اى حد محتاج اى معلومه عن رينو

[ziadamro2003]

صباح الفل يابوب انا عايز اسال عن امكانيه تغيير تابلوة رينو 9 مو 87
يتكلف كام بشرط ان يكون التابلوة اللى هاركبه تكون حالته كويسه
وكمان اتعبك معابا لو تقوللى الاقيه فين ومين اللى يركبه بحرفنه
شاكر ليك جدا وارجو الرد سريعا للاهميه

[ziadamro2003]

صباح الفل ياباشا مارديتش عليا
عايز اسالك فىحاجه حصلت معايا مرتين فيه باب من الكاربيراتير علق قبل كده
بتحس انك دايس بنزين وانت مش دايس والعربيه ماكانتش بتبطل وماشيه لوحدها
وديتها لميكانيكى عملها وبعد شهر اتكرر الوضوع ده تانى النهارده
انصحنى اعمل ايه والاقى فين بتاع كاربراتير كويس ارجو الرد سريعا لان العربيه عطلانه
انا معايا رينو 9 ارجو الرد سريعا

[hossamhussein0]

المشاركة الأصلية كتبت بواسطة ziadamro2003 صباح الفل ياباشا مارديتش عليا عايز اسالك فىحاجه حصلت معايا مرتين فيه باب من الكاربيراتير علق قبل كده بتحس انك دايس بنزين وانت مش دايس والعربيه ماكانتش بتبطل وماشيه لوحدها وديتها لميكانيكى عملها وبعد شهر اتكرر الوضوع ده تانى النهارده انصحنى اعمل ايه والاقى فين بتاع كاربراتير كويس ارجو الرد سريعا لان العربيه عطلانه انا معايا رينو 9 ارجو الرد سريعا

اذا كنت تسمح لي بأن ابدي رأي مبدأي لحين رد الاستاذ الكبير بوب الجامد

المشكلة قد تكون اما في وجود كربون او اكس الباب وحش

الكربون : بيكون غالبا من البنزين 80 و لو كنت هاوي ميكانيكا زي حالاتي عندها يمكنك عمل اللازم ،،

أولا : إما بشراء اسبراي متخصص في تنظيف الكربراتير و عنده يجب ان يكون الموتور مطفي و تتبع الخطوات التالية
1- فك العمة أو حتي الغطاء العلوي
2- تشد سلك البنزين علي الاخر بايدك و لتكن الشمال مثلا أو تخلي حد يقعد علي كرسي السواق و يدوس الدواسة بتاعت البنزين للاخر و يستمر في الدوس و ما يشيلش رجله
3- ترش اسبراي من فتحة الكربراتير العلوية علي الباب نفسه (بيكون مفتوح علي الاخر) و علي جسم الكربراتير من جوه الشميز ( اللي بيقفل الباب فيه) و تنتظر دقيقة و بدها تترك الباب يقفل لوحده (تشيل ايدك او تخلي اللي دايس بنزين يشيل رجله ) و تفتح الباب و تقفله عدة مرات حتي يتم تليين الحركة و تكرر نفس الخطوة مرة كمان
4- ترش بالاسبراي علي الاكس من بره و السوست المسئولة عن اغلاقه


ثانيا : تفك سلك الاكسلاتير من الكربراتير ، ثم مسامير القاعدة بتاعته ثم خراطيم البنزين ثم خراطيم مياه تبريد القاعدة و تطلع الكربراتير بره خالص و تقلبه و ترش اسبراي علي الباب من الاسفل و تتاكد من انطباقه علي السلندر الخاص به
و بعد اتمام التنظيف تركبه ثاني

الاكس و الباب :

قم بهز الاكس من الخارج افقي و راسي لو تبين انه يستجيب يبقي الاكس وحش و محتاج جلبة و طبعا الخامات اللي في السوق مش حلوة و انصحك بوضع كربراتير استيراد في الخطة القادمة

[ziadamro2003]

اشكرك على روحك الحلوه دى بس للاسف انان ماليش فى الميكانيكا خالص
ورايك الكربراتير الاستيراد بيعمل كام
ولا اروح لحد بتاع كربراتير يبص عليه ويحاول يظبطه
ومتشكر ليك جدا

[ابوالقاسم]

ياجامد اسال عن رينو 25 19 لاجونا اية الفرق والمواصفات منىالاخر اجيب اية منهم والاسعار العادلة لكل منهم منتظر الرد سريعا لوسمحت