ايه رأيكم فى العرض ده بخصوص سيارة رينو سانديرومانيوال2013

[DR EYE]

المشاركة الأصلية كتبت بواسطة magdy_c_c بص يا باشا أولا ً: أنا متأكد أن السانديرو فرنسااااااااااااااااااوى حتى على التكت الملصق هتلاقى مكتوب عليها Made in France و بالنسبة لقطع غيار الفرنساوى ان كانت غالية شوية فهى معمرة جدا ً و العربية ممتازة ثانيا ً : لم تظهر أى عيوب لهذه السيارة حتى الآن موتور و عفشة و مستوى ثبات زى الفل و استهلاك بنزين 10/10 موفرة جدا ً على فكرة ثالثا ً: بالنسبة للسعر لو حضرتك قلت ان ده عرض نقابة المعلمين من البداية كنت هاعرف على طوووووول هو العرض جميل خصوصا ً انك لو مرتبك كبير ممكن تاخد العربية بدون مقدم ، و لكن حضرتك بتحول مرتبك و بتجيب ضامن لو مرتبك مش هيكفى قيمة القسط الشهرى للسيارة. خللى بالك ان فى جميع الأحوال السيارة عند النقاية أغلى من الخارج بحوالى 2000 جنيه ، ده غير الفايدة اللى هى 6.9 % فى السنة النقابة عاملة ايييييييييييييه؟؟؟ ببساطة كدة لو حضرتك رحت مشوار صغير لغاية بنك ناصر الاجتماعى فرع السيارات هتلاقى ان نفس العرض على السيارة السانديرو مثلا ً اللى بـ 74.900 ( موديل 2011 ) اللى فى النقابة نسبة المرابحة عليها 6.9 % باردوا !!! و حضرتك لما هتحول مرتبك هتحوله على بنك ناصر الاجتماعى و النقابة كل اللى بتستفيده هم حوالى الـ 2000 جنيه الزيادة على كل سيارة بالاضافة لمبلغ حوالى 140 جنيه مصاريف إدارية !!! بل أن معظم السيارات اللى تبع النقابة حضرتك هتلاقيها 2011 !!! طيب ما تروح على طول على البنك و تجيب العربية اللى انت عاوزها و كده كده هتحول مرتبك هناك و باردوا النسبة واحدة 6.9 % فى السنة !!! هذا رأيى و روح وجرب و قارن الأسعار بنفسك،،، و يمكنك زيارة هذا الرابط بتاع النقابة هتلاقى معظم السيارات 2011 ( عدا اللى مكتوب أمامها 2012 هى بس اللى 2012 )!! و الأسعار كمان غالية حوالى من 1500 لـ 2000 جنيه لكل سيارة عن الخارج . شوف الرابط ، و شوف الأسعار بالخارج و قارن بنفسك و ربنا يوفقك فى اختيارك http://ets.eg/Exhibition/ViewDetails.aspx?id=64

شكرا جزيلا لحضرتك لكن سؤالى هل البنك بيحتاج مقدم وبيديك عدم حظر بيع والا لأ؟؟؟
ثانيا فيه موديلات نازلة 2012 و 2013 مفيش حاجة 2011
انا عندىالاسعار بتاعتهم والموديلات اللى نازلة جبتها من مقر نقابة المعلمين عندنا

[DR EYE]

المشاركة الأصلية كتبت بواسطة myson medo انامش رحت لكن دخلت الموقع وشفت كل حاجة ودخلت على صفحتهم على الفيس وشوفت الحوار بينهم وبين الناس وزى ما قلتلك المرابحة بتاعتهم مش قليلة ولا حاجة وكمان اسعارهم اغلى من بره وده كلامهم مش كلام الناس وبالنسبة للسانديرو جميلة ولو مناسباك المانيوال اوك بس لو الفرق بينها وبين الاتوماتيك مش كتير يبقى طبعا تجيب الاوتوماتيك وبالنسبة لقطع الغيار متوفرة طبعا ان شاء الله وانا لسه مش جربت لان العربية لسه جديدة وموفق ان شاء الله

ربنا يبارك فى عربيتك ويكفيكى شرها
لكن هل فعلا الفتيس بينتش زى الزملاء ما قالوا فىمواضيع قبل كده

[myson medo]

المشاركة الأصلية كتبت بواسطة DR EYE ربنا يبارك فى عربيتك ويكفيكى شرها لكن هل فعلا الفتيس بينتش زى الزملاء ما قالوا فىمواضيع قبل كده

لالالالالالالالالالالالال الالالالالالالا
الحمد لله مفيش نتشة
واعتقد انها ممكن تكون فى اللوجان فقط وكمان فى الموديلات القديمة

[د/محمود عبدالمقصود]

السوال هو لو انت لم تسدد قسط شهر او شهرين ورا بعض ايه اللي حيحصل.....لو حيزودوا النسبه و حتصبح فائده مركبه يبقى الموضوع من اوله فيه شبهة ربا................و لكن انا في انتظار ردكم عشان اعرف نهاية عدم سداد الاقساط ايه

[myson medo]

بص
لو انت مضطر قوى للتقسيط سيبك من النقابة وقسط تبع بنك اسلامى افضل بعيد عن الشبهات
صحيح بنك ناصر اقل فائدة بس للاسف بيعملوا تامين على الحياة وده حرام وركز معايا بيعملوا تامين على الحياة مش تامين على العربية
بنك الوطنى الاسلامى مرابحة ازيد شوية حوالى 9 % وتامين على السيارة اجبارى كل سنة بس ضامن انك بعيد عن الحرام لان فى هيئة اسلامية بتشرف عليهم وكمان التامين انت هتستفيد منه لو لا قدر الله حصل حاجة للسيارة
انا اصلى مريت بكل ده ورحت بنك ناصر لكن لما اكتشفت موضوع التامين سبتهم ومش كملت الورق
ورحت البنك الوطنى الاسلامى وكنت زعلانة من تامين السيارة واخيرا قررت بعدها اشترى كاش لما ربنا كرمنى وكملت الفلوس
الخلاصة
لو مضطر خليك فى البنك الاسلامى ولا نقابة ولا ناصر
وزى ما الاستاذ قالك السانديرو فرنساوى على عكس اللوجان

وخلى بالك بره ارخص من النقابة وانت لما بتروح البنك بتجبلهم انت اى عرض سعر من اى مكان تحبه فى اى محافظة وبتدور على الارخص وانت حر

وموفق ان شاء الله