|
#11
02-09-2009, 03:32 AM
|
||||
|
||||
رد: ماهو اليوم الذى تعطلت فية سيارتك ولن تنساه؟
انا ليا مواقف كتيرة مع البيجو ال 505
العربية ده كانت اوتوماتيك و ابويا نزلها من الكويت سنة 86 و فضلت مركونة لغاية ما استلمتها سنة 2003 و طبعا ده كان اس البلاوي اللي فيها كلها اول موقف ان و انا ماشي في التحرير قدام وزارة الداخلية كدة فجاة و انا دايس بنزين لقيت العربية مبتمشيش علما انها كانت دايرة ادوس بنزين اكتر و لا حياة لمن تنادي اطفي و ادور تاني نفس القصة طبعا العساكر جولي و قالولي امشي و افهم فيهم ان العربية عطلت و انها اوتوماتيك و مبتزقش و لا هما هنا و لما اتفكرت انها يتدور عادي دورتها و جبتها علي ال n و زقتها لوحدي لغاية ميدان لاظوغلي و ده كان الساعة 2 الظهر في شهر 8 و طلع ان الجير بوكس اداكم عمره و جبت واحد استيراد ب 2000 جنية تاني موقف ان العربية وقفت مني تماما في نص شارع جامعة الدول و برضة كان في الصيف و انت عارفين الشارع ده عامل ازاي في الصيف و طبعا العربية مبتزقش و ناس كتير يعرضوا الفكرة واضطر افهم فيهم واحد واحد ان العربية اوتوماتيك و فضلت واقف بتاع ساعة لغاية ما الميكانيكي جه و خلال فترة انتظاري اتعملت اسامي الحيوانات من اول و جديد دول كانو اكبر موقفين مع تعدد المواقف الفرعية من كوتش و كهربا و اللذي منه
__________________
Sharief Mansy
 Farewell my Cayenne, you were the best car i ever had and driven 
|
|
#12
02-09-2009, 08:00 AM
|
||||
|
||||
|
رد: ماهو اليوم الذى تعطلت فية سيارتك ولن تنساه؟
وشكراً يا استاذ سمير على فكره الموضوع والشكر موصول لكل الناس اللى افادت بتجاربها
ده طبعاً اغرب موقف حتى الان حصلى والمشكلة انه كان اكثر من مشكلة فى بعض بشكل متتابع خلونى يأست من العربية ومن الميكانيكا والكهرباء وكل حاجة فى العربيات اساسا وده رابط الموضوع العربية اللى حيلتى ماتت (اغرب موقف حصلى مع عربيتى) اما الاعطال اللى متتنسيش بالنسبالى هما اول مرة ينام منى الكاوتش وكنت نازل من البيت مستعجل علشان اروح الشغل وقبل ماركب او ادور العربية اكتشفت ان الكاوتش نايم واتمسمرت مكانى دقيقة كاملة افكر هلحق اغير الكاوتش ولا احسن اروح الشغل مواصلات هروح من غير عربية ولا بعربية امشى شايل الشنطة ولا العربية احسن هروح مشاوير بعد الشغل ولا ............ والموقف التانى اول مرة عطلت منى العربية بسبب بوظان البطارية وكنت فى ميدان روكسى وبالتحديد فى اشارة روكسى اللعينة وربكتى وخنقتى وانا بحاول ادور فى العربية والدنيا زحمة ورايا ونزولى لزق العربية وانا لابس فورمال والعربية لسه جديدة بقالها شهور ونظرات الشفقة والامتعاض واحيانا القرف من الناس كلها حاجات لاتنسى فى اول مرة بعد كده خلاص بتبقى عادى خلاص ptmnlo123per1105
|
|
#13
02-09-2009, 08:00 AM
|
||||
|
||||
|
رد: ماهو اليوم الذى تعطلت فية سيارتك ولن تنساه؟
وشكراً يا استاذ سمير على فكره الموضوع والشكر موصول لكل الناس اللى افادت بتجاربها
ده طبعاً اغرب موقف حتى الان حصلى والمشكلة انه كان اكثر من مشكلة فى بعض بشكل متتابع خلونى يأست من العربية ومن الميكانيكا والكهرباء وكل حاجة فى العربيات اساسا وده رابط الموضوع العربية اللى حيلتى ماتت (اغرب موقف حصلى مع عربيتى) http://www.masrmotors.com/vb/showthread.php?t=7891 اما الاعطال اللى متتنسيش بالنسبالى هما اول مرة ينام منى الكاوتش وكنت نازل من البيت مستعجل علشان اروح الشغل وقبل ماركب او ادور العربية اكتشفت ان الكاوتش نايم واتمسمرت مكانى دقيقة كاملة افكر هلحق اغير الكاوتش ولا احسن اروح الشغل مواصلات هروح من غير عربية ولا بعربية امشى شايل الشنطة ولا العربية احسن هروح مشاوير بعد الشغل ولا ............ والموقف التانى اول مرة عطلت منى العربية بسبب بوظان البطارية وكنت فى ميدان روكسى وبالتحديد فى اشارة روكسى اللعينة وربكتى وخنقتى وانا بحاول ادور فى العربية والدنيا زحمة ورايا ونزولى لزق العربية وانا لابس فورمال والعربية لسه جديدة بقالها شهور ونظرات الشفقة والامتعاض واحيانا القرف من الناس كلها حاجات لاتنسى فى اول مرة بعد كده خلاص بتبقى عادى خلاص ptmnlo123per1105 التعديل الأخير تم بواسطة AbOnOrA ; 02-09-2009 الساعة 08:21 AM
|
|
#14
02-09-2009, 01:15 PM
|
||||
|
||||
|
رد: ماهو اليوم الذى تعطلت فية سيارتك ولن تنساه؟
[QUOTE=AboNoRa;72404]وشكراً يا استاذ سمير على فكره الموضوع والشكر موصول لكل الناس اللى افادت بتجاربها
[B] الشكر ليك يا أستاذ وائل أنت والقائمين معك على المنتدى الرائع أما تجربتى أنا كانت مع أقتناء أول عربية من 9 سنوات وكانت سيارة الشعب 128 أنا أتعلمت على عربية حديثة وكانت باور طبعا حسيت أن الدريكسيون تقيل جداً ومش عارف هو دة طبيعى ولا فى مشكلة روحت لواحد حبيبى من أيام الجيزة ههههه قالى متقلقش هاخليهالك زيرو وهظبطلك العفشة كلها ( إستيراد ) طبعا أنا فرحت وأفنكرت أنها مستوردة غشيم لسة المهم أستلمت العربية فلة باور يا باشا وفى طريق مصر أسيوط ومعايا زوجتى وحمايا وحماتى رايحين لدكتور فى المعادى المشهد الأول : أمامى تريلا وانا دايس الطريق فاضى الأخ فى نص الطريق قلبتلة راح يمين عايز أطلع منة ..... الباور أشتغل يا رجالة العربية فى أقصى الشمال أحاول الم نفسى بقيت فى أقصى اليمين رايح جاى كدة يجى 5 مرات ربنا الهمنى الصبر وشيلت رجلى من على البنزين وجيبت غيار عكسى بدأت تهدى ركنت الف الدريكسيون يلف لفة كاملة ملوش أخر أعدت أهدى الناس والراجل المريض إللى ذاد مرضة من الخضة وحماتى تقريبا أغمى عليها المهم بدأ يتقل مشيت على مهلى خالص وماسك التارة بأيديا الأتنين وفهمتهم أن دى من السرعة ... المشهد الثانى : رايح تانى يوم مرور المعادى ومعايا صديقى ووصلت باخد اليوترن وأذا الدركسيون يسوجر شمال خلصت الترخيص وقلت لصاحبى سوق أنت أنا برضة لسة مبتدأ وتخيلوا إن إحنا هانمشى على طول ويمين بس مفيش شمال من المعادى إلى السيدة زينب مسقط رأسى لحبيبى من أيام الجيزة علشان أطلع تيتتتتتتتت ولكم أن تتخيلوا عملت فية أية ؟؟؟ وطبعا لما بفتكر بضحك أنما فى وقتها غيرت 3 بناطيل هههههههههههه ......................... ......................... .......... أذكر الله .
__________________
 اللهم يا مؤنس كلّ غريب ويا صاحب كلّ وحيد ويا ملجأ كل خائف ويا كاشف كلّ كربة أسألك لأن تقذف رجاءك في قلبي حتى لا يكون لي همُ ولا شغلُ غيرك وأسألك أن تجعل لي من أمري فرجاً ومخرجاً إنك على كـل شـيء قـديــر (آمين)
|
|
#15
03-09-2009, 02:46 PM
|
|||
|
|||
|
رد: ماهو اليوم الذى تعطلت فية سيارتك ولن تنساه؟
السلام عليكم:
بص يا سيدي .. من حوالي اربع او خمس سنين كنا مسافرين من الكويت لمصر عن طريق البر بالعربية بتاعتنا شيفروليه كابريس 1993\94 اتوماتيك فول ابشن, نزلنا ميناء نويبع و خلصنا الاجراءات الروتينية المملة و طلعنا بالعربية متوجهين للقاهرة عن طريق اطريق الدولي - مكناش نعرف ساعتها الدولي الساحلي - وسط الجبال طريق مكسر مفهوش اي خدمات و لا اي حاجة ,, و بعد شوية لاقينا العربية بطلع دخان كثيف و الناس الي كانو معانا هما الي نبهونا عن طريق الفليشر .... وقفنا بالعربية و نزلنا والدي حاول يبطل العربيةلكن المفاجئة هنا ان الكونتاكت علق العربية مبطبطلش ............ و ده خطر على العربية , فاطرينا اننا نفصل البطارية خالص , و استنينا حد يشدنا , لان العربيات الي معانا معاها حمولة زائد حمولة عربيتنا يعني هيبقى في خطر على العربيات التانية المهم لقينا عربية مستوبيشي لانسر وقفت نزل منها راجل بدوي , و قلنا ااقرب ميكانيكي هنا في منطقة (( نخل)) على بعد 50 ل 60 كيلو متر استنينا لغاية ما نلاقي لوري كبير يكون معدي يشدنا و الحمدلله لقينا,,,, ربطنا العربية باللوري و هنا المشكلة التالتة تظهر بعد ما فصلنا البطارية الفرامل مبقتش شغالة لان نظام العربية كله معتمد على كهربة البطارية ,,,, فكانت محتاجة حد اعصابه ثابتة عشان الطريق و منحنايته الكتيرة , نزل مساعد سواق اللوري و ركب عربيتنا ووالدي معاه و انا نزلت ركبت عربية واحد من الناس الي معانا و اخواتي و والدتي في عربية تانية ,,, و عيش بقى كل واحد فيهم معاه عياله يعني ازمة على ازمة , مشينا في الصحرا حوالي 5 ساعات لغاية ما وصلنا نخل , و توجهنا للميكانيكي , الميكانيكي شاف بص قالك زيت البوكس بتاع الجير نزل كله لان البوكس اتخرم ... لازم تتشد للقاهرة ... عيني علينا و على العربية ,,,, جبنا ونش عشان يشد العربية مع العلم ان الونش ده مكنش مناسب لحجم العربية فاطرينا نشيل العجلتين الي قدام عشان يعرف يشد , و بعد رحلة عذاب قاسية و صلنا القاهرة - بنت المعز - عشان تبدأ الرحلة التانية الي هي ((مين بيصلح اتوماتيك في مصر )) قالك شوف منصور شيفروليه , روحنا منصور شيفروليه قابلنا مهندس هناك , تقريبا مهندس اختبار سيارات قالنا هنا في منصور مبيصلحوش بيرمو القديم و يغيرو , و هيقولو ليك هنغير ترمبة بنزين ترمبة ميه ترمبة العفريت الازرق , يعني هيدخلوك في بتاع 10 الاف ج , المهم ادانا عنوان ميكانيكي شاطر بيصلح اتوماتيك روحنا هناك , و لقينا رفيقات لسيارتنا الحبية فيها نفس المشكلات و في النهاية الحمدلله اتصلحت و انتهى الموضوع على خير , بس بصراحة كان احساس صعب و انا شايف العربية عاملة زي القتيلة لا بتشتغل لا فرامل و لا حتى نقدر نزقها اسف على التطويل و على الحكاية المملة الصعبى دي , بس هو ده موضوعنا ((ماهو اليوم الذى تعطلت فية سيارتك ولن تنساه؟)) و انا فعلا مش هنسى اليوم ده 
|
 |
|
|
