القول لك ........يا صاحب الإيمجراند

[ali farouk]

المشاركة الأصلية كتبت بواسطة ehab emgand7 السلام عليكم ------لله الحمد اشتريت الام جراند 7 عملت بيها 1000 ك ورايح يوم الاتنين اعمل الصيانه بتاعه ال1000ك -----بصفه عامه العربيه مستواها جيد جدا وكماليتها ممتازة وصالونها واسع والتنجيد جيد جدا -نيجى للعفشة ناشفه شويه بس ادائها احسن من الفيرنا واللانوس- ثباتها جيد جدا بس كنت اتمنى ان ماتورها كان 1600 كان ادائها هايكون رهيب ---الحمد لله لم اجد اى مشاكل حتى الان غير ان الكاست هنج منى مرة واحده لما شغلت الاسطوانه ورجع اشتغل تانى زى الفل ومعملهاش تانى الحمد لله ----طبعا العربيه شيك جدااااا وكل اللى يشفها يفتكر انها عربيه المانى او حاجه ب 200الف بس والله بمنتهى الامانه انا شايف انها تستاهل تمنها وانها عربيه ممتازة بالنسبه للسعر والامكانيات والتقفيل اللى انا اديلو جيد جدا والخامات بردو تاخد جيد جدا انصح اى حد بيشاور عقله هاتها وتوكل على الله متقلقش والله العربيه فى وجهه نظرى لقطه واتوقع انها هاتغلى قريب جدا لما الناس تعرف قيمتها -----فى النهايه انا فعلا مش ندمان انى اشترتها وبراهن عليها انها هاتكتسح السوق فى ظرف كام شهر -----اللهم بارك لنا فيها واعطنا خيرها واكفنا شرها -------واتمنى من اى حد معاه العربيه لو ظهر عيب يقوله ونستفاد كلنا من الاراء المختلفه ---ويوم الاتنين اقولكم عملت ايه فى صيانه 1000ك واتمنى لو حد عمل صيانه ال1000 يقلى ايه النظام هناك ------

بارك الله لك فيها أخى الكريم ورقك خيرها وحفظك الله من شرها ومن شر الحسد لأنها فعلا عربية فخمة من بره
بس ممكن توضيح أكتر يعنى أية العفشة ناشفة شوية ؟ يعنى مثلا بنشوفية الصنى القديمة علشان دى اللى أنا ركبتها وحسيت فعلا ان كل مطب وزلطة فى الأرض بحس بيها على عكس الفيرنا واللوجان كانت عفشتهم مريحة بالنسبة لى

[ali farouk]

المشاركة الأصلية كتبت بواسطة hyundai 2005 ياجمااااااااااااااااااااا اااااااعه اللي بيشغل الكاسيت ويهنج معاه ده اكيد بيشغل سي دي cd مش فلاشه ولا كارت ميموري صح ؟؟؟؟؟؟؟؟؟؟؟؟؟؟ لازم الاسطوانه تكون محروقه علي سرعه معينه تناسب cd العربيه يعني بالعربي مش اي اسطوانه العربيه حتشغلها .

طيب هو الكاسيت cdولا أيه وفى مكان للusb ولا لأ
ممكن تفصيل لمعلومة إن مش أى cd يشتغل على الكاسيت

[ali farouk]

ومستنين الأستاذ إيهاب يقولنا رأيه يوم الأثنين بعد عمل صيانة الألف وعقبال ال 100000 إن شاء الله

[hyundai 2005]

المشاركة الأصلية كتبت بواسطة ali farouk طيب هو الكاسيت cdولا أيه وفى مكان للusb ولا لأ ممكن تفصيل لمعلومة إن مش أى cd يشتغل على الكاسيت

الكاسيت ليه 4 اوضاع cd . usb . كارت ميموري . راديو

اما بنسبه لموضوع الاسطوانه فاي سي دي ليه سرعه قرائه معينه زي 48x . 50x .52x.54x
وبتتحكم في اي اسطوانه وسرعتها عند حرقها في برنامج النيرو ييعني بالبلدي لازم الاسطوانه تكون متوافقه مع مشغل الاسطوانات عشان ماتهنجش

[ali farouk]

المشاركة الأصلية كتبت بواسطة hyundai 2005 الكاسيت ليه 4 اوضاع cd . usb . كارت ميموري . راديو اما بنسبه لموضوع الاسطوانه فاي سي دي ليه سرعه قرائه معينه زي 48x . 50x .52x.54x وبتتحكم في اي اسطوانه وسرعتها عند حرقها في برنامج النيرو ييعني بالبلدي لازم الاسطوانه تكون متوافقه مع مشغل الاسطوانات عشان ماتهنجش

شكرا يا باشا على التوضيح