محتاج رأى خبير فى الاوبل كورسا

[rokaellord]

السلام عليكم و رحمه الله
يا جماعة انا عايز اشترى عربيه و عجبانى الاوبل كورسا جدا الهاتش باك طبعا بس ملاحظ اراء الناس مختلفة
فعايز اعرف ايه احسن موديل cc1200 و لا 1000 cc ؟؟؟
و ايه موضوع الحساسات دى و فوائدها و اسعارها ....ده لو 1000 احسن طبعا
و مستوى قطع الغيار و اسعارها و افضل اماكن ليها بما انكم متمرسين يعنى
و اخيرا لو فى حد يحب يبيع بس بشرط تكون الحالة نضيفة ممكن يبعت لى


و بالمناسبة متوسط السعر كام لكل موديل من الاتنين
و انهى موديل اللى فول اوبشن ( تكييف و ازاز كهرباء و باور )


الرجاء الرد من اى خبير يحب يفيد حد مبتدئ زيى

و شكرا

[najd]

جضرتك العربيه جميله جدااا
بس مشكلتها واطيه ع شوارع مصر لازم تكون حنين بيها شوبه

ماتور 1200 كويس وقطعه متوفره ف كل مكان والموديل 2004 و5 جامد اوي
بس معنديش معلومات كافيه عنها واي

[Romeeoo]

المعلومة امانه يا جماعة اللى مايعرفش يقول ماعرفش
خش ياريس ع المواضيع اللى ف توقيعى

[luckyman]

الاوبل كورسا عربية ممتازة عملية اعتمادية سهله القيادة وهى اسم مضمون وحكاية انها واطية والمطبات احب اوضح متخفش من الموضوع دة لان العربية قصيرة لان قاعدة العجلات قصيرة وبالتالى المسافة بين العجلات والامامية ليست بالطويله مهم جيت على مطبات مش تخبط من تحت لان فى اغلب الاحوال العجلات كلها الامامية والخلفية تكون على المطب ةكذلك الامر بالنسبة بالنسبة للطرق المحفرة لكن طبعا قصر العجلات يؤثر بالسلب على تماسك السيارة وثباتها لكن لا تقلق لازلت فى حدود المقبول
من ناحية اخرى انا مش عارف انت عايز اى موديل يعنى سنة انتاج كم طبعا كل ما تبعد عن السعات الصغيرة يكون افضل لك لان كل ما تقل سعة المحرك زى المحرك ابو 1000 سى سى او واحد لتر كل ما يكون العزم قليل او منخفض وبالتالى القدرة على المناورة وتخطى السيارات فى الطرق السريعة محدودة وكمان لو محمل فى السيارة ومشغل تكييف لا تتوقع اى انطلاق مشرف وستكون مخيبة للامال بدون اى تهويل بل للخلف در
طبعا كل ما تختار محرك القمة يكون افضل لك واخيرا كاى سيارة صغيرة هى جيدة فى المدينة لكن احذر طريقة سيرها فى الطرق السريعة وهذا ينطق على كل سيارات هذة الفئة ولك منى فائق الشكر والاحترام ودمت بود

[omardivel2005]

[QUOTE=luckyman;152143]الاوبل كورسا عربية ممتازة عملية اعتمادية سهله القيادة وهى اسم مضمون وحكاية انها واطية والمطبات احب اوضح متخفش من الموضوع دة لان العربية قصيرة لان قاعدة العجلات قصيرة وبالتالى المسافة بين العجلات والامامية ليست بالطويله مهم جيت على مطبات مش تخبط من تحت لان فى اغلب الاحوال العجلات كلها الاماميه والخلفية تكون على المطب

أختلف معاك تماما عشان العربية واطية طبعا وعندنا فى مصر المطبات ملهاش مواصفات خالص
الكلام دة فعلا لو المطبات معمولة بمواصفات