ليه معظم اللي راكبين عربيات مش محترمين

[suzuki maruti]

للاسف السيارة في مصر مش نعمة
بالعكس ممكن تجبلك ضغط وسكر و بواسير وممكن تفقعلك ***** طبعآ علشان انا مؤدب حطتها نجوم نههههه
بس الشعب المصري ذكي وعارف انا اقصد اية
لان السواقة في الزحام والشوارع الضيقة تجبلك كل امراض الدنيا
كمان تكاليف صيانة السيارة و البنزين وعدم وجود اماكن للركن و عدم وجود شوارع اصلآ
كل حاجة عندنا مقلوبة رآسآ علي عقب

[tham1010]

الكاية مش حكاية زحمة أو أعصاب ولا غيرة. الحكاية كلها أن لما حد بيحب يعدى وأنت واقف قدامة بيحسبك أنك بتتحداه. وعلشان كدة يجى جنبك وينتقد سواقتك وأول كلمة تكون "أنت مش بتسمع" أو " ماشى على قشر بيض" أو أمال اليمين عملوة لايه. كل واحد من اللى بيسوق بيكون عاوز ياخد حقة بزراعة بغض النظر على حقوق الأخرين لان الزراع بينفع وبيخليك تخلص حاجاتك بسرعة بدون مراعة الأخرين. تصور لو أنك واقف فى طابور عيش مش تلاقى فى ناس تزق وعوزة تاخد دور الأخرين أو تأخد أكثر عيش من المخصص لها؟ ليه بيعلملوا كدة؟ لان الكل حاسس انه فى غابة والزراع بيكسب ولما يحب يعمل حاجة مفروض محدش يقف قدامة واللى يقف قدامة يبقى بيتحداة واللى يتحداة لازم يتعلم عليه... فهمت؟؟

أنا زيك لسة متعلم السواقة مش شهور. واول مرة طلعت مع اللى بيعلمنى قالى لى خلى اعصابك فى ثلاجة وسيب اللى يهبهب يهبهب. وفعل طلعت وكنت ماشى بطئ على الشمال وجاء موتوسكل قعد يزمر جامد فأنا معملتش حاجة لانى مش كنت عارف اغير الحارة بتعتى وخفت من الأصطدام. قعد يزمر لحد ما جاء جانبى وقال لى من الزجاج " مبترحش يمين طالما ماشى على قشر بيض" طبعا التأنيب دة بيتعب وخاصة لو بتتعلم السواقة.

[ahmed_zamalek7]

انا الصراحه فى الصيف بقفل الزجاج وشغل التكييف وطبعا اليكلم يكلم والشتا بقفل الزجاج وافتح حته صغير وودن من طين وودن من عجين واليعدى يعدى وانا لو عديت حد وبص بطنشه ولا اكن فى اى حاجه احسن حاجه وانت سايق تنفض

[ريهام79]

الموضوع فعلا هو عقدتى لانى مش معاكم ان سلوكيات السواقه هى اللى بتقول انى مع الوقت هاتعود على سوق الاخلاق ولو ماكنتش الاخلاق فى السواقه اساسيه زى اى شئ فى الحياة لما وجد شعار فن وذوق واخلاق
صعب جدا انى اتكيف واتعود على سوء الخلق بعد فترة من ممارسة السواقه وبالنسبة لموضوع الموبايل مع السيدات اللى اتكلم فيه استاذ احمد بقوله عندك حق فعلا ان الموبايل مع السواقه طامه كبرى وانا شخصيا لا استخدمه ابدا وفى الضرورة القصوى بركن الصراحه وبعدين ارد على التليفون بس ده حال الرجال اكثر بكثير موضوع الموبايل ده
وعموما ابدأ بنفسك ومهما حصل حافظ على حسن اخلاقك وكن قدوة لغيرك وقل دائما (لنا لا علينا)

[blade2011]

المشاركة الأصلية كتبت بواسطة احمد سويلم الناس سلوكياتها **** ومش متربيه ..انا معاك فى كده ..ولكن الثوره ملهاش علاقه بالكلام ده لان بتلاقى الناس تقولك الثوره هيا اللى جرأت الناس نتيجه خبرتى كسائق تاكسى اتواجد يوميا فى الشارع لايقل عن 12 ساعه اولا - الملاكى اللى نازل يتفسح فى الشارع ده اكتر واحد بتلاقيه مستعجل ومش ذوق واهوج وقليل الادب **** كمان والاهم من كله انه دماغه فاضيه بمعنى انه لو حصل مشكله بسيطه جدا تلاقيه عاوز يعمل حوار ويلا نطلع علىا لقسم ونشوف مين اللى غلطان ......مهو مش وراه حاجه وفاضى وفاقد الاحساس بالوقت والزمن ثانيا - اللى رايح شغله غالبا بتلاقيه محترم ومش فاضى للتفاهات حتى لو حد غلط فيه مش هيرد لانه مش فاضى ومرتبط بمواعيد واعمال ومش هيدقق على كل حاجه بتحصل وبيكبر دماغه تجاه حاجات كتير غلط بتحصل حواليه ثالثا - الظاهره الجديده هى ظاهره **** الحريم بتلاقيها حاطه الموبايل تحت الايشارب وعماله تضحك وتتكلم وتهظر وماشيه فى نص الشارع زى ميكون ماشيه فى بيت ابوها وطبعا فى الوقت ده بتلاقيها بتحدف عليك عادى جدا وانت بتحاول تخطيها عشان انت مستعجل ولام تيجى تديها تحت ديلها اقصد تديها كلكس مبتاخدش بالها والاهم من ده انها بتكون فعلا أرفتك ونرفذتك وانا مع المدرسه اللى بتقول يجوز التحرش بها فى مثل هذه الحالات بمعنى انك تيجى جمبها براحه كده على الهادى وتكون شايف عنيها انها مش شايفاك وتشغل الزينون والكلكس المحترم والحدفه اللى تخليها تتخض عشان تفوق من الدلع اللى هيا فيه رابعا - جزء كبير من الزحام الموجود فى الشوارع هو الملاكى لسبب بسيط جدا وهو هاتلى فرن او محل البان او زبادى او مطعم الا لما بتلاقى عنده لا يقل عن 20 عربيه ملاكى واقفه صف تانى وتالت ورابع احيانا وتلاقيهم سايبين حاره واحده بس للشارع ..ده طبعا للنظريه اللى بتقول سلوكيات سواقين الاجره طب هاتلى عربيه اجره واحده بس تكون واقفه قدام مكان من الاماكن اللى قولتلكوا عليها وانتوا ماشيين فى الشارع راجعوا الحته ديه الخلاصه : لازم تكبر دماغك عشان يومك يعدى ومتفكرش كتير وبمعنى اصح لازم تكون سلبى شكرا ليك ----------------------------------------------------------------- (( تنبية ادارى )) ارجو مراعاة الائق من الالفاظ -----------------------------------------------------------------

سواقين التكسى غالبا عندنا فى المنصورة مابيقفوا فى نص الشارع بيغسلوا عربياتهم بدون مراعاة للطريق ولا حتى يحيط على جنب . 80 فى المية من سواقين التاكسى عندهم موضوع المريات والاشارات مجرد كماليات فارغة ممكن يسوق بالاستغناء عنها عمرى ماشوفت سواق تاكسى بيغير من حارتة لحارة تانية باشارة مستحيل طبعا . سواق التاكسى انتا ممكن تكون وراة وهوة قدامك والشارع فاضى وانتوا الاتنين على سرعة ازيد من خمسين وتلاقية وقف عشان يركب واحد بدون سابق انذذذار لا ومنغير اشارة او انتظار او حتى يهدى يكبس فرامل على طول وانتا اولع انتا اللى وراة انتا اللى تخلى بالك لا ولما يقف يتفاوض مع الزبون ومايعجبوش الحوار يرجع تانى لحارتة الطبيعة دة طبعا لو كان وقف على جنب شوية يرجع تانى لحارتة قدامك برضة بدون سابق انذار اكمل ولا كدة كفاية عشان انا بصراحة قرفت منهم