تجربتي الشخصيه مع توكيل غبور

[pro mada]

انا اشتريت الفيرنا بتاعتي ( لون نبيتي هاف اوبشن )
من فرع التوكيل اللي عندنا في بورسعيد
انا اشتريتها في رمضان اللي فات
و مكنش في اللون اللي انا عايزه
فجبت اللون ده ( انا كنت عايز اللون الاسود ptmnlo123per111 )
المهم سلمولي العربيه بعد اقل من يوم واحد
مع انهم قالولي ان الاستلام هيبقي علي يومين
زي ما انتوا عارفين او متعرفوش
انا بعت العربيه بعد ما عملت صيانه ال 1000
في التوكيل مباشره لظروف خاصه
المهم الموضوع ده عمله عشان
اقولكوا علي تجربتي مع التوكيل ده
خصوصا في موضوع الصيانه
طبعا اتصلت بالرقم المختصر بتاعهم
و حجزت الساعه 10 الصبح تقريبا
روحت في معادي و استقبلني مهندس الاستقبال
( راجل محترم بصراحه ) و قولتله صيانه ال 1000
طبعا انا كنت لسه بتعلم سواقه فكنت باكل مطبات كتير
و العربيه اتحكت مني يوم ما كنت بجيب الورق بتاعها
فكنت كاتب علي الملاحيظ اللي علي العربيه
( حلوه الملاحيظ دي ) و كانت كالتالي :
العربيه كانت بتحدف شمال شويه
الاكصدام القدماني من نحيه السواق كان محكوك
المهم العربيه دخلت الصيانه
و انا مستني فاول تجربه من نوعها في حياتي و لوحدي
طبعا غيروا الزيت و الفلتر و ظبطوا الزوايا
و العربيه صوتها بقي هادي و بقت تمام التمام
اما موضوع الحكه فمهندس الاستقبال قالي بالحرف
" انا مستخسر ادخاهالك قسم السمكره و الدهان "
"عشان الموضوع مش مستاهل "
و الراجل كتر خيره عرفني موضوع البولش ده
عشان مكنتش اعرفه قبل كده
المهم دخلت في حسبه 350 جنيه من غير المصنعيات
انا كاتب الموضوع ده بالذات عشان اقول
ان موضوع التوكيل ده حلو او وحش موضوع نسبي بحت
و اي سؤال في العربيه دي انا في الخدمه

[luckyman]

الحمد لله ربنا يوفقك ويحفظك ويحفظ استثمارك ويكفيك شرها تحياتى سيدى العزيز راعى الفيرنا

[freeharbya]

لو سمحت يا جماعة لو حد يعرف الفيرنا الأتوماتيك حلوة ولا وحشة ؟
وألف شكر

[hanitig]

---

مش عارف اعمل اية
يا جماعة حجزت تيجو من اسبوع 2000 سي سي اوتوماتيك
اتصلوا بي امبارح عشان اروح استلمها و فعلا رحت مع واحد صاحبى و استلامناها و كلة تمام
روحنا محطة البنزين و موناها و بعدين طالعين على وسط البلد
واحنا فى اشارة الملك الصالح على الكورنيش جبت العربية على ال p وبعدين الاشارة فتحت
و جيت انقلمن ال p الى ال d و عصاية الفتيس مش عاوزة تتحرك من مكانها
بعد محاولات اتصلت بالتوكيل و قالولى هنجيلك حالا وفعلا جم مع مهندس و ميكانيكى
الميكانيكى فلك الفتيس من الداخل و فشلت محاولة الاصلاح
وبعد كدة فكو حاجات كتير فى الموتور و فشلت محاولتهم
وبعدين جابوا الونش وشالها تانى للتوكيل
اتاسفوا كتير وبعدين قالو ان هما هيدونى عربية تانية مش عارف اعما اية
انا بجد حيران جدا

[pro mada]

المشاركة الأصلية كتبت بواسطة luckyman الحمد لله ربنا يوفقك ويحفظك ويحفظ استثمارك ويكفيك شرها تحياتى سيدى العزيز راعى الفيرنا

الله يخليك يا باشا بس انا بعتها خلاص و ربنا يبارك للي اشتراها

المشاركة الأصلية كتبت بواسطة freeharbya لو سمحت يا جماعة لو حد يعرف الفيرنا الأتوماتيك حلوة ولا وحشة ؟ وألف شكر

الفتيس الاتوماتيك بتاعها هو بتاع الماتريكس و مفيش حد اشتكي من بتاع الماتريكس تقريبا فاعتقد ان الفتيس كويس بس راعي الصيانه الدوريه في مواعيدها و يبقي استعمال العربيه خفيف

المشاركة الأصلية كتبت بواسطة hanitig مش عارف اعمل اية يا جماعة حجزت تيجو من اسبوع 2000 سي سي اوتوماتيك اتصلوا بي امبارح عشان اروح استلمها و فعلا رحت مع واحد صاحبى و استلامناها و كلة تمام روحنا محطة البنزين و موناها و بعدين طالعين على وسط البلد واحنا فى اشارة الملك الصالح على الكورنيش جبت العربية على ال p وبعدين الاشارة فتحت و جيت انقلمن ال p الى ال d و عصاية الفتيس مش عاوزة تتحرك من مكانها بعد محاولات اتصلت بالتوكيل و قالولى هنجيلك حالا وفعلا جم مع مهندس و ميكانيكى الميكانيكى فلك الفتيس من الداخل و فشلت محاولة الاصلاح وبعد كدة فكو حاجات كتير فى الموتور و فشلت محاولتهم وبعدين جابوا الونش وشالها تانى للتوكيل اتاسفوا كتير وبعدين قالو ان هما هيدونى عربية تانية مش عارف اعما اية انا بجد حيران جدا

حضرتك المفروض تعمل موضوع منفصل في قسم شيري و اسبيرانزا و تعرض فيه مشكلتك