبعا لما اجي اقولهم عليها يقولي مش معلوم لغايه ما اتخنقت وانا من النوع اللي لازم ابقي عارف كل حاجه عن العربيه لدرجه ان بسبب المنتدي وبعد القرأه في المنتدي بقيت اتناقش مع الميكانيكي الهندي في حاجات وبقي يندهش اني عارف الحاجات دي وده طبعا بعد فضل الله فضلكم انتم معلش طولت عليكم ويا ريت تلاقوا حل لمشكلتي وشكرا

[احمد سويلم]

ربنا يوفقك
والله معنديش اى رد ع استفسارات حضرتك ولكن هحولك ع المتخصصين عندنا فىا لمنتدى وهما هايجوبوك ان شاء الله

[doktor3373]

شكرا لردك وانا عارف ان العربيه مش منتشره في مصر كتير بس اكيد الخبراء يقدروا يفيدوا

[محمد فيصل]

أخى الكريم من واقع ما ذكرت انك قمت بعمل اكس وبابفى شبرا = السيارة كاربيراتير
الرجه سبب الشكوى اما حساس التكييف /او عدم ضبط الموتور جيداً او إنهاسيراة عجزت بعض الشىء

[doktor3373]

المشاركة الأصلية كتبت بواسطة محمد فيصل أخى الكريم من واقع ما ذكرت انك قمت بعمل اكس وبابفى شبرا = السيارة كاربيراتير الرجه سبب الشكوى اما حساس التكييف /او عدم ضبط الموتور جيداً او إنهاسيراة عجزت بعض الشىء

يعني معني كلامك ان العربيه الانجكشن ما فيهاش كاربيراتير خالص طيب انا سمعت ان فيه عربيات فيها الاثنين مع بعض وبيتقال عليها هاف انجيكشن يعني ايه الكلام ده علشان افهم معلش اسئله مبتدئ