العودة   مصر موتورز مجتمع السيارات > منتديات السيارات العامة > مقارنات

مقارنات لمساعدة الأعضاء فى المفاضلة بين الأنواع المختلفة من السيارات


إضافة رد
 
أدوات الموضوع
  #1  
قديم 16-05-2012, 07:06 PM
الصورة الرمزية goudai
goudai goudai غير متواجد حالياً
 
تاريخ التسجيل: Apr 2012
المشاركات: 1,418
goudai has a reputation beyond reputegoudai has a reputation beyond reputegoudai has a reputation beyond reputegoudai has a reputation beyond reputegoudai has a reputation beyond reputegoudai has a reputation beyond reputegoudai has a reputation beyond reputegoudai has a reputation beyond reputegoudai has a reputation beyond reputegoudai has a reputation beyond reputegoudai has a reputation beyond repute
افتراضي تجربتى مع فيرنا و لانوس واسبرانزا واكسنت

من حوالى ما يقارب سنة توصلت بعد معاناة بالغة وشاقة الى اكتشاف ان البيجو 504 (عربيتى القديمة) اصبحت غير مناسبة وقررت وقتها انى اغزو عالم السيارات الحديثة بعد 12 سنة من التمسك بمبدا ان البيجو ملك العربيات والعربيات الجديدة دى كلها ورق وطبعا لحداثة عهدى بالجيل الجديد قررت انى اشترى عربية مستعملة فى حدود 50 الف جنيه وده طبعا لانى كنت خايف اشترى عربية زيرو ادبس فيها وتطلع وحشة
المهم اصبح امامى عدة اختيارات هى كريستالة , تويوتا , نوبيرا , لانوس , فيرنا , اسبرانزا
تم استبعاد الاولى والثانية علشان الموديل الهابط وتم استبعاد الثالثة لانى مش بحبها وبالتالى تبقى امامى لانوس او فيرنا او اسبرانزا واللى ظهر ليهم منافس قوى واللى هى الاكسنت
نبدا مع اسبرانزا : صراحة هى عربية تصميمها جميل عالية عن الارض صالون واسع تكييف ممتاز استهلاك بنزين مناسب لكن (صينــــــــــــــــــــى ) وبالتالى تم استبعادها
الفيرنا : عربية جميلة موتور قوى جدااا قطع غيار رخبيصة تكييف ممتاز زواياها كويسة ورؤية ممتازة لكنها واطية من الارض بالاضافة للعيب الاساسى اللى خلانى استبعدها واللى هو الفرامل فعلا العربية جميلة لكن فى يوم سايق عربية صاحبى (فيرنا) وماشى على 70 فوجئت بمطب طبعا مسكت فرامل وعلى الرغم انى كنت ماشى على مهلى واتنبهت للمطب قبلها بفترة ومسكت فرامل الا ان الفيرنا الجميلة زحفت لحد ما عدت المطب وزحفت لمسافة متر بعد المطب وبناء عليه تم استبعادها
تبقى امامى لانوس واكسنت طبعا الاكسنت معروفة بقطع غيارها اللى بتتباع فى اى مكان وبارخص الاسعار وفعلا لقيت عربية اكسنت ممتازة موديل 2005 عاملة 40 الف كيلو تكييف وسنتر لون سماوى جميل حالة عامة فوق الممتازة وبسعر 48 الف جنيه لكن قبل ما ادفع الفلوس تخيلت نفسى فيها وقولت بعد اوضة النوم اللى كنت بنام فيها وانا سايق (البيجو) اركب العربية الكنزة دى وكان نصيبها زى ما قبلها وتم استبعادها
واشتريت لانوس 2006 بعد اكثر من شهرين من البحث عن سيارة مناسبة وبعد عام من اقتناء لانوس اسمحوا لى ان اعرض رايى المتواضع فيها
المميزات : عربية تصميمها جميل صالون واسع سواء ورا او قدام شنطة واسعة استهلاك بنزين مناسب وبتمشى بال 80 قطع غيار رخيصة ومتوفرة صيانتها بسيطة تكييف ممتاز باور ممتاز سوقها ماشى وخاصة انها كورى عالية عن الارض ثابتة على الطريق
العيوب : سحب ضعيف مع التكييف وخاصة مع بنزين 80 بيبقى فيه كركرة جامدة وسحب ضعيف
بتحك فى المطبات لو فى معاك ناس راكبة ورا ودى ممكن علاجها بالعلايات
الرؤية فيها مش بجودة الرؤية فى الفيرنا
الفتيس مش ناعم بنفس نعومة الفيرنا
دى اغلب المزايا والعيوب اللى انا شايفها حاليا وتقديرى العام للعربية انها عربية ممتازة بعد عشرتى معاها لمدة سنة
ارجو انى اكون عرضت الموضوع بصورة كويسة وانا رغبتى فى عرض الموضوع للافادة والتعليق والنقاش لانى فعلا استفدت كتير جدااااااا من هذا المنتدى ومن اعضائه الكرام وبتمنى انى ارد ولو جزء بسيط من هذا
اسف للاطالة وشكرااااااا
رد مع اقتباس
  #2  
قديم 19-05-2012, 01:34 PM
lolyta lolyta غير متواجد حالياً
 
تاريخ التسجيل: Dec 2011
المشاركات: 96
lolyta will become famous soon enoughlolyta will become famous soon enough
افتراضي رد: تجربتى مع فيرنا و لانوس واسبرانزا واكسنت

شكرا بجد على اللإفادة دة... على الاقل عرفنا عيب كل عربية

الف شكر
رد مع اقتباس
  #3  
قديم 19-05-2012, 01:38 PM
khaabas khaabas غير متواجد حالياً
 
تاريخ التسجيل: Feb 2010
المشاركات: 1,388
khaabas has a reputation beyond reputekhaabas has a reputation beyond reputekhaabas has a reputation beyond reputekhaabas has a reputation beyond reputekhaabas has a reputation beyond reputekhaabas has a reputation beyond reputekhaabas has a reputation beyond reputekhaabas has a reputation beyond reputekhaabas has a reputation beyond reputekhaabas has a reputation beyond reputekhaabas has a reputation beyond repute
افتراضي رد: تجربتى مع فيرنا و لانوس واسبرانزا واكسنت

صالون واسع ايه ؟؟؟؟ الفيرنا واللانوس في اتساع مساحة الصالون نسخة طبق الاصل ده اذا مكنتش اللانوس اضيق
والاكسنت اقل حاجة بسيطة من اللانوس يعنى
فرامل الفيرنا واللانوس واحدة والانتين موش ضعاف
الفروق اللى حضرتك قولتها فيما يخص الفرامل وخلافه ممكن يكون فروق فردية في العربية اللى كنت حضرتك راكبها ولقلة الصيانة
__________________






رد مع اقتباس
  #4  
قديم 19-05-2012, 09:37 PM
الصورة الرمزية goudai
goudai goudai غير متواجد حالياً
 
تاريخ التسجيل: Apr 2012
المشاركات: 1,418
goudai has a reputation beyond reputegoudai has a reputation beyond reputegoudai has a reputation beyond reputegoudai has a reputation beyond reputegoudai has a reputation beyond reputegoudai has a reputation beyond reputegoudai has a reputation beyond reputegoudai has a reputation beyond reputegoudai has a reputation beyond reputegoudai has a reputation beyond reputegoudai has a reputation beyond repute
افتراضي رد: تجربتى مع فيرنا و لانوس واسبرانزا واكسنت


المشاركة الأصلية كتبت بواسطة khaabas مشاهدة المشاركة

صالون واسع ايه ؟؟؟؟ الفيرنا واللانوس في اتساع مساحة الصالون نسخة طبق الاصل ده اذا مكنتش اللانوس اضيق
والاكسنت اقل حاجة بسيطة من اللانوس يعنى
فرامل الفيرنا واللانوس واحدة والانتين موش ضعاف
الفروق اللى حضرتك قولتها فيما يخص الفرامل وخلافه ممكن يكون فروق فردية في العربية اللى كنت حضرتك راكبها ولقلة الصيانة
ارجو من حضرتك التاكد من المعلومات دية ومتابع معاك
رد مع اقتباس
  #5  
قديم 19-05-2012, 09:52 PM
الصورة الرمزية mr_astra
mr_astra mr_astra غير متواجد حالياً

 
تاريخ التسجيل: Oct 2010
المشاركات: 6,818
mr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond repute
افتراضي رد: تجربتى مع فيرنا و لانوس واسبرانزا واكسنت

حضرتك كدة عرضت تجربة واحدة فقط وهى تجربة الـ لانوس وعلى استحياء كمان
فى كلام كتير متقلش عن باقى العربيات وفعلا اسباب استبعادك للاخريات هى حالات فردية
__________________

يااااااااااااا رب

إرحمنا بقدرتك علينا

رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 07:59 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017