الفرامل الأســـــــــــــفنجية... .........؟؟؟؟؟؟؟

[tarek_sayed]

عربيتي اسبرانزا تيجو اتوماتك مودل 2010 ..........هي عربية كويسة جدا وافضل ما انتجت الصين ..المشكلة بتاعتي دلوقتي تتلخص في اني ضربت فرامل علي فجأة في مكان فية رمل وحصي صغير وكانت الضربة بتاعة الفرامل قوية فمسكت ومسك معاها نظام ال ABS
لكني فوجأت بعدها مباشرة بحدوث خلل في دواسة الفرامل وبقيت بتفرمل بس لازم اجيب البدال علي الأخر او بعد دوستين او ثلاثة ... ؟؟؟
البعض قالي يبقي العربية خدت هوا ..؟؟ واللي قالي ماستر عمومي ضرب واللي قالي سرفو ,واللي قالي غير زيت...؟؟؟؟؟؟؟؟؟؟؟؟؟؟؟؟\
عملت كل حاجة غيرت ماستر وغيرت زيت واخدت هوا 100 مرة ونضفنا الدايرة ولا زالت المشكلة كما هي
لكن في ميكانيكي قالي احتمال يكون الماستر اللي انت جايبة مضروب.....؟؟ وواحد تاني قالي احتمال يكون جهاز ال ABS فية بلوف او فالفات بتاعتة ضعفت لأنة برضة بيمر فية نظام ضغط الزيت بتاع الفرامل
فلو حد يفيدني في مشكلتي او يدلني علي صنايعي مختص بتاع فرامل بس ويفهم في الدواير بتاعتة او حد عندة الجهاز بتاع اخد الهوا من الفرامل اتوماتيكيا ومعايرة واعادة برمجة المنظومة يا ريت يدلني علية ولو العيب من جهاز ال ABS او من الطرمبة بتاعتة اي النظام الميكانيكي فقط علما ان اللمبة بتاعتة مطفية وبيشتغل كويس جدا في الأماكن الزلقة فلو حد بيصلحة ويفكة ويفهم فية بتغيير الفالفات بتاعتة يا ريت برضة حد يفيدني وهانزلة القاهرة مخصوص علما اني من اسيوط....ولكم جزيل الشكر والأمتنان
طارق اسيوط

[mohsenaltyb]

اخى سيد الموضوع له مدة طويلة وعايزين نعرف للإفادة لنا ولإخوتنا الاعضاء بالمنتدى
هل توصلت لحل لهذه المشكلة

[tarek_sayed]

الحل كان اسهل مما اتوقع واسهل مما لم يتعرف علية التوكيل وكان مسمار بتيلة التيلة واقعة من المسمار نتيجة ضربة الفرامل المفاجأة ومكانها ورا العدادات تقريبا علشان ماسكة في دراع السيرفو والماستر من ناحية ومن الناحية التانية ماسكة في شاسية الدركسيون....واللي حلهالي ميكانيكي صديقي شغال في العربيات الربع نقل والميكروباص بعد ما غيرت كل حاجة وماطلعش منها السبب حتي التوكيل وفطاحل الصنايعية ما عرفوش الحل......؟؟؟؟ يوضع سرة في اضعف خلقة وفي مركز ابوتيج التابع لمحافظة اسيوط كمان.......شكرا طارق اسيوط