|
|||||||
| Accent Verna RB اكسنت فيرنا Hyundai Accent - Verna - RB جميع اجيال اكسنت وفيرنا Hyundai Accent - فيرنا الجيل 2 Hyundai Accent - اكسنت الجيل 1 Hyundai Accent - نيواكسنت الجيل 3 Hyundai Accent - اكسنت ار بى RB الجيل 4 |
 |
|
|
أدوات الموضوع |
|
|||||||
| Accent Verna RB اكسنت فيرنا Hyundai Accent - Verna - RB جميع اجيال اكسنت وفيرنا Hyundai Accent - فيرنا الجيل 2 Hyundai Accent - اكسنت الجيل 1 Hyundai Accent - نيواكسنت الجيل 3 Hyundai Accent - اكسنت ار بى RB الجيل 4 |
|
|
|
أدوات الموضوع |
|
#1
17-01-2011, 04:11 AM
|
|||
|
|||
نيو اكسنت.......غبور......حسب ي الله ونعم الوكيل
السلام عليكم
ها انقل لكم موضوع لقيته علي النت وانا بدور علي حدعنده مشكلة زي اللي لقتها بعربيتي والموضوع هو : (تجربة ابو مارو المحزنه الظالمه مع غابور من منتدى نايل موتورز للسيارات) الحكايه مقسمة الى اجزاء حتى يقراء كل شخص الجزء الذي يعتقد انه يهمه الجزء الاول : من الشراء الى الذهاب للتوكيل قمت بشراء سيارة نيو اكسنت من معرض السقا (موزع معتمد لهيونداي ) بمصر الجديده بتاريخ الخميس الموافق 25-2-2010 الساعة 10.30 مساء توجهت اليه مرة اخرى لاستلام شهادة بيانات السياره و المبايعه يوم السبت 27-2-2010 الساعه 6 مساء رفض المعرض تسليمي ضمان السياره الابعد ترخيصها توجهت في نفس الليله الى الاسماعيليه حيث اني اعمل بالقاهرة و لكن بطاقتي صادرة من الاسماعيليه تم ترخيص السياره بتاريخ 28-2-2010 توجهت مرة اخرى يوم الاثنين 1-3-2010 بالرخصة الى معرض السقا و استلمت الضمان – هنا سألت الموظف المختص بتلسيمي السيارة و والضمان عن تأخر العربيه في السحب وانها بيكرر ف الحركة على الاول و الثاني – قالي : العربيه من ساعة ما خرجت مسئولية التوكيل و انها ان شاء الله حاجه بسيطه قمت باجراء مكالمه للتوكيل و بعد تكرار محاولات لمده ساعه مابين الرقم السريع 16661 الذي اعطاني رقم 35390760 و داخلي 144 لمكالمة الورش - وفي الورش اعطونى نمر لاترد لكلا من م/مينا 0129402151 و م/وجدي 0129402152 وبعد تكرار المكالمات قالولي ف الورش اطمن و تعالى ع الالف و مالكش دعوة ان شاء الله حاجه بسيطه لانه لو فيه عيب هيوضح ع الالف وكانت ساعتها السياره عامله 500 كيلو المهم حاولت الحجز عن طريق التليفون فما بين عدم الرد و الرد ف النهايه ان الميعاد المتاح ف ابو رواش متأخر جدا بما لايناسب مواعيد عملي توجهت بنفسي يوم الجمعه 5-3-2010 للحجز ف ابو رواش و بعد محايله مع موظف الاستقبال وتوضيحي له ان السياره بها عيوب عديده قام مشكورا باعطائي ميعاد للحجز بدلا من واحد لاغي حجزه الجزء الثاني  سرد عيوب السياره) امام مهندس الاستقبالتوجهت حسب الميعاد يوم الاحد 7-3-2010 الساعه 8.50 صباحا وكان عداد السياره 1048 كيلو تم توجيهي الى مهندس وجدي بعد ركن السياره و دخلت اليه بمكتبه بقاعة الاستقبال بعد اهلا و سهلا دار الحوار التالي م/وجدي : في حاجه غير صيانه الالف انا : اه فيه حاجات م/وجدي ( بسخريه ): حاجات ..... خير انا : هبداء بالحاجات البسيطه عشان و بعدين اقول ع المشكله الاساسيه م/وجدي : اتفضل انا : 1- الابواب قفلها سيء واحد بيرع كانه حديد بيخبط فبعضه و التاني لازم يترزع عشان يقفل كويس م/وجدي : المشكله دي عند الهياكل انا : ماشي 2- التكييف هواه ضعيف و كده كده مبيطلعش هوا ساقع م/وجدي : العربيه بتلين اصلا شغلت التكييف انا : لا كنت بجربه و بعدين هو كده كده مش شغال بقولك م/وجدي : ايه تاني انا : 3- الكاسيت بايظ الفلاشه مبتشتغلش و السي دي بتقطع ف المطبات او بدون مطبات 4- مية القربه نقصت شويه 5- في حدف يمين نيجي بقى للمهم: 6- في رجه بسيطه لكن واضحه فصوت الموتور بعد ما بيسخن في حاله القياده ف الزحمه و طبعا مع زيادة السخونه صوت الرجه او عدم الانتظام ف صوت الموتور بيزيد –مش عارف اذا كان ده طبيعي و لا لأ كركره بصوره مستمره عند التحرك من الثبات بعد تسخسن السياره حتى لو زودت بنزين و لو مزودتش لازم تفصل منك اذا لمست -مجرد لمس فقط – اي دواسه –دبرياج او فرامل – مع تزويد السرعه تحس بوجود رعشه او زنه بطء عموما في سحب السياره فعند اعطائها الثالث على سرعة 40 للوصول للرابع على سرعة 60 تتم زيادة السرعه بصوره مقطعه او متلته تتليت و بطء في مصاعد الكباري تنتيش ف الحركه و النقلات م/وجدي : يمكن مش واخد حضرتك على سواقتها انا : و الله بقنع نفسي بكده بس انا بسوق بقالي فتره كبيره وكان عندي اكسنت 1500 و لانوس مستعملين و ع العموم انتوا اللي هتقولوا هو عيب مني و لا من العربيه م/وجدي : طب تعالى نجربها و نشوف انا : يالا ((بعد تجرب منه بدون ما انا اتكلم فضل يلف ف الورش رايح جاي و يقف وينقل و يعمل اللي هو عايزه)) رجعنا عند البوابه مرة اخرى ونزلنا من العربيه م/وجدي : حضرتك العربيه دي هتبات الجزء الثالث : مع ما حدث معي من اكتر ناس مدربه و منظمه م/وجدي : حضرتك العربيه دي هتبات انا : يعني ايه هتبات انا جاي طالب اعمل صيانه الالف هو انا شاري عربيه مستعمله و جايلك تصلحها لي م/ وجدي : يا فندم احنا هنكشف ع العربيه انا: لو انتوا شاكين فعربيه زيرو ترجعوها كوريا مش تبيعوهالي و تقولي نكشف عليها الكشف الوحيد اللي انا اققبله هو وضع العربيه على جهاز الكمبيوتر م/وجدي : لا يا فندم مينفعش الكمبيوتر ف الحاله دي "طبعا انا كنت ابتدى صوتي يعلى و ان كان مخبيش عليكوا بيعلى بحشرجه " المهم طلب مني البشمهندس وجدي الدخول سريعا الى مدير الاستقبال حيث ان كده ميصحش –عشان بزعق يعني دخلت الى مهندس /ياسر مناع "شكله كده مدير الناس اللي ف الاستقبال دي" عشان مطولش عليكوا كان محور كلامه حول ان هناك ضمان يكفل تصليح اي جزء يبوظ ف السياره وكان كلامي حول ان اي جزء يبوظ يتصلح اه لكن يجي بايظ من بلده اصلا دي مسئوليتكم وكان بيرد اصلا لسه معرفناش هي فيها حاجه بايظه و لا لأ و طبعا ال م/ وجدي ده اختفى و انا قاعد جمب م/ياسر اسمع حواديت عن كفاءة الصنايعيه و غبور و المصانع و الشركات و هو مش عارف انه كده بينرفزني اكتر "ملحوظه : اسطوانه مكررة من كل من قابلته في هذه المؤسسه العريقه المنظمه" انا مالي بكل ده - كفاءة الصنايعيه للقيام بالصيانه الدوريه – المصانع لتصنيع الفيرنا لكن الاكسنت متصنعه ف كوريا لكن تيجي من كوريا بايظه تتصلح هنا و اخدها انا فات ع الكلام ده يجي 20 او 25 دقيقه و دخل علينا م/ وجدي – وطى ع المكتب "نسيت اقوللكم اصله طويل شويه" وقال : ميخا و "اسم تاني مش فاكره" .الاثنيني جربوها و قالوا ان فيها طقم دبرياج طبعا انا طلبت العربيه ميتعملش فيها حاجه و م / ياسر يقولي لو مشيت بيها كده تطلع من الضمان قولت له هجيب عربيه و نش و ارفعها قالي اعمل اللي انت عايزه و احنا معاك طلبت اروح لل م/عاطف عبد السميع اثناء البحث عن المهندس عاطف عبد السميع بواسطة احد الموظفين الذي سيقوم بتوصيلي قام احد العملاء بأعطائي رقم تليفون الاتصال السريع لجهاز حماية المستهلك 19588 عند الاتصال به كان لايرد "بالتحديد رد يقول : لايمكن الاتصال من هذه المنطقه" اخيرا وصلنا عند المهندس عاطف عبد السميع تم ايضاح الموقف لسيادته و كالعاده من كل شخص هناك و لكن البشمهندس عاطف هو فعلا استاذهم و رئيسهم كان كل كلامه عباره عن نفي اي جمله اقولها عن حقي في الحصول على سياره زيرو ورفضي الحصول على سياره معيبه و متصلحه و بعد نفيه لاي جمله ليا يكمل كلامه باني اخيه و يهمه مصلحتي ثم الحديث عن كفاءة و كبر حجم اعمال غبور و مصانعه الى ان احنا ظللنا على هذا الحال لمده تزيد على الساعة و نصف لم يكف فيها عن اقناعي الا انه زاد على ذلك بأنه اخذ ورقه و قلم و رسم لي بالظبط ان تغير طقم الدبرياج لا يحتاج الا فك مسمارين لتغير علبه مربعه الشكل موجوده اسفل السياره "ما رسمه كان بالظبط اشبهه بتوضيح رسم لتغير علبة شكمان مثلا" و ظل يقسم ويزيد من القسم على انهم مسمارين بالعدد و انها علبه مستقله لا يحتاج حلها او فكها اي مجهود او فك اي مسمار اخر من مكانه لدرجة انك تحس ان انت ممكن تنزل تغيرها بنفسك ف 5 دقايق ظللت على رفضي للموافقه على اي تصليحات ف السياره فهذا اصلا مش موضوعي طالبتهم ان احصل على ما يفيد بوجود هذا العيب او تصليحهم له كان الرد بالنفي ان اصلا السياره طبيعي انها تخش وتطلع سليمه وبس و اي حاجه تانيه مش من تخصصي طلبت اني انزل الورشه اشوف السياره كان الرد بالموافقه بعد الحاح وبعد اخذ رأي مهندس هاني نزيه مدير القطاع الذي لم يمنع نفسه هو الاخر من ابداء رأيه باني اخيه الاصغر ايضا و ان مصلحتي فوق الجميع و طبعا الحديث عن حجم و كبر مؤسسة غبور و التوكيل و المصانع و هنا انتهى دور المهندس عاطف عبد السميع الا ان هذا الجزء بالذات يخص احد المختصين بالتوكيل و الموجود معنا بالمنتدى و اتمنى مثلا انه يدخل هنا ع الموضوع عشان يقولي هما لسه مسمارين و لا طلعوا 3 مسامير و يا ترى الورقه اللي فيها الرسم لسه معاه طبعا انا شكرته على استقباله ليا اصلا و مازلت اشكره لاني عطلته بدون فائده "واخدين بالكو من بدون فائده دي" بعد ان انتهى دور م/عاطف عبد السميع على كده تم توصيلي الى الورشه و دخلت الى مكتب م / شاهر مدير الورشه الذي رحب بي و بدون ان ينطق كلمه واحده في موضوع السياره عرفني على مهندس طلعت كبير مهندسين الورشه ركبنا السياره سوا لانه قال انه لازم يتأكد من عيب السياره وقبل ما نخرج م الورشه مر بيا على كل السيارات الاكسنت المرفوعه و يقولي دي بتغير طقم الدبرياج على 5000 ودي على 10000 وهكذا معرفش هو كده بيطمني ولا بيرعبني و ذهبنا بالسياره في رحله خارج الورشه تماما وظللنا نتجول لمدة حوالي نصف ساعه ع الاقل جرب هو كل حاجه و بصراحه كان عارف هو بيعمل ايه بشكل محترف جدا الا انه كان ساعات بيكون مستفز جدا يجرب حاجه ويقول : اه ده كده اسطوانه ويضحك وهكذا يجرب و يقول ان كده دبرياج وكأنه سعيد بوضوح النتيجه و سلامة تجاربه و رجعنا الورشه ورفض تماما يبداء شغل ف العربيه متحججا ان لازم عامل محترف هو اللي يصلحها وقالي استريح ف الاستراحه و لما يبداء الشغل هيرن عليا و هنا توجه اليا م/ وجدي مطالبا انى امضي على ورقة الصيانه قولتله مش ماضي على حاجه قالي دي ورقة صيانة الالف مفيهاش موافقتك على تصليح السياره – لازم تمضي عليها عشان تثبت انك عملت صيانة الاف و تستلم السياره من الورشه فبصيت فيها لاقيت مفيهاش غير كلام صيانة الالف و شحن التكييف و ظبط الزوايه فمضيتوتوجهت الى الاستراحه فشاهدت المهندس طلعت كبير مهندسي الورشه بياخد العربيه و واحد تاني معاه سايقها وخرجوا من الورشه لخارج غبور تاني و غابوا تاني نص ساعه و اتصلت بالمهندس طلعت ع التليفون و طلبت منه البدء ف العمل ف السياره فقالي كمان شويه بس انا طبعا حسيت ان فيه حاجه مش صح وبعدين نزلت الورشه بنفسي فلاقيت العربيه مرفوعه و شغالين فيها دخلت الورشه تاني منين و ازاي معرفش المهم اتعرفت ع العامل اللي غاب شويه كانه اتضايق اني موجود وراح يتكلم مع مدير الورشه (الله اعلم انا شايف من بعيد مش سامع) و رجع و وقفت جمبه وشاهدت عملية تصليح العربيه بنفسي اولا العامل كان بيشتغل ببطء وهدوء ليوضح لي انه محترف و قالي انه بقاله هنا 9 سنين و بصراحه كان واضح انه شاطر جدا كانت العربيه اصلا مرفوعه و مفكوك منها الاربع فرد و الفبره اللي فوق الموتور "غطا الموتور" مرمي ع الارض وبداء في فك كل جزء كبير وصغير من ما هو تحت الكبوت فبر و كارتيرات فلتر الهوا و كل الحاجات الجلد اللي فوق سلوك كهربا بنتهي بحساسات غطا شكمان بطاريه قواعد البطاريه كلبسات بمسامير و بالضغط بجميع الاحجام قواعد الموتور كلها عدا القاعده اللي في جهة اللي جمب السائق المقصات لخروج الكبالن الكبالن لخروجها من الفتيس تنزيل زيت الفتيس لفتح الفتيس فك كل المسامير داير ما يدور هنا اصبح الجزء اللي فيه الفتيس حر من جميع الجهات وبالنسبه للموتور راكب بجسم العربيه على قاعده وحده و مسنود بكوريك من اسفل العربيه م الاستعانه بعامل اخر لسند النصف الذي به الفتيس حتى لا يقع على الارض و ابعاده عن النصف الاخر اللي فيه الموتور و اخيرا بعد 2.30 فك خرجت الاسطوانه و الديسك و البليه اتصلت بالتليفون جبت م / طلعت اشوف ايه رائيه ف الاسطوانه اللي نزلت لاقيت ان هناك حاله من الاستغراب ما بين العامل و المهندس و محدش فيهم قالي فيه ايه بالظبط بس انا كنت شايف هاله زي ما تكون محروقه ع الديسك المهم مشي المهندس و قام العامل عمل معايا حركه مقدرش اقول عليها – لانها هي اللي هتجيب لي حقي بس ممكن تتسبب ف رفده المهم انا سيبت العامل يبداء ف عمليهة تجميع السياره مرة اخرى و اتمشيت فالورشه بحذر كان نفسي اروح عند العربيات الاكسنت اللي شاورلي عليها م/طلعت و هو راكب معايا و قالي دي اكسنت بتغير طقم ودي كمان وعدلي كده بتاع 7 عربيات اخدت جوله لاقيت فعلا ان فيه عربيات كتير اكسنت منزله الجزء الكبير ده اللي بيبقى جواه طقم الدبرياج" ما انا بقيت خبره" بس لاقيت واحد كنت عارفه من بره التوكيل – ميكانيكي و صاحبي ودار بيننا الحديث التالي: طبعا بعد الترحاب وكده و بدون ما اقوله انا هنا بعمل ايه وهو مسألش انا: ايه العربيات الاكسنت مالها قاعده ف الورشه لحد 6 ليه هو: يابيه دول كلهم هيباتوا انا : ليه ايه اللي بتصلح فيهم هو : كذا حاجه في اللي بتعمل عفشه او عمره انا : بس فيهم عربيات شكلها جديده مرفوعه هو : بص كل العربيات فكل الشركات فيها عيوب و الاكسنت بتجيب اسطوانه دبرياج انا : يا اخي كتير اشتكوا من طقم الدبرياج ده هو : بصراحه العربيه دي حلوه قوي بس الاسطوانه بتاعتها بتيجي بسرعه انا : يعني بتغيروها على كام كيلو هو : مش كله زي بعضه حسب انا : يعني الاسطوانه على حد علمي بتقعد 100 الف بتتغير على كام ف الاكسنت هو : انا بقالي هنا كتير من قبل ما الاكسنت تيجي بس متهيألي اللي بتقعد معاه 40 يبقى حظه حلو انا : هي ممكن تبوظ قبل كده هو : ده ممكن تتغير فصيانة الالف (انا فسري : ايوه كده يا وديع بقالي ساعه بستدرج فيك) انا : ياه غيرتوا اسطوانات ع الالف هو : بالهبل مش عايز قولك بعدد شعر راسي تقل اني بهول انا (كنا راكنين على ماتريكس) فخبطت عليها و قولت له طب لما الاكسنت عيبها الاسطوانه دي عيبها ايه - قصدي الماتريكس هو : هي بتجيب اسطوانه برده بس مش كتير زي الاكسنت لكن الاكسنت احسن منها (معرفش كان باصص لها بقرف ليه) انا : طب والجيتز هو : نادرا ما تجيب اسطوانه انا : و الالنترا راح مشاورلي على عربيه بينا وبينها مترين انا شايفها لسه داخله ع الساعه 5 وقالي : دي لسه مكملتش الف و فيها طقم دبرياج انا : طب غير الدبرياج ايه تاني ف العربيات هو : الانترا علبة الدركسيون الكهربا بنعملها كتير لكن احسن عربيات هنا الجيتز الاوتوماتيك و الاكسنت الاوتوماتيك انا : طب والفيرنا هو (هز راسه و مرداش يرد) و بعدين قال : الفيفا الهندي حلوه لكن المصري .... وهز راسه و سكت برده سلمت عليه و رجعت للعربيه العربيه خلصت وجه المهندس طلعت عشان يجربهالي و احنا خارجين م الورشه العربيه برده بتكرر قعد يتريق عليا ويقولي ماهي لازم تكركر وكان واقف جمب شباكه بالظبط م/شاهر مدير الورشه وقعد يتريق عليا معاه لكن م / شاهر كان واقف ساكت مبيردش عليه خرجنا و ف السريع كده قالي دي بقت جاجه تانيه و زي الفل نزلت اركب وهو نزل قدام التوكيل جاي اطلع قولتله الدبرياج عالي جدا جدا قالي .... لا ... لازم يبقى كده ده اسطوانه جديده و .؟()*&)*&^^$^# و لاتفهم منه حاجه (هو نفسه اللي جرب العربيه ف الاول و لقى الدبرياج عالي و قالى ان ده السبب الرئيسي فتأكل الاسطوانه) على اساس انها من ورق الفسفس المهم انا طلعت بالعربيه و دي كانت نهاية ما حدث معي داخل توكيل غبور في يوم لا يعلم احد الا الله كيف احتملته بعد كده اقوللكم انا عملت ايه و هعمل ايه ما فعلته حتى الان: 1- بعت اي ميل لحماية المستهلك كلموني تاني يوم وطلبوا مني اوراق وديتها لهم وطمنوني ان موضوعي مضمون - "الله اعلم " 2- توجهت للمكتب الاقليمي لهيونداي بالبرج الجنوبي - كورنيش النيل - الدور الخامس تقبلوا مني شكوتي وقالولي انتظر مكالمه "الله اعلم" ما سافعله قريبا : 1- احد الاصدقا يعمل معد برامج - منهم برنامج شهير اتفق معايا ع التالي : اولا : عمل جروب ع الفيس بوك و لم اكبر عدد من المتضررين من توكيل هيونداي ثانيا : التوجه الى مقر هيونداي لعمل وقفه احتجاجيه بكام يافطه و كام بني ادم من اللي معانا من الفيس بوك الوقفه على كلامه ستستغرق 3 دقائق على انه سيقوم بالتصوير بمعرفته مدة ال 3 دقايق دول و بس الباقي عليه - لما قولتله و دي مش عايزه تصريح الوقفه دي ولا عادي كده قالي بس حد يجي يقبض عليكوا دي تبقى برباجندا هايله و انت مجرد ما توصل القسم هتخرج تاني 2- رفع قضية تعويض عن طريق واحد من اكبر المحامين ف مصر (مقدرش اقول الاسم دلوقتي) علما بأن والدي مستشار و ده اللي مساعدني ف الوصول للمحامي ده مع اني معرفتش والدي ابدا ومش ناوي اعرفه اللي يجنن ان القانون يقول ان فيه 14 يوم لو فيه اي عيب من حقك ترجع مش تصلح و التوكيل بيتحدى كل ده ... لصالح مين كده الهم اللي الواحد فيه ده انا اشتريت عربيه زيرو ومش راكب عربيه بايظه و متصلحه و اللي يقبل على نفسه كده هو حر بس انا مش قابل و لا القانون كمان و لا ربنا يرضى بكده انا صحيت النهارده على تليفون من جهاز حماية المستهلك و اكد ليا على ان ليا كامل الحق و اكد ليا ان الموضوع سينتهي لصالحي ان شاء الله بجد لو ده تم انا هعمل اعلان ف الاهرام اشكر الجهاز ده - وفعلا لو حقي رجعلي عن طريق بلدي انا من فرحتي هنسى عذاب الاسبوعين اللي فاتوا المصيبه بقى فيما بعد كده اولا انا كنت بتكلم معاكوا و مكنتش عامل حسابي ابدا ان بشمهندس عاطف ممكن يرد هنا او انه بيتابع مواضيع تانيه غير موضوعه المثبت لاني محبش ابدا اعمل حاجتين : الاولى ان حد يحس اني بهدده و التانيه اني اطلب حقي من حد مرتين لانه حقي انا مش شحات المهم انا هقول لكم على حاجه انا عارفها من 3 ايام و مقدرتش اقول عليها غير دلوقتي بس حفظا على حق اصحابها بكره الصبح توكيل هيونداي سيفاجاء باجراء على مستوى عالي جدا من ناس تانيه متضرره منه من قبل ---- يعني مش انا المهم الكلام ده جه لحد عندي و السبب هو نايل موتورز ربنا يزيد ويبارك ف انتشاره يارب لدرحة ان فيه صحفي جاب نمرتي من توكيل هيونداي و كلمني تصدقوا دي المهم طب ناس تانيه هتاخد اجراء بكره الصبح طب وانا؟؟؟ انا هنتظر ليوم الاحد ده على وعد جهاز حماية المستهلك ليا و اشوف ايه اللي هيحصل - طبعا انا نفسي يتحكم بالعدل و حقي يرجع تالت و متلت بما يرضي الله - مش عشان حقي وبس .... لكن كمان عشان لو كان غير كده هيبقى وصلنا لنقطة اللا عوده وهي ان اللي هيحصل بكره من ناس تانيه هيحصل مني بس سيتم وضعي انا وموضوعي ضمن موضوع اخر (احنا جيبنا سيرته وتسألنا عنه هنا اصلا)........ مش عارف اقول ايه لو اتكلمت يبقى بلعب فعداد عمري .... بس انا ماليش دعوه على فكره مش عايز حد يقول ايه اللي بقوله ده و لا حد يتريق خالص خلينا فموضوع الجروب ع الفيس بوك وبسسسسسسسسسسسسسس بعد منقلت لكم الموضوع عارف ان كتير منكم بيقول ان العربية حلو وان ده كلام فارغ انا نقلت الموضع عشان زي ماقلت انا اعاني من نفس الموضوع ودلوقتي هقلكم قصتي: من اول ماجبت العربية من شهر خمسة اللي فات وانا بعاني من رجة عند طلول العربية غير انك وانت دايس علي الدبرياج بتحس برعشة تحت رجليك قلت اني مش متعود عليها او هية لسة مطبعتش مع بعضها لما رحت التوكيل في صيانة الالف قلتلهم علي العيب قالوا طب هنظبت الدبرياج و وطوا الدبرياج وخت رقم المهندس عشان اتابع معاه بعد ما قعدت اقنعه بالعيب وهوه يقولي اني مش واخد عليها مع اني بسوق بقالي عمر المهم لما روحت ملقيتش اي تحسن في العربية طبعا اتصلت بالمهندس قالي طب عدي الثلاث الاف لو متظبتتش تعالي ومر الوقت بدون اي تحسن بل بالعكس الموضوع زاد اتصلت بيه قالي تعالي صيانه الخمسة ولو لسة زي ما هية في اجراء تاني ورحت صيانه الخمس الاف ورحت للمهندس وندي المدير وعملوا ورق عشان يغيروا الاسطوانه والديسك طبعا انا كنت متضايق انا جيبها كوري عشان تتفك بمصر المهم غيروا الاسطوانه والديسك بس بقي لازم تدوس بنزين كتير عشان تطلع لحسن تبطل المهم العربية اتحسنت وفرحت بعد اقل من شهر العيب رجع واكتر الفتيس اخشن والرجة زادت وبقت ترج بين النقلات خاصة الاول والتاني والتاني والتالت كلمت التوكيل لتبديل العربية قالوا مندوب من التوكيل هيتصل بيك خلال 48 ساعة ومحدش عبرني و تم تبليغ الشكوة لحماية المستهلك وجاري الانتظار................. .................... انا عملت الموضوع ده عشان فلوس العربية احنا تعبنا فيها مش لقينها في الشارع يارب كل اللي بيفكر يجيب نيو اكسنت يدخل هنا عشان حرام الفلوس عشان منبقاش ظالمين النيو اكسنت هي حلوة وكل حاجة بس حظوظ انا مردتش اجيب التيجو قلت انها صيني وبتبقي حظوظ وقلت نيو اكسنت كوري تقفيل برة هقول ايه حسبي الله ونعم الوكيل التعديل الأخير تم بواسطة ALI_85 ; 17-01-2011 الساعة 04:33 AM سبب آخر: غلطات املائية 
|
|
#3
17-01-2011, 05:58 AM
|
|||
|
|||
رد: نيو اكسنت.......غبور......حسب ي الله ونعم الوكيل
على فكرة انا قريت الموضوع كله , وفعلا انت مظلوم وانا معاك في كل حاجه انت بتقولها
ازاي يعني تجيب عربية على الزيروو ويطلع فيها دا كله يعني العقل بيقول اشتري زيرو عشان متحطش فيها مسمار مدة 5 سنين مثلا , مش من اولها مسمار واسطوانة وحواراااات كتييير محسسني انك شاري فعلا عربية مستعمله واوسخ حاجه بكرها في اي عربية لما بتكون مثلا حته عالية عاوز تطلعها تقوم لازم تدوووس بنزين كتيير عشان متفصلشي منك في سبيل اني بشوف عربيات عادي خالص يادوب دوسة بنزين وخلصت وكركرة العربية دي كمان بكرهها والتصقيف لما بتنقل وتغير من الاول للتاني وهكذا المفروض دا كله ميحصلشي في عربية زيرووو , اوكي لو مستعمله ممكن نقول ماشي عديها حقها انما دي زيرووو اعذرني لو كنت طولت في الرد بس بجد يعني حرام اشتري عربية على الزيرو وبعدين يطلع فيها دا كله يعني لو كنت اشتريت مستعمل مكنتش هتزعل على الي بيحصلك دا لانه مستعمل - وفعلا حظوظ الواحد بيقول التقفيل المصري زبالة والتقفيل الكوري حكاية ومعاك اثبت العكس مش عارف ايه الي بيحصل في العربيات لا مصري نافع ولا كوري نافع
|
|
#5
17-01-2011, 10:17 AM
|
||||
|
||||
|
رد: نيو اكسنت.......غبور......حسب ي الله ونعم الوكيل
ربنا معك
ومشكور علي محاولة تحذير الأعضاء ونشر المشكلة
__________________
 إجري يابن آدم جري الوحوش ... الأوتوبيس ماتلحقوش
|
|
| أدوات الموضوع | |
|
|
