كل شيئ عن فنون القيادة العادية و الرياضية

[fares tany]

المشاركة الأصلية كتبت بواسطة khaled_1993m السلام عليكم ازيكوا يا احلي اعضاء في مصر و الله واحشني جداً النهارده هنتكلم عن كل شيئ عن فنون القيادة و ياريت كل واحد يخش يكتب علي الاقل نقطة واحدة عن خبرته في القياده بس طبعا مش هنتكلم في الكلام البدائي ده (زي مثلا امور و انا نازل من علي الكوبري ولا لأ ) احنا عايزين يكون الموضوع مميز شوية يعني كل واحد يقول حاجة جديدة عرفها في القياده عشان الكل يستفيد انا هبدا كده بشوية حاجات و ياريت الكل يشارك معايا : 1- في حاجة لاحظتها بس دي في العربيات الانجكشن فقط انك لو في زحة بس الطريقق ماشي يعني ممكن تفضل مدي العربية التاني و تشيل رجلك من علي كل حاجة و هي هتمشي لوحدها حتي لو 100 كيلو مش هتبطل بس دي في الانجكشن بس (من غير متعلي الrpm ولا حاجة ) 2- افضل شئ عشان تحافظ علي كبالن العربية خاصة في الملفات انك تمور (او تدوس ديبرياج يعني ) 3- لو بتشد مع حد طبعا القرص علي الغيار ده حاجة مفروغ منها لكن في كمان حاجة انك و انت بتنقل نت الثالث لرابع مثلا قبل ماتنقل يعني و الفتيس ممور تدوس بنزين تعلي صوت العربية شوية هتلاقي العرية بقت زي الطلقة 4- علي الطريق لو عايز تستمع احسن حاجة انك تبقي مركز مع كل الطريق و خاصة اللي وراك يعني مثلا في الملفات اديله اشارة - لو طريق فردي و هو عايز يعديو في عربية جاية برده اديله اشارة- مع المطبت انتظار دي حاجة معروفة - طبعا مع تغيير الحارات - الحاجات دي بتخليك ماشي مستمتع بدل ما انت دايس بنزين كده و خلاص بس كفاية كده النهارده طبعا انا عارف اني مفيش ولا حاجة من الفوق ليها علاقة بالتانية بس انا كتبت كل اللي جه في دماغي و منتظر تقيمكم للموضوع و خبراتك في القيادة و اتمني اني الموضوع يعجبك

تسلم ايدك

[3bd0]

المشاركة الأصلية كتبت بواسطة ronaldo_real اكيد يا جماعة لو لا قدر الله و كان فى شبورة فى الطريق طبعا ولازم و اكيد تهدى العربية وتمشى مركز على الطبالى اللى فى وسط الطريق أو تمشى مع عربية مقطورة كنصيحة من عتاولة السواقة و دى فعلاااااااااااااااااااااا اا نصيحة قيمة جدااااااااااااااااااااا

كلام حضرتك فكرني بحاجة تانية
لو كنت ماشي في طريق متعرفوش، ولقيت واحد من الكبار (مقطورة - تريلة - أتوبيس) بيجري فيه، تأكد مليون في المية انو حافظ الطريق ده زي اسمه
اجري وراه براحتك جدا مع مراعاة المسافة بينكم عشان هوا ممكن يهدي في اي لحظة، وكمان مراعاة ظبط عربيتك على عربيتو بحيث انو لو فادى نقرة بين العجل تفاديها انتا كمان بين عجلك ومتلبسش فيها.

احلى مرة عملتها كانت في طريق الغردقة-العين السخنة بطول البحر الأحمر، كنت لوحدي ماشي 50 او 60 بالعافية، الطريق فردة واحدة رايح جي فيه مطبات ونقر وملفات صعبة جدا، والجبل شمالك والبحر يمينك. وجه اتوبيس سوبر جيت ابو 50 راكب ولاقيته بيطير من على شمالي رحت دايس وراه على طول، خالاني افادي يمكن فوق التلاتين حفرة ونقرة، ومتوسط سرعتنا كان حوالي 120

[خالد الجوكر]

الموضوع جميل جداً

بس أسف مش هاقدر اقولكم على حاجه

لأنى لسه داخل السواقه جديد يعنى ومبعديش ال80

[heshame2]

موضوع شيق جدا الصراااااااااااااااحة وفعلا في حاجات جامدة
بالنسبة للإنك تمور العربية في النقلة وتدوس بنزين انا اصلا بعمله علطول بيخلي العربية تطييييييييييييييييير فعلا بجد وصحي ليها :] كمان

انا كنت ماشي طريق مطروح الطريق مغري جدا كنت ماشي 170 بلانسر بومة ومعايا ابويا وامي وجدتي وتلاتة اخواتي وبنت خالتي و غير الشنط اللي في العربية
ده كان مثبت العربية الصراحة جاااااااااامد ههههههههه ملزقها في الأسفلت اللانسر عجباني بس سحبها الصراحة مش عاجبني خااااااالص بالنسبة للدايو 1500 احسن من لانسر 1600 اوتماتيك 100 مرة بالنسبة ليا فده مخليني مستغرب ليه الناس بتحب اللانسر :] انا عايش في المانيا بس الثبات والروعة والفرامل لانسر مفهاش كلام

[AbOnOrA]

شوية قواعد لما احب اجري فوق السرعة المعتادة

- لازم اكون عارف الطريق كويس بتضاريسة ومنحنياتة وتقاطعاتة ويوتيرناتوه

- لازم ابقي عارف ان اي مناورة او تجاوز للسرعة فيه مخاطرة بشكل او باخر بس المخاطرة ديه لو هتعرض حياة شخص ماشي علي رجليه او راكب عربية يبقي الاولى التغاضي عنها نهائياً

- التاكد قدر المستطاع ان العربية بحالتها المثلى دائما (كاوتش فرامل مساعدين عفشة اضاءة) - زمان كنت كده كده بجري

- تجنب القيادة في حاله اي توتر نفسي (غضب شديد - حزن - انفعال - تحت تاثر اي مخدر او حتي دواء ليه اعراض علي الجهاز العصبي)

- تطنيش اي استفزازات ايا كانت وعدم التورط في اي مناورة او تجاوز بناء علي ( تسخين ) من شخص اخر وعلي العكس لما بكون عايز اجرى وده قراري من الاول ولقيت حد زي اخونا بتاع الانوس ده بسيب مسافة كفاية بيني وبينة وامشى وراة عشان يفتحلي طريق وطبعا نفس الكلام ورا عربيات الاسعاف

- ربط حزام الامان ليا ولباقي الركاب حتي اللي ورا - زمان كنت بكسف البسة

- لازم اكلبش في الدريكسيون باديا الاتنين بالوضع المناسب (ايد علي وضع الساعة 2.30 وايد علي 9.30) - زمان كانت ايدى الشمال علي الدركسيون وضع الساعة 12 وايد علي الفتيس

- ممنوع منعاً باتا تناول اي شيء ماكولات سجاير (مع اني مدخن) موبيل الخ اثناء القيادة

- التجاوز من الشمال فقط بعد انذار السائق امامي بشكل هادئ وبدون استفزاز (فلاشر مرة او اتنين بالكتير ولما احس باستجابة فلاشر كمان وانا بعدي )

- لازم احافظ علي مسافة كبيرة بيني وبين اللي قدامي بشكل يتناسب مع السرعة

- لو سرعتي هتعدى ال130 والدنيا ليل لازم انور النور العالي (مبيبقاش فيه حد قدامى قريب)

- لازم الكرسي يكون قريب من الدريكسون كفاية بحيث اقدر (افعص) الفرامل عند اللزوم

- لازم اخد بالي ان كفائة الفرامل بتتناقص بشكل متساوي لحمل العربية (علاقة طردية كل ما زاد الوزن كل ما قلت كفائة الفرامل

- تجنب عمل اي مناورة او التسارع المفاجئ او التباطوء المفاجئ علي ارض فيها ميه او تراب او حصى او منحدرات او تكسير او مطبات هوا

- عادة انا بحسب اى غرزة بتأني وبهدوء اعصاب بس مع عربيتي الجديدة (سابا) ومع اي عربية سيدان ومن غير سبيولر وعالية كمان يبقي اتقاء شر الغرزة افضل

- حالتين استحاله رجلي تقرب من الفرامل فيهم (1) في الملفات (2) عند انفجار الكاوتش

- في الملفات اهم معامل لتوازن العربية هو عزمها مش سرعتها بمعني انك ممكن تكون علي سرعة 90 والعربية تسرح منك لان عزمها ضعيف وبالتالي قدرتك علي التحكم في العربية (خاصة الجزء الخلفي) بتقل او تنعدم خاصة مع سيارات الدفع الامامي وعلي العكس كل ما كان عزم العربية عالي وانت في نص الملف كل ماكان التحكم في الجزء الخلفي من السيارة اعلي

- لازم اكون منتبة عشر اضعاف العادى وبالتالي بركز اكتر في كل المرايات وبدى اشارات بكل حركة او همسة او حتى نيه تحرك


ديه اهم الحاجات اللي انا فاكرها دلوقتي بس طبعا الموضوع مش موضوع قواعد تتبعها وبس لاء ديه ممارسة ومهارات عضليه عصبية مكتسبة بالخبرة والممارسة وممكن تكون كمان صفات وراثية بس المهم تبقي عارف ان القواعد ديه مبتضمنش ايه حاجة وقدر الله لاراد له بس بجد خد عهد بينك وبين نفسك (الكلام للناس اللي بتجرى) متخليش حبك للسرعة والمغامرة يبقي مخاطره بحياتك ومقامرة بحياة الناس

مقتبس من موضوع

بتحب السواقة بسرعة ؟؟
http://www.masrmotors.com/vb/showthread.php?t=566


موضوع جميل تسلم ايدك