زيت المحركات المانى الصنع LIQUI MOLY

[eng.moustafa nasr]

جزاك الله خير الجزاء

[ليكوى مولى]

المشاركة الأصلية كتبت بواسطة eng.moustafa nasr جزاك الله خير الجزاء

نسعد بخدمتكم دائماً

[ليكوى مولى]

المشاركة الأصلية كتبت بواسطة spirit5 تجربتى المريره مع ليكوى مولى انا متابع منذ فتره اسئلة الاعضاء وردود ممثل الشركه الناس كلها بدأت تشكر فى المنتج وانا جربت قبل كده الاضافة (injection cleaner منظف حقن) اللى بتتحط على البنزين وفعلا عمل فرق . انا معايا سبرانزا 516 عامله 113 الف كيلو 1600 سى سى يوم الاربعاء اللى فات 28-4 كنت هغير زيت وقلت اجرب ليكوى مولى وفعلا رحت اشتريت من فرع شارع دمشق - سامى فخرى - . اشتريت super leichtlauf 10w40 5l صاحب المحل قالى على منظف الموتور engine flush قلتله موجود قال اه وفعلا اشتريته ...... قلت كده هبقى راكب طياره والعربيه هتتحول ... وفعلا غيرت الفلتر و الزيت عند ميكانيكى فى نفس الشارع اسمه حماده صاحب المحل قالى عليه قبل مغير الزيت الواد حط engine flush استنيت 9-10 دقايق زى مامكتوب وصاحب المحل قالى وبعدين فضينا الزيت وحطينا الزيت الجديد وعينك ماتشوف اللى النور العربيه بتكركب وبتعرش وهيا واقفه قولت عادى ومشيت بيها وقابل تانتيش وبتفصل واتجننت جدا . روحت البيت وانا ماشى بالعافيه من التنتيش والتبطيل والعربيه ماشيه مخنوئه وعلى نفس الغيار مخنوئه وفجائه تجرى زى ماكون راكب اتوماتيك ودوست كيك داون. روحت الشغل الخميس وانا راجع عديت على الميكانيكى وحكيتله القصه قالى ياباشا انت بتصدق الحاجات ديه قلت عليه جاهل وبيهفلط قلتله اركب وشوف - ركب ودور وكبس بنزين جامد لحد اربى ام 5--5.5 ودخان ابيض كتييير طلع و قفل الشارع قالى روح حالا نزل الزيت ده وحط اى زيت 1000 كيلو رحت حطيت شل 1000 كيلو ابو 65 جنيه وسبتها دايره حوالى 15 دقيقه وجرب يا عم الدخنه راحت خالص بس لسه فيه شويت تنتيش بسيط مشيت بالعربيه اتظبطت كتيير بس مش زى الاول قبل مغير الزيت بعديها بادردش مع الميكانيكى قلى الماده ديه بتسيح الرواسب وشكلها ماده قويه فممكن تكون اثرت على الاولسيه او سلخت الباستم. اللى نابنى من القصه ديه انى غرمت25 جنيه فلتر+ 235 جنيه زيت + 35 جنيه engine flush + 85 جنيه زيت شل 1000 كيلو ولسه هاغيير نفس الزيت تانى لانه الف كيلو بس وهادفعلى 150 جنيه زيت عادى و 25 فلتر تانى يعنى غيار زيت كلفنى حوالى 550 جنيه نصيحه لوجه الله بلاش حد يجرب ال engine flush وكفايه يغير الزيت /U][/B]مفيش حاجه غير انى اقول حسبى الله ونعم الوكيل

يرجى التواصل مع خدمة العملاء حتى نتمكن من فحص السياره وعمل اللازم

[ليكوى مولى]

المشاركة الأصلية كتبت بواسطة cars admire Radiator antifreeze RAF 11 KFS12 WINDSCREEN CLEANER COMPACT Radiator Sealant Pro-Line Radiator Sealant K 250 ml ANTI-MIST S PRAY

المنتجات 5w50 و 10w60 Racing و Motor system غير متوفرين

[spirit5]

المشاركة الأصلية كتبت بواسطة ليكوى مولى يرجى التواصل مع خدمة العملاء حتى نتمكن من فحص السياره وعمل اللازم

لشركة ليكوى مولى ووكيلها الجدير بالاحترام

شكر واجب الى شركة ليكوى مولى على سرعة الاستجابه الغير معهوده من الشركات والوكلاء فى بلدنا
ناس فى منتهى الذوق واحترام عقلية وشكوى العميل .
انا مدخلتش على المنتدى بقالى يومين بس لقيت الناس قلبه الدنيا عليا وفعلا كلمتهم وشرحتلهم الموضوع
كله بالتفصيل وبدل ما معظم الشركات بتعمل فى حالة شكوى العميل يفضل يجادل فيك عشان يلبسك انت
الخطأ ويقولك انت استخدمت المنتج غلط ويديلك محاضره هبله عشان يطلع هو بطل ادام شركته .
الناس فهمت الموضوع وشرحتلهم بالتفصيل و تجابو جدا وعرضو تعويضى بغيار زيت مجانا ووضع اضافه لسد المسام على حسابهم وطلبو منى اروح مركز الخدمه بتاعهم عشان اغير الزيت وافحص العربيه
الف شكر وجزاكم الله كل خير