دايو ليجانزا

[Guitar Man]

ممكن حد يقولى رايه فى العربية دى موديل 2001 اوتوماتيك 2000 سى سى . فتحة سقف مرشوشة نظافة بحالة تكون فى حدود كام ياريت اقل سعر واعلى سعر لأحسن حالة ؟

وياريت من ناحية قطع الغيار والصيانة ايه اخبارها ؟

وشكراااااااا

[osama_ruan]

اقل سعر علي اساس اية ماهي ممكن تكون مغية نص وكل حاجة فيها وحشة هتبقي بكام يعني اكيد ببلاس احسن لاكن المتوسط منها 45/47 والحال الكويسة وموديل زي بتاعك دة 55 وهية عربية بجد مرسيدس الدايو بس الكويس منها لانها ماينفعش تتركب بحالة وحشة

[طاقق]

السلام عليكم انا عايز استفسر من سيادتكم على شى انا عايز اشترى عربية ليجانزا بس انا الصراحة معرفش عنها حاجة هل هى عربية كويسة وبتاعت شغل فعلا ولا لا واخر موديل ليها سنة كام وما هى مشكلاتها ومميزاتها وسعرها فى حالة اعفائها من الجمارك(معاقين) وهل هى احسن ولا سكودا اوكتافيا بالمقارنة بيها ارجو ان تفيدونى وجزاكم الله كل خير وشكرا جزيلا

[mahmoudysf]

المشاركة الأصلية كتبت بواسطة طاقق السلام عليكم انا عايز استفسر من سيادتكم على شى انا عايز اشترى عربية ليجانزا بس انا الصراحة معرفش عنها حاجة هل هى عربية كويسة وبتاعت شغل فعلا ولا لا واخر موديل ليها سنة كام وما هى مشكلاتها ومميزاتها وسعرها فى حالة اعفائها من الجمارك(معاقين) وهل هى احسن ولا سكودا اوكتافيا بالمقارنة بيها ارجو ان تفيدونى وجزاكم الله كل خير وشكرا جزيلا

الليجانزا من العربيات الممتازة وفيها مميزات كتير
شكل فخم
صالون واسع جدا
ثبات وهمي
موتور قوي جدا
قطع غيار موجودة ورخيصة
واهم ميزة سعرها واقع يعنى ممكن تركب انضف ليجانزا بكل المواصفات اللي فوق ب55 الف
بالنسبة لحكاية سيارات المعوقين مفيش ليجانزا بتنزل معوقين

[mgdy3000]

ريح دماغك ودور على نوبيرا أرجوك خذ بنصيحتى