إطمن على بطارية ودينامو سيارتك بنفسك

[karim kimo]

مشكووووووووور

[waelsalah]

المشاركة الأصلية كتبت بواسطة samirayad ال__ فأختبار الأمبير هام فى بعض الأحيان لأنه لو كان الدينامو ضعيفا بالفعل ....من جهة أنتاجه للأمبير الكهربى فسيخدع مالك السياره بأن الدينامو تمام لو أعتمد فقط على القياس للفولت الكهربى فى صورة ملاحظة رعشه فى عمل المحرك ....أو خلل فى آداء المحرك وقت أستعمال الأضواء العاليه أو تشغيل المعدات التى تتطلب أمبير كهربى عالى ( مثل زجاج السياره الكهربى ) أو عند تشغيل تكييف السياره _____________________ أذا ماهى طريقة قياس أمبير الدينامو ...............؟ لقياس خرج الدينامو من جهة أنتاجه للأمبير الكهربى فسوف تحتاج لبسة أمبيرamp meter . 1- دور مكنتك فقط بدون أستعمال أى مهمات كهربيه بالسياره مثل الزجاج والكاسيت وخلافه من الأضواء 2- أرفع سرعة المكنه إلى سرعة 1200 لفه / دقيقه 3- يجب على الدينامو فى هذا الوضع أخراج أقصى أمبير متاح لديه ومصمم عليه فعلى سبيل المثال يجب على الدينامو المصمم على أخراج 90 أمبير يجب أن يكون خرجه من الأمبير على بنسية الأمبير فى حدود 88 أمبير كهربى لاحظ أيضا أن الدينامو لا يستطيع أخراج كامل طاقته من الأمبير الكهربى لفتره طويله من الوقت وبالتالى أذا وجد هذا الوضع بشد سير الدينامو زياده عن الازم مثلا فمن الممكن تعرض الدينامو كملفات كهربيه للسخونه والتلف بسبب انهيار العزل الكهربى لملفاته الكهربيه ولذا بتصمم مولدات الشحن لأنتاج أقصى طاقه لها لفتره محسوبه من الوقت فقط ___________________ خالص التحيه لمن يمر على هذا الموضوع البسيط والهام فى نفس الوقت

ازاى يا بشمهندس اقيس الامبير عمليا وشحن الدينامو المظبوط

اشتريت دينامو استيراد 75 امبير وغيرته مرتين لانه طلع بيشحن زياده وكمان غيرت البطارية بقت اي سي ديلكو 70
حاليا اللى راكب اول امبارح قاس شحن مظبوط
امبارح قاس شحن زائد
اليوم رجع نقص شوية
يعنى حاليا 14.3 -14.4 وانا مزود كان امبارح 14.9 - 15
وعلى السلانسية الآن 14.02-14.03 وامبارح كان 14.5
الدينامو ده كتاوت داخلى وبتاع البطاريات بيقول القياس المظبوط للدينامو الكتاوت الداخلى بيكون ع السلانسيه 13.7 ولما تزود لا يزيد عن 14 باى حال من الاحوال
انا الآن اعانى من خفتان النور ع السلانسيه ولما بزود النور بيزيد ويقوى
واختفت رعشة النور تمام سواء ع السلانسيه او التزويد
ومشكله اخرى لما بشغل النور الواطى مثلا او العالى والعربيه ع السلانسيه العربيه بتوطي وبتترج؟؟ ده من ايه؟ علما بان السلانسيه عندى عالى ومظبوط
الغريب ان 3 كهربائية مختلفين قالولى الدينامو مفيش فى اى مشكله وانك لما تمشي بيه شوية هيعدل نفسه مع البطارية اوتوماتيك
وبتاع البطاريات اللى شاري منه البطارية بيقولى لا ده شحنه زايد المفروض ما يزيدش عن 14 وانى هنا بيقيس بمقاس ديجتال ارقام وهو ادق من قياس المؤشر
اسف للاطاله ومتابع افادتكم العاجله
وشكرا جزيلا

[waelsalah]

السلام عليكم
معلش هتعب حضرتك معايا
العربيه اكسيل 1500 مو 95 مانيوال
كنت اعانى من رعشه فى النور وخفتان ويزيد مع دوسة البنزين
غيرت البطارية من 5 ايام الى اى سي ديلكو جافه 70 امبير والقديمه كانت سائلة 70 امبير ايضا
الى الآن ركبت 4 دينامو 75 امبير بتاع الاكسنت عندى ع الاكسيل
وبرده شحنهم زايد من 14.5 الى 14.9 مع التزويد والسلانسية 14
وباقي مشكله عندى النور ضعيف ولما بزود النور بيزيد
كده احاول ادور على الدينامو ال 65 امبير بتاع الاكسيل الاصلى عشان الشحن يتظبط ولا ايه ؟؟
علما بان البطارية 70 امبير
هل ال الدينامو ال 65 هيظبط مع بطارية 70 ولا لازم يكون قوته اكبر من قوة البطارية ؟
نرجو الافاده العاجله جدا اليوم لانى هرجع الدينامو اللى راكب دلوقتى ومش عارف اعمل ايه
وشكر جزيلا

[samirayad]

هل ال الدينامو ال 65 هيظبط مع بطارية 70

لاينصح بهذا من الزاويه الفنيه

فلابد أن يكون خرج الدينامو أعلى من سعة البطاريه فى دوائلر الشحن

ولذا

أنصحك من خلال إطلاعى على ملابسات موضوعك

بالتشييك الجيد على الضفيره الكهربيه للسياره وخصوصا الخاصه بدائرة الشحن

فإننى بالفعل أستشعر وجود عيب فى الضفيره

[waelsalah]

متشكر جدا لاهتمام حضرتك
حاليا ركبت دينامو خامس بتاع فيرنا 80 امبير والحمد لله كويس
لكن شحنه 14.5 هل الزياده دى مقبوله ولا غلط ع البطارية
حسيت بفرق فى السحب مع الدينامو ده خصوصا وانا مشغل التكييف هل هذا طبيعي
ولا التكييف بيحمل ع المكنه بس مش ع الدينامو والبطارية
دلوقتى اللى ملاحظة لما بولع اى نور ع السلانسيه المكنه بتوطى فى rpm وتترج
وشكرا جزيلا