انا وشيفروليه افيو والموت المحقق وربنا نجاني انا وزوجتي

[dr_adelnegm]

انا هحكي الحكاية دي عشان كل واحد بيفكر يشتري العربية دي يراجع نفسه و كمان للعظة
اولا دي عربية زبالة واي عربية بتتقفل في مصر زبالة
انا اشتريتها افيو اتوماتيك 2013 زيرو وكنت فرحان لانها اول عربية اركبها تبقي بتاعتي وحطيت كل ال املكه فيها وقسطت الباقي ع 4 سنوات
المهم المشاكل ال قبلتها
1- حاسس دايما العربية مش متزنة حاسس انها بتميل لناحية معينة
التوكيل لا مافيش حاجة اظبط ضغط العجل وكل شوية اضبط الضغط
2- الكاوتشات الزبالة الكاوتش الامامي يمين اتخرم 4 مرات في تاني شهر اشتري في السيارة
3- صوت الصفارة ال ديما بسمعه وانا ماشي التوكيل لا دا طبيعي مافيش حاجة
4-ال ار بي ام بيعلي وبلاقيه علي 3 وانا لسه علي سرعة 20-40 سال فب التوكيل ولا حاجة سليم
عملت صيانة ال 5 الاف وغيرت زيت موبيل وبعدها بيومين العربية ادوس بنزين ال ار بي ام بيعلي بس العربية مش بتسحب كنت في اكتوبر قطرتها لحد التوكيل قالي ال سلكتور اسوتش بايظ دي قطعة بتدي الغيار من الفتيس للماتور واتغيرت ع حساب الضمان وبعدينمشيت بالعربية مشي خفيف لحد يوم الحادثة بعدها ب 10 ايام
يوم الحادثة
ثاني يوم رمضان الساعة 11 صباحا طريق مصر الاسماعيلية الكيلو 20 الصحراوي
فجاة بلا اي مقدمات وانا علي 120 وجدت العربية بتمشي يمين وانا في الحارة ال في النصف الف الدريكسيون شمال لا يستجيب هديت السرعة بالفرامل لحد 90 بس السيارة لاتستجيب هتخش يمين في الرمال والصحرا لحد لما الاسعاف جه وفوقني كان مغمي علي انا وزوجتي وبدات رحلة من العذاب هكمل بعدين

[tameromarw]

الحمد لله علي سلامتك وسلامة عائلتك وكله يتعوض
ودي اقدار بظرف النظر عن السبب
ومنتظرين باقي موضوعك ر

[dr_adelnegm]

اكمل الموضوع يا جماعة
الساعة 11 الصبح يوم الخميس 2 رمضان ع طريق مصر اسماهياية الكيلو 20 بعد الكارته العربية لاتستجيب بتمشي شمال الف الدريكسيون يمين مافيش فايدة .
المهم الاسعاف جه وروحت المستشفي انا وزوجتي والحمد لله شوية كسور وهتعدي بقالي شهر و3 اسابيع مرضي لحد الان ما انتم عارفين بقي كسر الفقرات بيكون صعب شوية
انا لم افكر في اي شيء سوي ان اكون سليم قعدت 10 ايام غيرقادر ع الحركة والحمد لله اتحسنت بالوقت
والتوكيل مرضيش يصلح العربية وقال تتكهن هلاك كلي
التلفيات تطبيق السقف بالكامل وخصوصا من ناحية اليمين تطبيق القوايم بالكامل تطبيق 4 ابواب وخصوصا الباب الامامي شمال مدمر خالص نصفه راح
تكسير كل زجاج السيارة تهتك الشنطة بالكامل والاكصام الخلفي
اما الكابوت والتابلوه والاكصدام الامامي سليم
كسر الفتيس الاوتوماتيك وشوية حاجات كدة في الماتور
انا كل ال فاكره وهي داخلة الصحرا وبتتقلب

عربية زبالة وصاج وحش جدا ولاثبات ولاحاجة



عاوز اقول العربيات ال بتتقفل في مصر زبالة
يعني كوتشات صيني
سماعات مصري
ويقولك كوري الماتور هو بس ال كوري
انا منتظر ردكم


انا بفكر اشتري سيارة معاقين

امامي سبكترا اتوماتيك
لاسيتي اتوماتيك
سيراتو اتوماتيك

[حسام نوبيرا]

الف مليون سلامه وربنا يعوض عليك

[محمد فيصل]

لا حول ولا قوة إلا بالله
قدر الله وما شاء فعل
الحمدلله على سلامتك وسلامه اسرتك
يسر الله لك الشفاء والعودة سالماً فى اقرب وقت
وبكل اسف السيارات المجمعة محلياً ما هى إلا حلل طبخ فى المنازل
فقد تعرضت مثلك من خمس سنوات لمثل هذة النصبة فى هيونداى فيرنا من تجميع غبور الحرامى