كيفية التعامل مع المطبات بسلاسة والحفاظ على عفشة السيارات منها !

[myson medo]

المشاركة الأصلية كتبت بواسطة eng/walaaeldeen السلام عليكم موضوع مميز ومفيد لازم تشيل رجلك من علي الفرامل وانت داخل المطب لأن دوسة الفرامل بتضاعف الاجهاد علي العفشه وتزود الوزن الواقع علي العفشه ايضا فبالتالي بيبوظ العفشه اكثر ما بيفيدها والله المستعان

شكرا ليك يا بشمهندس
معلومة قيمة جدا لانى كنت بعدى المطب وانا دايسة فرامل بصراحة الا اذا كانت العربية هادية

[Ahmad Rizq]

مهم جدا جدا جدا جدا , انك ما تاخدش مطب ( الطلعة الاولى على المطب ) و انت دايس بريك , و لو المطب عالي و حسيت انه هيخبطك من تحت , عرض بالعربية و دا ايه فايدته , ببساطه شديدة انت بتدي فرصة لعجل العربية الوراني انه يطلع على المطب بتزامن مع العجل الامامي فا العربية بتركب المطب انما لو انت خدته عادي , هتلاقي العجل الامامي طلع و نزل ولسا العجل الخلفي ما طلعش المطب , فا طبعا بطن العربية هيحك في المطب ,

[myson medo]

المشاركة الأصلية كتبت بواسطة Ahmad Rizq مهم جدا جدا جدا جدا , انك ما تاخدش مطب ( الطلعة الاولى على المطب ) و انت دايس بريك , و لو المطب عالي و حسيت انه هيخبطك من تحت , عرض بالعربية و دا ايه فايدته , ببساطه شديدة انت بتدي فرصة لعجل العربية الوراني انه يطلع على المطب بتزامن مع العجل الامامي فا العربية بتركب المطب انما لو انت خدته عادي , هتلاقي العجل الامامي طلع و نزل ولسا العجل الخلفي ما طلعش المطب , فا طبعا بطن العربية هيحك في المطب ,

[eng/walaaeldeen]

المشاركة الأصلية كتبت بواسطة myson medo شكرا ليك يا بشمهندس معلومة قيمة جدا لانى كنت بعدى المطب وانا دايسة فرامل بصراحة الا اذا كانت العربية هادية

السلام عليكم
العفو اختي العزيزه واي خدمه او معلومه انا تحت امر الجميع
والله المستعان

[الهولندى الطائر]

أغلب الناس بتعدى المطب غلط

بياخده بالعرض علشان عربيته واطيه جدا

علشان بطن العربية يعدم رجلين العربية

الخواجة او المصمم لما عمل العربية

صممها مناسبة لبيئتها

المفروض تشترى عربية مناسبة للوسط اللى انت عايش فيه

لما تعدى المطب بالجنب بتحمل تقل العربية وقوة الدفع كلها على جنب دون الاخر ببطء شديد

ده بيعدم المساعدين وبيخل بكل معادلات التوازن اللى العربية اتعملت بيها

بس تقول ايه ؟؟

فى مصر كل شىء ممكن

والنقطة التانية

وكل الناس بتقع فيها الا من رحم ربك

بيطلع المطب وهو دايس فرامل

بيعدم التيل ويخلى العربية متكلبشة وتاكل فى بعضها

لازم تسيب فرامل خالص وانت فوق المطب

الكلام مش كلامى

ده المنصوص عليه فى طريقة القيادة الصحيحة للسيارة

واحترامى للجميع