اتمنى الرد من خبراء 131 .1600

[hazem_khidr]

ما شاء الله
كل المشاركات مفيده
و تدل علي حب للمساعده بالرغم من شموليه السؤال
بارك الله فيكم جميعا رجاله مصر موتورز
انا مش لاقي كلمه اقولها بعد كلامكم

[Komy]

حازم باشا يا كبير الفياتات كلها , مينفعش تدخل الموضواعت اللى زى دى ومتقولش رأيك .

وثانيا احب ارحب بالنيابة عن كل اعضاء المنتدى بالسيد المبجل المحترم الخديوى تامر بك فرج واحب اقول يا جماعة الراجل ده تبعى واللى هيعمله حاجة هيتخطف من على سريره من غير ما يحس.هههههههه

طبعا انا بهزر لأن انا لسه واحد خاطفنى امبارح من غير ما احس ههههههههه

وثالثا يا تامر باشا نورت المنتدى وعايزين الطنطاوية كلهم يدخلوا ونعمل احتلال للمنتدى وبالنسبة لعربيتك انا عايزك تحطلها جنط 16 وكوتش سوفت ونوطيها شوية وهنحطلك صدادات وانس بقا الكلام اللى بيقولك إنعطافات ومطبات هوا ههههه هو إحنا فى طيارة يا عم الحج ( الجوهرى يعنى وإنت فاهمنى ) وهتبقى العربية نمرة واحد بس انت ظبط ميزانيتك واحنا هنخليها افرس 131 ف طنطا وبعدين كفاية انك راكب عربية دفع خلفى .

ونورت المنتدى مرة تانية ومحدش يزعل منى انتوا كلكوا حبايبى.

ربنا يباركلك فيها ويكفيك شرها.

[طارق ابوذيد]

المشاركة الأصلية كتبت بواسطة تامر فرج من فضلكم ارجو الافاده فى فرش سياره 131 وايضا طريقه تجديد السياره وما هو الترتيب وما هو الجنط المناسب هل هو 14 او 15 بوصه ولو فيه صور يبقى كتر خيركم

بسم الله الرحمن الرحيم . اقدم لك نصيحه لن تسمعا من احد . احسب جيدا المصنعيات كام وقطع الغيار التى ستقوم بشرائها وذيد عليهم 1000 جنيه تحت العجز والزياده واجمعهم بعد ذلك وضيف عليهم ثمن السياره على وضعها الحالى وستلاحظ ان المبلغ النهائى من الممكن ان تشترى به سياره فيات 131 بحاله الفبريكه وستكون بحوال من 18000 الف الى 20000 الف مع توفير مجهودك وبهدلتك بجوار الصنيعيه . نصيحه من اخوك الشيخ طارق ابوذيد تاجر قطع غيار استيراد واتمنى لك التوفيق فى قراراتك والسلام عليكم ورحمه الله وبركاته .

[sad-bird]

المشاركة الأصلية كتبت بواسطة طارق ابوذيد بسم الله الرحمن الرحيم . اقدم لك نصيحه لن تسمعا من احد . احسب جيدا المصنعيات كام وقطع الغيار التى ستقوم بشرائها وذيد عليهم 1000 جنيه تحت العجز والزياده واجمعهم بعد ذلك وضيف عليهم ثمن السياره على وضعها الحالى وستلاحظ ان المبلغ النهائى من الممكن ان تشترى به سياره فيات 131 بحاله الفبريكه وستكون بحوال من 18000 الف الى 20000 الف مع توفير مجهودك وبهدلتك بجوار الصنيعيه . نصيحه من اخوك الشيخ طارق ابوذيد تاجر قطع غيار استيراد واتمنى لك التوفيق فى قراراتك والسلام عليكم ورحمه الله وبركاته .

طبعا كلامك صح وتمام ولا غبار عليه
وده لاي حد عاوز يفكر تفكير عملي
لكن المشكلة هنا مش في الفلوس بس يا شيخ طارق
اغلب الناس في المنتدي هنا بتحب تعمل حاجتها بايديها وقدام عنيها
علشان كده بتلاقي فيه عشرة بينهم وبين العربية
حتى الكومي اخر واحد اهو كان بيبع عربيته ولا كانها عيل من عياله


وطبعا لما اجي اجمع العربية بتاعتي هاجي أجمعها كلها من عندك
حضرلي الشاسية يلا وانا هجهزال واجي

[تامر فرج]

يا كومى يا جامد عارف يا نجم انك ادها ولله بس شكرا على التحيه الجامده دى ويا ريت بس اكون معاكم دايما ان شاء الله ... ودا يشرفنى ولله