العربية بتسخن مع السرعات العالية

[mr_astra]

كمان تقولى انهو زيت افضل للعربية شيل ولا توتال ؟

ولا دة ولا دة
احنا فى بلد المغشوش
اكاد اجزم ان كل الزيت وخصوصا المشهور هو مغشوش
حاول تشوف زيت مصنع ومعبا فى الخارج حتى لو من الصومال
انما زيت مصنع او معبا فى مصر !!!!!!!! لالالالا يصلح

تيل الفرامل يعنى حياة ناس 90 % مغشوش
طبعا كل قطع الغيار مغشوشة

يا راجل لبن الاطفال علية سيراميك
الاكل والشرب مهرمن
دة احنا بناكل كتاكيت فى شكل فراخ

[citroen berlingo van]

المشاركة الأصلية كتبت بواسطة mr_astra تيل الفرامل يعنى حياة ناس 90 % مغشوش طبعا كل قطع الغيار مغشوشة يا راجل لبن الاطفال علية سيراميك الاكل والشرب مهرمن دة احنا بناكل كتاكيت فى شكل فراخ

ربنا يسترها الواحد بجد مش عارف يلاقيها منين ولا منين .......
الف شكر لتعب حضرتك يا باشا

[mr_astra]

لو هاتروح تظبط تاكيهات
بلاش تروح لمختار لان راى فية الصيت ولا الغنى

[AbOnOrA]

mr_astra

[citroen berlingo van]

المشاركة الأصلية كتبت بواسطة mr_astra لو هاتروح تظبط تاكيهات بلاش تروح لمختار لان راى فية الصيت ولا الغنى

تم ظبت التاكيهات عند واحد ميكانيكى معرفة و بيقولى كل التاكيهات كانت مفتوحة زيادة عن اللزوم و انا اتاكدت من دا بنفسى لما لاقيتو بيحط الورقة ال 35 و لاقيتها ماشية بدون اى مقاومة تحت التاكية و بعد ما ظبتها الصوت هدى جامد عن الاول بس لسة موجود برضو لانى قولتلو ولا تبقى مقفولة ولا مفتوحة انا عاوزها تمام و برضو قولتلو على العيب اللى فى العربية قالى طيب مهو ممكن يكون الردياتير و بص على خراطيم المية لقا ان دورة التبريد عندى عبارة عن خراطيم كتير انا عندى خرطوم طالع من الموتور للردياتير من تحت الموتور و نفس الخرطوم داخل على الموتور تانى و من فوق فى نفس الحكاية واحد داخل الموتور وواحد طالع للردياتير فلما شاف اللى فوق قالى دا واسع جدا المفروض مايكونش كدا و قفل الفتحة اللى بتطلع مية من فوق بخشبة و بيقولى كدا مش هتسخن معاك انا بصراحة شكيت فية و قولى امشى بالعربية و اشوف العربية درجة حرارتها عادى بس بصراحة لسة ماجربتش ازود عن ال 120 لانى مخلص معاة امبارح بلليل الساعة 11
اللى عملو فى دورة المية دا صح ولا غلط ؟