ماهو اليوم الذى تعطلت فية سيارتك ولن تنساه؟

[hazem_khidr]

صعب اوي فعلا ان عربيه تعطل في سفر دولي زي دا.
بس علي فكره الفرامل كده كده مكنتش حتشتغل حتي لو حاطط كابل البطاريه
لان الفرامل معتمده علي الموتور مش الكهرباء

[shebnez]

انا بقه حصل معايا مواااااااقف مع عربية والدي بيجو 504 ، اصعبها كان من كام سنه و كان اخر يوم في رمضان و صابح تاني يوم العيد و كنا مسافرين من الاسكندريه و طالعين عالقاهره و والدي فضل الطريق الزراعي عشان هوه عارف العربيه ممكن تعوز ميكانيكي في اي وقت و طبعا الصحراوي قليل جدا الميكانيكيه فيه ، المهم العربيه ماشيه حلو خالص و بكل هدوء و لسه في منطقة ابيس يعني اول الزراعي و على سرعة 80 تقريبا
و مره واحده لابينا ولا علينا سمعنا صوت صفييير جامد و ريحة شياط ، والدي طبعا ركن على جنب و بطل العربيه ، و بنفتح الكبوت مافيش غير ريحة شياط ، والدي حاول يدور تاني الموتور زي ما يكون مكلبش في بعضه و تقريبا مش بيلف ، قمنا قطرناها و طبعا من غير فرامل يعني شدة اعصاب فظيعه و الحبل اتقطع مننا كذا مره لحد ما رجعناها الاسكندريه ووصلناها للميكانيكي طلع انه الردياتير سليم و الكاوتش بتاعه و كله لاكن طرمبة المياه بازت و قفشت فبالتالي الموتور سخن و قفش و احتاج نص عمره . و قضينا العيد في الاسكندريه بدون عربيه و الحمد لله على كل شئ

[zoro3027]

كنت مسافر بورسعيد من القاهرة بعربيتى الهوندا 84 وكان معايا الاولاد و بعد مخرجت من القاهرة وكنت عديت مدينة السلام سميت ريحة كاوتش بيتحرق ولقيت عداد الحرارة بتاع العربية ضارب فى العالى ركنت على جنب ونزلت فتحت الكبوت لقيت موتور العربية هيولع من السخونة وكان الوقت المغرب واضح طبعا ان فى مشكلة فى التبريد او مية الردياتير انتظرت فترة لغاية مالموتور بقى دافى شوية و فتحت غطاء الردياتير ملقتش مية فية بدأت ازود مية و امشى شوية طبعا بعد معملت ريترن وراجع للقاهرة تانى لانى خلاص كنت اخدت قرار بالغاء السفر وكان همى ان الاقى عربية تقطرنى لغاية اى ميكانيكى خاصة الليل بدأ يدخل عليا و انا فى الطريق و معايا بناتى و زوجتى و اخير لقيت عربية نصف نقل شاورت لها موقفتش الا لما شافوا الاسرة معايا و ربطت العربية و بدأ يجرنى اقصد يجرجرنى وراة وكان بيجرى بسرعة وانا كل شوية اقطع الحبل لانى باستخدم فرامل اليد لانى نسيت اقولكم ان السيارة كانت اتوماتيك ومكنش ينفع ادورها احسن الموتور يقفش بس يدوب كنت فاتح الكونتاكت علشان الدريكسيون ميقفلش وكانت المسافة بين السيارتين تقريبا 5 متر علشان كنا على طريق السفر ودخل بيا مدينة السلام علشان اشوف ميكانيكى بس وهو داخل و فى الملف قو اية ال عربية نص نقل تانية تدخل بينا ببوذها يعنى عايز يعدى بعد العربية اللى بتشدنى وفى نفس الوقت قبلى طبعا كانت الدنيا ليلت والاسطى المستعجل مش شايف الحبل مع انى كنت منور الفلاشر بتاع النتظار وكنت بديلة كلاكس بس راسة و الف سيف انى يعدى قم اية راح مدمرى الجانب الايسر من الرفرف الامامى ولولا انى غيرت فتيس العربية الى الباركينج لكان اخذ جنب العربية الشمال كلة طبعا اتقطع الحبل للمرة الخامسة و ربنا يسامحنى بقا الراجل كان هيموت من الغيظ كل شوية ينزل يربط الحبل لغاية مابقى الحبل اقل من مترين المهم رحت لميكانيكى لقيت ان القصة كلها فى اية بقى ال اية حتة من الخرطوم اللى بيدى المية للمتور من الردياتير مشقوقة تم قطعها و ركب الخرطوم تانى وروحت البيت بس سافرنا تانى يوم بس مش ناسية

[ahmed-alaa]

المشاركة الأصلية كتبت بواسطة hazem_khidr طب اسمعوا اللي حصل معايا و اتحدي ان حد يكون حصل معاه موقف زي دا الموقف اللي ححكيه دا كان ايام تالته كليه او رابعه كليه ايام الواحد ما كان شايف نفسه شويه كانت ايام فقر هههههههههه ........ انا عن نفسي حصلي موقف قمه في الغرابه انا مش عارف حصل ازاي الموقف دا بس ححكيه لكم ايام ما كان معايا ال 125 كنت راجع من القاهره مره الكلام دا كان سنه 2000 و انا ساكن في المحله الكبري فكنت راجع بالليل جيت اهدي عن مطب لقيت الفرامل بتاع العربيه بتهرب نزلت ابص لقيت ان خرطوم زيت الباكم اللي ورا بيسقط فطبعا الفرامل بتضعف لحد ما يبقي مفيش فرامل خالص المهم قولت اكمل و خصوصا ان الطريق بالليل فاضي ما عليهوش ضغط.ptmnlo123per172 المهم قدام شويه كنت بدوس بنزين لقيت ان دواسه البزين مش بتدوس نزلت ابص لقيت ان التيش بتاع الاكسراتير اتكسر!!!! ptmnlo123per1106حاولت اعلي صوت العربيه و مشي بيها و خلاص ما نفعش ربنا هداني و كان معايا حبل في الشنطه قمت جبته و ربطه في التيش المكسور و طلعته من الكبوت و مسكته بايدي (يعني البنزين بقي في ايدي الشمال مش رجلي و خلاص قولت اهي كلها 20 كيلو و اوصل) المهم علي مدخل المحله جاي بدوس دبرياج لقيت سلك الدبرياج اتقطع!!!!!ptmnlo123per111 ptmnlo123per111 بطلت العربيه و عشقتها و دورت من علي التاني لحد ما صلت عند البيت و انا التلات دواسات مش شغالين خالص و تاني يوم بعت جبت الميكانيكي عملها تحت البيت كنت خلاص مش قادر اركبها في الحاله دي بس الحمد لله ربنا ستر

المواقف دي حصلت مع والدي بس مش كلها مرة واحدة مرة كان علي كبر ي 6 اكتوبر بيدووس فرامل لقي العربية مابتفرملش راح موقف بفرامل اليد لان زي مانتو عارفين كوبري اكتوبر بيبقي واقف وبص لقي زيت الفرامل كلو علي الارض راح ماشي ومكمل طريقه للورشة بتاعة الشركة اللي شغال فيها والدي هي شركة جيولوجيا بس عندهم ورشة عشان تصليح عربيات الشركة بقي ماشي بفرامل اليد ptmnlo123per154 ابويا دماغ
ومرة تاني والدتي كانت ماشية و فجئة بتدوس علي البنزين لقيت العربية مابتتحركش طلع ان الكلبس الي بيمسك دواسة البنزين اتكسرت راح جيه المكانيكي وربطها برباط ptmnlo123per1127 وراح بيها للورشة وصلحها
وبجد اسوء مرة مش قادر انساها كانت في العربية الجديدة لقينا لمبة الدينامو نورت روحنا جري علي التوكيل وفي الطريق والدي اللي كان سايق وفي الطريق الباور وقف والكاسيت قفل والازاز مقبقاش بيفتح والعربية رجعت للعصر الحجري وبعدين وقفت وبطلت روحنا جري جيبنا ميكانيكي ببطارية شحنها وجري علي التوكيل وعند اول شارع التوكيل شارع طوييييييييييييل متفرع من صلاح سالم العربية وقفت ومفيش نملة ماشية في الشارع كله بالعربية وبيجري علي الطريق يعني ماحدش هايسعدك عند جامع الشرطة كده المهم قررنا نعمل زي مابنعمل في الادا القديمة كانت اول ماطبطل ننده علي عيلين في الشارع وزقة يا رجالة وهيلا هوبة تدور ptmnlo123per1127 وفعدنا نزق نزق انا ووالدي وبع عناء العربية مادارتش رحنا راكننين واخدنا تاكسي وكملنا المسيرة للتوكيل وبعد ماوصلنا المهندس بعت معانا مكنكي ببطارية في نفس التاكسي للعربية و ركب البطارية ورحنا التوكيل
تفتكرو بقي يا تري ليه العربية مادرتش لما زقينها لما سالت المهندس كانت النوكتة اقعدت اضحك علي نفسي
اصل يا فندم العربية حقن الكتروني ولو عملت قرد جنبها مش هاتدور منغير بطارية والدينامو طلع بايظptmnlo123per195

انا اللي حصل معايا ده كان فيلم كارتون بس كان مخرج الفيلم ده والبطل الرئيسي فيه هوه سيارتي القديمة 128

المهم وانا ماشي علي الدائري رايح اكتوبر بعد نزلت اسكندرية الزراعي يجي 5 كيلو مره وحدة سمعت صوت حاجه كسر جامد والعربية وقفت مكانها ومحتطش منطق وياريتها وقفت في حته كويسة ديه وقفت في الشمال وفي منزل واللي طالع مش شايف اللي في المنزل ده وكان حظي حلو اوي ان كل اللي كان واخد الجنب شمال ده هوه ماشي هما النقل الثقيل والمقطورات زي ما يكون قصدني المهم نزلت الحج والحاجه من العربية وخليتهم وقفو في الجهة اليمين بعيد عن العربية لاني قولت ان خلاص كدا العربية راحت لان كان احتمال بنسبة 90% ان فيه عربية نقل صاحبها هيكون مش واخد بالة وهيشيل العربية في سكتة المهم نزلت بصيت اشوف ايه اللي اتكسر اتاري الشاكوش بتاع مجموعة الكهربة هرب من مكانه وكسر مجموعة الكهربا كلها فروحت ادور علي اي ميكانيكي تحت الدائري وكانت في اليوم ده حاسس انها نهايتي لاني كنت بنط من فوق سور الدائري للنحية التانية العكسية واعدي الدئري وعرض الدائري كان كبير المهم نطيت من فوق الدائري للشارع تحت ووصلت لاول ميكانيكي جري كان علي بعد 200 متر من الدائري قاعدت اتحايل عليه انه يطلع يشوف العربية قلي مبطلعش الدائري لو عملت قرد اودامي قولتله طيب فيه ميكانيكي تاني غيرك هنا قالي فيه واحد باعدي يجي 300 متر تاني جريت ورحتله قالي هاجي معاك بس بشرط قالي تنقل العربية من الجنب الشمال للجنب اليمين وغير كدا مش هاجي معاك المهم رجعت جري ونطيت سور الدائري تاني وقلت للحج هنحاول نرميها في الجنب الشمال بابا كانت مهمته انه يعديني وانا كانت مهمتي اني ازوق العربية المهم انتهزت فرصة ان الدائري فضي لحظه روحت زقيت العربية بسرعه ومره وحدة العربية جريت مني وجريت وراها ونطيت جواها وفرملت علي اخر لحظه لانها خالص كانت هتنط من فوق الدائري الله يحرق الدائري وجه الميكانيكي شافها بعد طبعا ما عديت الدائري تاني ونطيت من فوق الدائري تاني وبس عملها بس طبعا بعد ما طلع عين اهلي وديه كانت اقل حاجه حصلتلي مع 128 انا مش عايز اطول عليكم