أحترس من محور 26 يوليو

[خالدخليفة]

ربما اكون غلطان
اللهم بلغت اللهم فاشهد

المشاركة الأصلية كتبت بواسطة خالدخليفة جايز كلامك صح لو رديت على سؤالى لوكلامك صحيح فعلا و هما نفس الرادارات فكوهم من جنب الطريق الى وسط الطريق ليه ؟؟؟؟ تفتكر علشان حسو اننا مش فاهمين ان فيه رادارات على المحور وعموما ربما انت بتمشى اكتر منى على المحور لانى بشتغل فى مجال بيع الأراضى الصحراوية على طريق اسكندرية الصحراوى فأيه اللى هيمشينى على المحور وانا جاى من الزيتون واما حكاية زاوية الكاميرا فانا اخدت بالى منها وانا جاى دلوقت وكنت جاى انوه عنها لانى لما كتبت الموضوع ولمحتهم كان معايا ناس فى العربية فكنت بكلمهم وعينى على وسط الطريق

بعيدا عن لهجة التريقة الواضحة في كلامك
الرادارات اتحطت في وسط الطريق عشان يوهمو الناس انها بتصور في الاتجاهين
لانهم اخدو بالهم من ان الرادارات الناس حفظت اماكنها وكانت بتهدي ادامها فقط
وبعدين تفتح سرعتها بعدها ودا كان في الاتجاهين
وكمان عشان كانو فاكرين انهم حايغطو مساحة اكبر لو الرادار ارتفع اى اعلى من لما كان على الجوانب كان مستواة اوطى من كدا
وقريب جدا اكتشفو ان دا غلط وبدءو في توطية الرادار لاسف قليلا عشان يعمل سكان
للمنطقة المراد تسجيل مخالفات السرعه فيها
وكمان لو كنت اخدت بالك الرادارات لما كنت متركبة على الجوانب كانت سهل للعب بيها
حتقوللي ازاي
حاقولك فعلا كان فية ناس بترش اسبراي اصفر على جسم الرادار خصوصا العدسة
لانة كان على جانبي الطريق
دلوقتي اعتقد مستحيل حد حايعمل كدا

انا فعلا بامشي من المحور من سنة 99 الى الان ايام مكان 3 حارات في كل اتجاة
والسرعه القصوى 80
وكان فية رادار واحد موجود في كشك مروري كان معمول على الرصيف الاوسط تقريبا في منتصفة تماما
ربنا يستر طريق الناس اجمعين

[Komy]

انا بقى عندى إقتراح جامد إحنا نجيب علبة إسبراى إسود مط ونرش على العدسات دى علشان انا إتقرصت كتير وإبقى سلملى على العدسة

[خالدخليفة]

المشاركة الأصلية كتبت بواسطة walidelwahsh بعيدا عن لهجة التريقة الواضحة في كلامك

والله انا خفت تفهم انى بتريق عليك فقررت تعديل المشاركة ومسح كل الكلام فيها
وربما اكون اسأت التعبير لكن مقصدش اتريق عليك
لكن فعلا انا لاحظت ملحوظة وقررت انبه الناس هنا
واذا كان الملحوظة ليس لها قيمة فتقدرو تطلبو من الادارة انهم يمسحو الموضوع من اساسه

المشاركة الأصلية كتبت بواسطة خالدخليفة والله انا خفت تفهم انى بتريق عليك فقررت تعديل المشاركة ومسح كل الكلام فيها وربما اكون اسأت التعبير لكن مقصدش اتريق عليك لكن فعلا انا لاحظت ملحوظة وقررت انبه الناس هنا واذا كان الملحوظة ليس لها قيمة فتقدرو تطلبو من الادارة انهم يمسحو الموضوع من اساسه

ولا يهمك يا باشا
الموضوع مهم جدا
والاهم ان اي حد عندة معلومة تزيد الموضوع اثراء يبقى غلطان لو مدخلش وقال المعلومات اللي هو عارفها
وانا اسف لو ضايقتك بكلامي
لاني حسيت منك بتريقة في حتة انك بتروح الصحراوي من الزيتون كل يوم تقريبا
وعلى فكرة انا جارك في عين شمس
ومشكور على تنبيهك