رقم ثرموستات الحرارة كام ؟

[gadon]

الى اهل الخبرة
السيارة ريجاتا عاده 84 موتور 1600 cc ريادتير نحاسى 3 طرف
اريد ان اعرف رقم ثرموستات الحرارة اللى بيتحكم فى عمل مروحة الريادتير كام
لان الصنايعية حيرونى واحد قال خليك فى 90-70 والتانى قال خليك فى 68-82 وياريت لو حد يعرف هى بتفتح على الرقم الاصغر وبتقفل على الاكبر ولا العكس
اخرسؤال معلش بتقل عليكم : هو المفروض سلك الكهربا الموجب اللى داخل على الثرموستات ييجى منين اقصد من البطارية مباشرة ولا ولا من الكونتاكت
والف شكر مقدما

[احمد على 1999]

مع ان كان معانا ريجاتا زمان بس ناسى او مصادفتش انى غيرت الثرموستات
على العموم 70 - 90 مدى كويس لتوفير استهلاك البنزين بس برضه انتظر رد حد خبير
و بالنسبة للقفل و الفتح الثرموستات بتوصل كهربا للمروحة عند الرقم العالى ( مثلا عند ال 90 ) و تفصل كهربا المروحة عند الرقم الواطى ( مثلا عند ال 70 )
منطقى مينفعش العكس لان لو العكس المروحة حتفضل شغالة على طول

و عمرى ما حسيت ان المروحة تفضل شغالة بعد ما ابطل و دا دليل ان الثرموستات كانت على الكونتاكت

[gadon]

الف شكر استاذ احمد
على ردك و ياريت حد يساعدنا بمعلومات اكتر

[ibrahim19841981]

السلام عليكم انا معاية ريجاتا موديل 87 نوفا الثرموثتات عندى 90-80 و دة افضل حاجة انا جربنها على الريجاتا و بالنسبة لى المروحة بتوصل من البطاربة الى الثرموثتات و مالهاش علاقة بالكونتك نهائى لان المروحة بتشتغل حتى بعد ما افصل العربية لحد لما الحرارة تنزل الى 80 درجة يارب اكون حقدرت افيدك

[mr_astra]

تمام
افضل حاجة هى 80 : 90 لكن ...... كل الثرموستات الموجودة فى السوق هى مضروبة ولا هى 90 ولا 80 ولا 60 ولا اى حاجة فى الدنيا
روح لكهربائى جنب منة بتاع قطع غيار واشترى من عندة بشرط على التجربة
وشغل العربية وسبها لما تسخن عشان المروحة تشتغل وتشوف هاتشغل وقت اد اية مفروض ما يعديش من 3 الى 5 دقايق وتفصل وبعدها بقترة تشتغل تانى
ولو ما عملتش كدة او ما شغلتش المروحة كدة - ترجعها وتجيب واحدة تانية
وتقدريرى انك هاترجع اربع او خمس قطع عشان تلاقى واحدة شغالة
بالنسبة لطرف الموجب بيتاخد من قبل الكونتاكت ينى ملوش علاقة بمفتاح العربية نهائى
عشان لو بطلت العربية وهى لسة سخنة تفضل المروحة شغالة لغاية لما تبرد العربية
انما لو من بعد الكونتاكت كدة غلط