انا عندى هونداى اكسل 1500cc

[عماد محمو]

[SIZE="4"][SIZE="5"]لكن المشكله فى الكربراتير انا هقول من الاول كانت المشكله ان العربيه لازم تسخن مده طويله لحد ما تسبت المكنه ومتبطلش وحتى وهى المكنه سخنه كنت ادور العربيه تدور وتبطل تانى لازم ادوس على دواسة البنزين عشان تسبت وكان عداد rpm يفضل طالع نازل وكل ده فى السلانسيه
لكن مكنش فى دخنه ولا بيضا ولا سوده والعربيه ماكنتش بتستهلك بنزين
رحت لصنيعى متخصص كربراتير قالى فى بوش جامد فى الاكس بتاع باب السلانسيه
كده هنعملاكس وباب قولتلو اللى انت شايفه صح اعمله عمل اكس وباب العربيه اظبطت كام يوم
وبعد كده بدات تنتش رجعت له قالى بوجيهات غيرت بوجيهات اتعدلت كام يوم ورجعت تنتش تانى
رجعت له قالى الحريق مش مظبوط انا ها ظبطه وقالى بيك البنزين كان مفتوح زياده وانا افلت عليه شويه طبعا البوجيهات باظت نظفتها وركبتها تانى العربيه مش مظبوطه خالص رحت له قالى انا كده تمام روح لميكانيكى يظبط كهربة العربيه رحت للميكانيكى قالى نغير بوجيهات
ونغير كابلات الاسبراتير قولت ماشى وظبط كهربة العربيه اتعدلت شويه ورجعت تانى تنتش دا غير زيادة استهلاك البنزين رحت لمتخصص الكربراتير قولت لهان انا غيرت طقم الكهربه وكابلات
الاسبراتير وظبط الكهربة قالى انا تمام بس اظبطلك بيك البنزين تانى واعمل بيها مشوار
وتعالى عملت مشوار وفك بوجيه وقالى كده كله تمام ومشيت لكن العربيه رجعت زى الاول خالص لازم اسخن شويه كتير لحد الحراره ما تعلى وبعدين امشى وزياده فى استهلاك البنزين
بتاخد 20 لتر فى 150 كيلو متر وانا مش عارف اعمل ايه والعربيه وهى واقفه فى السلانسيه
عداد الrpm طالع نازل زى الاول بالظبط دا غير ان البوجيهات بتطلع سوده وفى دخنه سوده
خفيفه غير مرئيه ولكن الشكمان اسود وريحة كربون فى العربيه انا اسف على الاطاله لكن معلش خلو بالكم طويل انا تعبت ومش عارف اعمل ايه ولو جبت كربراتير استيراد ممكن يطلع زى اللى فيها يبقى عملت ايه افيدونى الله يخليكم

[miam0502788391]

ربنا يعينك على بلوتك
انا بعانى من مشكلة التنتيش من اكتر من 3 سنين وبحاول ااقلم رجلى على الدواسة وخصوصا وانت بتزود بعد المطب
لكن اهى ماشية
مرة مكياكنيكى يقولى ده الفاكيوم اللى تحت السوسته ومره يقولى ده من الاسبراتير
واخر يقولى اصل ااكرباتير عاوز يتنظف ونظفته اكتر من مرة ومفيش فايدة
اخرها الافتكاسات ميكانيكى قالى ان فيه خرم داخل الاكرباتير لازم يتسلك ( على اساس انه هو الوحيد اللى يعرف مكانه وان شركة هيونداى هو الوحيد اللى اطلعته على سر الخرم ده )
على فكرة انا عندى نفس البوش تقريبا خصوا فى الاكس ومش راضى اعمل حاجة لأنى مقتنع ان الكرباتير كله لازم يتغير بواحد تانى
تقبل مرورى

[zing0]

يا جماعة أنتوا بتلفوا بعيد ليه
الأستاذ سيد عصام كان عامل موضوع بمشاكل الأكسيل و من أولها الكربراتير و قال مفيش غير معتز المصرى اللى فى دار السلام
و أنا معاه بأقول يا جماعة اللى محتاج نصيحة لصنايعى محترم و أمين و خبرة يبقى معتز غير كدة .... سبقناكم و لفينا و دفعنا و أتهرينا نصب و الله
المهم تدعولنا و تقولوا رأيكم بعد التجربة هنا

أنا مش هأكتب عنوان و لا تليفون البشمهندس معتز
لإن الأفضل تقرأ مواضيع المهندس سيد عصام و إزاى تعالج معظم مشاكل الأكسيل مش الكربراتير بس
صدقنى هتستفيد زى ما إستفادت.... رغم إنى مش معايا أكسيل

[عماد محمو]

انا بشكر كل من قام بالرد على ربنايبارك لنا فى المنتدى واعضاؤه