العودة   مصر موتورز مجتمع السيارات > منتديات السيارات العامة > مصر بايكرز

مصر بايكرز قسم الدراجات النارية - موتوسيكلات - صور دراجات - استعراضات - احدث موديلات الدراجات - اشهر القائدين - مناسبات وانشطة الدراجات النارية فى مصر والعالم Masr Bikers


إضافة رد
 
أدوات الموضوع
  #1  
قديم 28-10-2010, 09:55 AM
الصورة الرمزية Injection
Injection Injection غير متواجد حالياً
من انا؟: أنسان يعيش و يتعايش
التخصص العملى: تانية تجارة
هواياتي: Everything
 
تاريخ التسجيل: May 2010
الموقع: مصر الدور الرابع
المشاركات: 1,400
Injection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond repute
حصرى أزاى تفحص بايك مستعمل.

طبعا كل اللى بيشترى بايك بيبقى محوش فلوسه بالعافية, ونفسه يجيب حاجة يفرح بيها وتعيش معاه من غير ماتغلبه, وكتير فلوسهم بتضيع فى بايك مستعمل فيه مشاكل, مبيكتشفوهاش الا بعد فترة, فمنعا للأحباط, دى شوية نصائح عن أزاى تفحص بايك مستعمل, هيا بنا نلعب

البايك فى مصر بيعامل معاملة سيئة جدا, لأن غالبا اللى بيركب بايك بيكون لسه جديد فى السواقة, وبيقع بيه كتير, ده غير أن معظم اللى بيجيبوا الريس بيبقوا جايبينه علشان يسمع صوته وهو بيفصل ويلعب بيه, وده طبعا بيهلك حالة البايك جدا, فلما تشترى لازم تشترى من شخص مخضرم وقديم فى مجال البايكس, أو يفضل حاجة أستيراد علشان أختلاف الطرق ونظام المرور وحتى نوعية الحوادث بينا وبينهم.

الفايبر هو أول حاجة بتلاحظها على البايك, وهو أكبر دليل على حالة البايك وأعتناء صاحبها بيها, بس بما اننا فى بلد الفهلوة, أغلب اللى بيشتروا بايك بيمشوا من غير فيبر أو بفايبر صناعة محلية رخيص, لأن سعر الفايبر أصلى أو أستيراد غالى جدا, بالتالى ممكن يتضحك عليك بشكل الموتوسيكل لما تلاقيه لسه بيلمع وجديد لانج.



الفايبر ممكن يتصب ويتدهن ويبقى شكله زى الأصلى بالظبط, بس بيبقى أضعف وأرخص وبيقلل من ثمن البايك جامد, لازم تفك الفايبر من على البايك وتشوفه من جوه, هل فيه نسيج فايبر ولا لأ (الريش اللى بيتعمل منه الفايبر) لو صاحب البايك مقالكش أن البايك مغير فايبر يبقى أكيد فيه حاجات تانية مقالهاش, ولو الفايبر أصلى برضه حاول تفحصه من جوه ومن بره, ممكن يكون مكسور وأتعمل عند صنايعى, وده بيبان كمناطق مرتفعة ومنخفضة غير ملاحظة على سطح الفايبر, أو لو الصنايعى غبى ممكن من ظهر الفايبر كمان تشوف لون الفيلر والبرايمر والمواد اللى أستخدمها

بعد فك الفايبر, هيبقى قدامك جسم الموتوسيكل, جسم الموتوسيكل هو أهم حاجة فيه, لأنه عامل زى شاسيه العربية وأكثر, أى عوجة فيه أو خبطة بتبوظ تحكم البايكر فيه, كمان هو الحاجة الوحيدة فى الموتوسيكل اللى صعب تغييرها أو تصليحها, لازم تشوف لو فيه ماسورة متنية فى الفريم, أو واخدة خبطة, أو لونها مختلف, ده بيدل أن البايك وقع وقعة جامدة, والحاجات دى هتقرفك بعدين, ولازم كمان تبص للفريم بتاع البايك على أنه نصين, وتحاول تطابقهم مع بعض, يعنى مثلا تبص للبايك من ورا, لقيت حتة من الفريم داخلة لجوه شوية والنص التانى مظبوط يبقى البايك متبهدل, وتبص على الصدأ برضه فى الفريم, وتشوف الشكمان متجرح ولا لأ (دليل على وقعة).



العجل ثم العجل ثم العجل, العجل أكثر حاجة بتدل على حالة البايك ومعاملة صاحبه ليه, لازم تبص على العجلتين وبالذات العجلة الخلفية وتشوفها ممسوحة أو النقشة بتاعتها ضايعة ولا لأ, وهل الجنط نفسه متجرح أو معووج او مرشوش قبل كده؟, ,وتشوف الكاوتش مشقق ولا لأ, أحسن يتخلع منك وأنت ماشى وتبقى فرجة فى الشارع.



لو كل ده سليم يبقى أساسات البايك سليمة, بعد كده هترفع البايك من قدام, وتمسك العجلة الأمامية تدورها بأيدك, وتشوف هل بتتهز وهى بتدور أو مبتدورش بصورة مثالية ولا لأ, وتشوف هل بتدور بسهولة ولا لأ, علشان ممكن الفرامل تكون قافشة عليها, وهتعمل نفس الحكاية فى العجلة الخلفية, بس دى طبيعى أنك تلاقى فيها مقاومة علشان السلسلة وكده.

سلسلة البايك مهمة جدا جدا, لازم تبص على السلسلة والتروس, وتشوف هل كل أسنان الترس موجودة ولا فيه منها مكسور, وتبص على السلسلة كويس جدا وتشوف هل عليها صدأ أو متوسخة زيادة عن اللزوم, وبرضه وأنت رافع البايك من ورا, دور العجلة وبص على السلسلة والتروس, لازم السلسلة تمشى على أسنان الترس بسلاسة من غير مقاومة عند جزء معين, أو أنها تعدى على سن من غير ماتلتحم بيه.



هتطلع على البايك, وتبص على الجادون, وتمسك فرامل اليد, مش من المفروض أنها توصل للأخر, ده معناه أن الفرامل مش كويسة أو التيل عاوز يتغير, وهتدور بكرة البنزين وتشوف بتدور معاك بسلاسة ولا فيه مقاومة كبيرة, وهل شكلها مستقيم ولا ممسوحة وفيه ثنية, وهتدوس دبرياج وتشوف حالة المقبض بتاعه برضه وهل شكله مثنى ولا لأ, مقبض الدبرياج والفرامل لازم يكون شكلهم مثالى ومتطابقين, بمعنى متعدلوش أو أتثنوا قبل كده.



هتدور الجادون يمين وشمال, وتشوف فيه صوت غريب ولا أيه, وهتضغط بجسمك على البايك من قدام وورا علشان تشوف حالة "العفشة" أو مايطلق عليها الشوكة, وتشوف فيه أصوات غريبة أو تخبيط, وهل البايك بيرتد بسهولة, وهتبص على الشوكة وتشوف هل عليها زيت أو فيها ثنية غريبة, وكمان هترفع العجلة الأمامية تانى وتشوف هل الجادون بيتهز بسهولة وبيتحرك قدام وورا ولا ثابت فى مكانه.



وطبعا هتجرب منظومة الكهرباء, وتدور النور العالى والواطى ونور الفرامل والأشارات, وتجرب كل أوبشن فى البايك عدة مرات, وخاصة بعد متاخد بيه لفة علشان لو فيه حاجة متلصمة تبان, وتبص على العدادات تشوف هل عداد السرعة أو الأربى أم بيهيس أو عداد الكيلومتر مش شغال وحالة الباغة اللى على العدادات عاملة أيه, ومتنساش تبص على حالة وجسم المرايات.



طبعا هتبص على حالة الكرسى, هل ناشف زيادة عن اللزوم أو مقطوع أو أو, وبعدين هترفعه علشان غالبا هتلاقى البطارية تحتيه, هتبص على حالتها, هل الأقطاب بتاعتها متوسخة أو حالة البطارية وحشة, ده بيدل على عدم أهتمام صاحب البايك بيها.

(مكان البطارية, لاحظ الصدأ)


هتفتح تانك البنزين وتدخل صباعك جواه, وتدوره حوالين حافة التانك علشان تشوفه مصدى ولا لأ, وهتعمل نفس الحكاية مع قربة المياه وتشوف لون المياه فيها أيه, وهتبص على الزيت وتشوف لونه أيه, لو أسود وملمسه حديدى يبقى بقاله كتير متغيرش وصاحب البايك مطنشها, لازم يبقى لونه خفيف وملمسه نضيف شوية لأنه روح الموتور.

هتسأل الموتور حالل ولا لأ, وتبص على البلوك تشوف شكله وحالته أيه, متجرح أو فيه خبطات, وهل عليه زيت أو فيه تنشيع من أى جزء من أجزاء الموتور, والبوجيهات لونها أيه وهل عليها زيت أو بنزين (مصيبة), وطبعا هتفحص عند أو هيكون معاك ميكانيكى موتوسيكلات علشان يظبطك فى موضوع الموتور, وبرضه متنساش تبص على الفتيس من بره, لو متجرح = وقعة شديدة.



ومتنساش تبص على ديسكات الفرامل والتيل, وتشوف فيه تنيه أو حتة مكسورة فى الديسك أو أى شئ غريب, وتجرب الفرامل الورانية عدة مرات, وتطلع على البايك تانى وتمسك فرامل وتزق فى الموتوسيكل لورا وقدام, مش من المفروض أنه يتحرك (طبيعى), هتزعل أوى لو ماشى على 130 وبتدوس فرامل وتلاقى البايك خيش منك وبقيت بتلف خمسات.



بعد كل ده هتشغل البايك, وتجرب تدوس دبرياج, لازم الدراع يتحرك معاك بسهولة وخاصة وأنت مدى غيار, ويسيب معاك بسهولة برضه (لو عمل العكس: ورق دبرياج) وتسيبها واقفة سلانسيه شوية, لأزم صوتها يبقى منتظم ومبتهبلش, بعد كده هتطلع تاخد بيها لفة, وتجرب الغيارات اكثر من مرة, لو بتعشق بصعوبة يبقى البايك غالبا محتاجة ورق دبرياج برضه, وهتجرى بالبايك (أو وأنت ورا صاحبك لو مبتعرفش تسوق) وتجرب التسارع (لازم يكون بسلاسة) والفرامل وكفائتها وسرعة أستجابتها, وتشوف فيه أهتزاز أو صوت غريب ولا لأ, أو سخونية شديدة غير متوقعة, وتشوف البايك بيحود بسهولة ولا أيه, وبعد ماتخلص لعب أقف ونزل الكيك ستاند وشوف بيقاوم الحركة أو البايك هيقع ولا أيه.



الموضوع صعب وطويل, بس ممكن واحد يجيب بايك ينيمه جنبه فى السرير من كتر فرحته بيه, وواحد يجيب بايك يكرهه فى أى حاجة بتمشى على عجل, لو لقيت بايك خالى من كل المشاكل السابق ذكرها, أتصل بهشام أو عمر باشا علشان ياخدوه

وطبعا لو حد عنده حاجة زيادة أو غير مذكورة ياريت يقولها, علشان ممكن تنقذ حد من جشع تاجر أو غش بائع.


__________________

حكمة الشهر: ذاكر تنجح, غش تجيب مجموع

عذرا لقلة تواجدى بالمنتدى, تجارة بقى وأخر شهر بتاع الشغل كله.






التعديل الأخير تم بواسطة Injection ; 28-10-2010 الساعة 10:11 AM
رد مع اقتباس
  #2  
قديم 28-10-2010, 10:51 AM
SmoothRider SmoothRider غير متواجد حالياً
من انا؟: خالد محمد
التخصص العملى: ELT, publishing
 
تاريخ التسجيل: Oct 2010
الموقع: القاهرة، مصر
المشاركات: 236
SmoothRider will become famous soon enough
افتراضي رد: أزاى تفحص بايك مستعمل.


المشاركة الأصلية كتبت بواسطة Injection مشاهدة المشاركة

طبعا كل اللى بيشترى بايك بيبقى محوش فلوسه بالعافية, ونفسه يجيب حاجة يفرح بيها وتعيش معاه من غير ماتغلبه, وكتير فلوسهم بتضيع فى بايك مستعمل فيه مشاكل, مبيكتشفوهاش الا بعد فترة, فمنعا للأحباط, دى شوية نصائح عن أزاى تفحص بايك مستعمل, هيا بنا نلعب

البايك فى مصر بيعامل معاملة سيئة جدا, لأن غالبا اللى بيركب بايك بيكون لسه جديد فى السواقة, وبيقع بيه كتير, ده غير أن معظم اللى بيجيبوا الريس بيبقوا جايبينه علشان يسمع صوته وهو بيفصل ويلعب بيه, وده طبعا بيهلك حالة البايك جدا, فلما تشترى لازم تشترى من شخص مخضرم وقديم فى مجال البايكس, أو يفضل حاجة أستيراد علشان أختلاف الطرق ونظام المرور وحتى نوعية الحوادث بينا وبينهم.

الفايبر هو أول حاجة بتلاحظها على البايك, وهو أكبر دليل على حالة البايك وأعتناء صاحبها بيها, بس بما اننا فى بلد الفهلوة, أغلب اللى بيشتروا بايك بيمشوا من غير فيبر أو بفايبر صناعة محلية رخيص, لأن سعر الفايبر أصلى أو أستيراد غالى جدا, بالتالى ممكن يتضحك عليك بشكل الموتوسيكل لما تلاقيه لسه بيلمع وجديد لانج.



الفايبر ممكن يتصب ويتدهن ويبقى شكله زى الأصلى بالظبط, بس بيبقى أضعف وأرخص وبيقلل من ثمن البايك جامد, لازم تفك الفايبر من على البايك وتشوفه من جوه, هل فيه نسيج فايبر ولا لأ (الريش اللى بيتعمل منه الفايبر) لو صاحب البايك مقالكش أن البايك مغير فايبر يبقى أكيد فيه حاجات تانية مقالهاش, ولو الفايبر أصلى برضه حاول تفحصه من جوه ومن بره, ممكن يكون مكسور وأتعمل عند صنايعى, وده بيبان كمناطق مرتفعة ومنخفضة غير ملاحظة على سطح الفايبر, أو لو الصنايعى غبى ممكن من ظهر الفايبر كمان تشوف لون الفيلر والبرايمر والمواد اللى أستخدمها

بعد فك الفايبر, هيبقى قدامك جسم الموتوسيكل, جسم الموتوسيكل هو أهم حاجة فيه, لأنه عامل زى شاسيه العربية وأكثر, أى عوجة فيه أو خبطة بتبوظ تحكم البايكر فيه, كمان هو الحاجة الوحيدة فى الموتوسيكل اللى صعب تغييرها أو تصليحها, لازم تشوف لو فيه ماسورة متنية فى الفريم, أو واخدة خبطة, أو لونها مختلف, ده بيدل أن البايك وقع وقعة جامدة, والحاجات دى هتقرفك بعدين, ولازم كمان تبص للفريم بتاع البايك على أنه نصين, وتحاول تطابقهم مع بعض, يعنى مثلا تبص للبايك من ورا, لقيت حتة من الفريم داخلة لجوه شوية والنص التانى مظبوط يبقى البايك متبهدل, وتبص على الصدأ برضه فى الفريم, وتشوف الشكمان متجرح ولا لأ (دليل على وقعة).



العجل ثم العجل ثم العجل, العجل أكثر حاجة بتدل على حالة البايك ومعاملة صاحبه ليه, لازم تبص على العجلتين وبالذات العجلة الخلفية وتشوفها ممسوحة أو النقشة بتاعتها ضايعة ولا لأ, وهل الجنط نفسه متجرح أو معووج او مرشوش قبل كده؟, ,وتشوف الكاوتش مشقق ولا لأ, أحسن يتخلع منك وأنت ماشى وتبقى فرجة فى الشارع.



لو كل ده سليم يبقى أساسات البايك سليمة, بعد كده هترفع البايك من قدام, وتمسك العجلة الأمامية تدورها بأيدك, وتشوف هل بتتهز وهى بتدور أو مبتدورش بصورة مثالية ولا لأ, وتشوف هل بتدور بسهولة ولا لأ, علشان ممكن الفرامل تكون قافشة عليها, وهتعمل نفس الحكاية فى العجلة الخلفية, بس دى طبيعى أنك تلاقى فيها مقاومة علشان السلسلة وكده.

سلسلة البايك مهمة جدا جدا, لازم تبص على السلسلة والتروس, وتشوف هل كل أسنان الترس موجودة ولا فيه منها مكسور, وتبص على السلسلة كويس جدا وتشوف هل عليها صدأ أو متوسخة زيادة عن اللزوم, وبرضه وأنت رافع البايك من ورا, دور العجلة وبص على السلسلة والتروس, لازم السلسلة تمشى على أسنان الترس بسلاسة من غير مقاومة عند جزء معين, أو أنها تعدى على سن من غير ماتلتحم بيه.



هتطلع على البايك, وتبص على الجادون, وتمسك فرامل اليد, مش من المفروض أنها توصل للأخر, ده معناه أن الفرامل مش كويسة أو التيل عاوز يتغير, وهتدور بكرة البنزين وتشوف بتدور معاك بسلاسة ولا فيه مقاومة كبيرة, وهل شكلها مستقيم ولا ممسوحة وفيه ثنية, وهتدوس دبرياج وتشوف حالة المقبض بتاعه برضه وهل شكله مثنى ولا لأ, مقبض الدبرياج والفرامل لازم يكون شكلهم مثالى ومتطابقين, بمعنى متعدلوش أو أتثنوا قبل كده.



هتدور الجادون يمين وشمال, وتشوف فيه صوت غريب ولا أيه, وهتضغط بجسمك على البايك من قدام وورا علشان تشوف حالة "العفشة" أو مايطلق عليها الشوكة, وتشوف فيه أصوات غريبة أو تخبيط, وهل البايك بيرتد بسهولة, وهتبص على الشوكة وتشوف هل عليها زيت أو فيها ثنية غريبة, وكمان هترفع العجلة الأمامية تانى وتشوف هل الجادون بيتهز بسهولة وبيتحرك قدام وورا ولا ثابت فى مكانه.



وطبعا هتجرب منظومة الكهرباء, وتدور النور العالى والواطى ونور الفرامل والأشارات, وتجرب كل أوبشن فى البايك عدة مرات, وخاصة بعد متاخد بيه لفة علشان لو فيه حاجة متلصمة تبان, وتبص على العدادات تشوف هل عداد السرعة أو الأربى أم بيهيس أو عداد الكيلومتر مش شغال وحالة الباغة اللى على العدادات عاملة أيه, ومتنساش تبص على حالة وجسم المرايات.



طبعا هتبص على حالة الكرسى, هل ناشف زيادة عن اللزوم أو مقطوع أو أو, وبعدين هترفعه علشان غالبا هتلاقى البطارية تحتيه, هتبص على حالتها, هل الأقطاب بتاعتها متوسخة أو حالة البطارية وحشة, ده بيدل على عدم أهتمام صاحب البايك بيها.

(مكان البطارية, لاحظ الصدأ)


هتفتح تانك البنزين وتدخل صباعك جواه, وتدوره حوالين حافة التانك علشان تشوفه مصدى ولا لأ, وهتعمل نفس الحكاية مع قربة المياه وتشوف لون المياه فيها أيه, وهتبص على الزيت وتشوف لونه أيه, لو أسود وملمسه حديدى يبقى بقاله كتير متغيرش وصاحب البايك مطنشها, لازم يبقى لونه خفيف وملمسه نضيف شوية لأنه روح الموتور.

هتسأل الموتور حالل ولا لأ, وتبص على البلوك تشوف شكله وحالته أيه, متجرح أو فيه خبطات, وهل عليه زيت أو فيه تنشيع من أى جزء من أجزاء الموتور, والبوجيهات لونها أيه وهل عليها زيت أو بنزين (مصيبة), وطبعا هتفحص عند أو هيكون معاك ميكانيكى موتوسيكلات علشان يظبطك فى موضوع الموتور, وبرضه متنساش تبص على الفتيس من بره, لو متجرح = وقعة شديدة.



ومتنساش تبص على ديسكات الفرامل والتيل, وتشوف فيه تنيه أو حتة مكسورة فى الديسك أو أى شئ غريب, وتجرب الفرامل الورانية عدة مرات, وتطلع على البايك تانى وتمسك فرامل وتزق فى الموتوسيكل لورا وقدام, مش من المفروض أنه يتحرك (طبيعى), هتزعل أوى لو ماشى على 130 وبتدوس فرامل وتلاقى البايك خيش منك وبقيت بتلف خمسات.



بعد كل ده هتشغل البايك, وتجرب تدوس دبرياج, لازم الدراع يتحرك معاك بسهولة وخاصة وأنت مدى غيار, ويسيب معاك بسهولة برضه (لو عمل العكس: ورق دبرياج) وتسيبها واقفة سلانسيه شوية, لأزم صوتها يبقى منتظم ومبتهبلش, بعد كده هتطلع تاخد بيها لفة, وتجرب الغيارات اكثر من مرة, لو بتعشق بصعوبة يبقى البايك غالبا محتاجة ورق دبرياج برضه, وهتجرى بالبايك (أو وأنت ورا صاحبك لو مبتعرفش تسوق) وتجرب التسارع (لازم يكون بسلاسة) والفرامل وكفائتها وسرعة أستجابتها, وتشوف فيه أهتزاز أو صوت غريب ولا لأ, أو سخونية شديدة غير متوقعة, وتشوف البايك بيحود بسهولة ولا أيه, وبعد ماتخلص لعب أقف ونزل الكيك ستاند وشوف بيقاوم الحركة أو البايك هيقع ولا أيه.



الموضوع صعب وطويل, بس ممكن واحد يجيب بايك ينيمه جنبه فى السرير من كتر فرحته بيه, وواحد يجيب بايك يكرهه فى أى حاجة بتمشى على عجل, لو لقيت بايك خالى من كل المشاكل السابق ذكرها, أتصل بهشام أو عمر باشا علشان ياخدوه

وطبعا لو حد عنده حاجة زيادة أو غير مذكورة ياريت يقولها, علشان ممكن تنقذ حد من جشع تاجر أو غش بائع.


موضوع ممتاز
انت قريت السؤال (ولا مجموعة الأسئلة) اللي على بالي وجاوبتني
شيئ خيالي يا ناس

شكرًا جزيلا يا Injection وعقبال ما تجيب الموتوسيكل اللي بتحلم بيه
رد مع اقتباس
  #3  
قديم 28-10-2010, 11:10 AM
SmoothRider SmoothRider غير متواجد حالياً
من انا؟: خالد محمد
التخصص العملى: ELT, publishing
 
تاريخ التسجيل: Oct 2010
الموقع: القاهرة، مصر
المشاركات: 236
SmoothRider will become famous soon enough
افتراضي رد: أزاى تفحص بايك مستعمل

بعد إذنكم، يعني إيه...
الباغة (اللي على العدادات)؟
البلوك؟
واقفة سلانسيه؟ يعني مموّرة مثلا؟
بتعشق؟ يعني بتغير من gear للتاني؟


وشكرًا للجميع.
رد مع اقتباس
  #4  
قديم 28-10-2010, 11:21 AM
الصورة الرمزية Injection
Injection Injection غير متواجد حالياً
من انا؟: أنسان يعيش و يتعايش
التخصص العملى: تانية تجارة
هواياتي: Everything
 
تاريخ التسجيل: May 2010
الموقع: مصر الدور الرابع
المشاركات: 1,400
Injection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond repute
افتراضي رد: أزاى تفحص بايك مستعمل


المشاركة الأصلية كتبت بواسطة SmoothRider مشاهدة المشاركة

موضوع ممتاز
انت قريت السؤال (ولا مجموعة الأسئلة) اللي على بالي وجاوبتني
شيئ خيالي يا ناس

شكرًا جزيلا يا Injection وعقبال ما تجيب الموتوسيكل اللي بتحلم بيه

المشاركة الأصلية كتبت بواسطة SmoothRider مشاهدة المشاركة




العفو ياباشا ربنا يخليك, وعقبال مانشوفك واقف جنب ال cbr 1000 rr


المشاركة الأصلية كتبت بواسطة SmoothRider مشاهدة المشاركة

بعد إذنكم، يعني إيه...
الباغة (اللي على العدادات)؟
البلوك؟
واقفة سلانسيه؟ يعني مموّرة مثلا؟
بتعشق؟ يعني بتغير من gear للتاني؟


وشكرًا للجميع.


بعد أذننا أيه ياباشا أسأل براحتك, قولى ياض ياعمرو

الباغة هى حتة البلاستيك اللى بتغطى العداد علشان تحميه, ديه لو متجرحة زيادة عن اللزوم وخصوصا فى البايكس القديمة مش هتشوف فى العداد حاجة الصبح علشان الشمس.



البلوك هو ال engine block يعنى جسم الموتور الخارجى اللى جواه البساتم والمكونات التانية, زى الصورة اللى بعد الفقرة بالظبط



الحتة المشار أليها وجسم الموتور عامة هى البلوك.

واقفة سلانسيه ياباشا يعنى أنت دورت البايك وممورها وسايبها واقفة مكانها, زى العربية لما تدورها وتسيبها ممورة, سلانسيه عامة يعنى مش دايس بنزين سواء فى عربية أو موتوسيكل.

بتعشق يعنى بتغير جير, بتجرب تروس البايك والدبرياج, ف"بتعشق" من الأول للتانى للثالث وهكذا, علشان تشوف هل البايك سلسلة فى التغيير ولا لأ.
__________________

حكمة الشهر: ذاكر تنجح, غش تجيب مجموع

عذرا لقلة تواجدى بالمنتدى, تجارة بقى وأخر شهر بتاع الشغل كله.





رد مع اقتباس
  #5  
قديم 28-10-2010, 12:15 PM
SmoothRider SmoothRider غير متواجد حالياً
من انا؟: خالد محمد
التخصص العملى: ELT, publishing
 
تاريخ التسجيل: Oct 2010
الموقع: القاهرة، مصر
المشاركات: 236
SmoothRider will become famous soon enough
افتراضي رد: أزاى تفحص بايك مستعمل


المشاركة الأصلية كتبت بواسطة Injection مشاهدة المشاركة


العفو ياباشا ربنا يخليك, وعقبال مانشوفك واقف جنب ال cbr 1000 rr

بعد أذننا أيه ياباشا أسأل براحتك, قولى ياض ياعمرو

تسلم يا عمرو باشا
التواضع ده هو اللي يبين إن الواحد محترم وابن ناس بجد
وأنا في الخدمة والله إذا احتجت شيئ في الإنجليزي، ده تخصصي
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 11:01 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017