السيارات الجديده في مصر

[pro mada]

استاذ بهاء
مقدامكش الا فيات بونتو كلاسيك 1300 سي سي و فيها الكماليات المطلوبه ( اشمعني الكماليات دي مش عاااااارف ؟؟؟؟ ) ب 72000 جنيه صناعه و تقفيل ايطالي عربيه ممتازه بس قطع غيارها غاليه حبتين و لازم تتابع صيانتها في التوكيل
مفيش اي عربيه كويسه ( و ركز علي كلمه كويسه ) هاتش باك بالمبلغ ده لو تعرف تزود شويه ممكن تجيب سكودا فابيا 1400 سي سي كل الكماليات ب 89000 جنيه ( فرق 14000 جنيه )
قدامك هيونداي اي تن او كيا بيكانتو 1100 سي سي ( مينفعوش في السفر ) وكمان عربيات كوري ضعيفه
و كمان قدامك سيريون 1500 سي سي الكماليات المطلوبه اوتوماتيك ب 94000 جنيه
و طالما انت مصمم علي الهاتش باك يبقي دي الاختيارات اللي قدام حضرتك
لو هتزود شويه او تكنسل موضوع الهاتش باك ده هيبقي في اختيارات افضل باذن الله
قرر هتعمل ايه و قولي و لا تنسي صلاه الاستخاره

[pro mada]

المشاركة الأصلية كتبت بواسطة medmac اولا انا بحييك على الموضوع الجميل ... وبحييك اكتر على استجابتك للاسئلة واهتمامك بيها وانك بترد على الجميع وبطريقة سهلة وواضحة ثانيا انا بسال على اللانسر 1600 موديل 2010 اتوماتيك الهاف سبورت (امكانياتها سعرها وطبعا رايك الشخصي) و هي ولا السيراتو اتوماتيك هاي لاين ومعلش سئوال تاني ... هي الانترا 2011 (او بصفة عامة هي موديلات 2011) المفروض انها بتبدا تنزل امتى؟

ميرسي علي المجامله اللطيفه دي ده اقل واجب ممكن نقدر نعمله
ميتسوبيشي لانسر 1600 سي سي مانيوال فول اوبشن ب 106000 جنيه اما الاوتوماتيك ب 111000 جنيه و فيه موديل سبورت ( تقريبا عفشه رياضيه و بفتحه سقف بقول يمكن انا مش متاكد بس دي معني كلمه سبورت ) اوتوماتيك ب 123000 جنيه و طبعا الميتسوبيشي عربيه ممتازه و متجربه بقالها سنين طويله مش محتاجه سؤال ( بس مفيش حاجه كامله الكمال لله و حده عيبها ان الفتيس محتاج رعايه خاصه شويه يعني براحع علي العربيه بس كده ) اما السيراتو حجم اكبر و كماليات اكتر و لكن اعتماديه و اداء اقل و كفايه ان اللانسر ياباني و السيراتو كوري و اظن ان المقارنه محسومه لصالح اللانسر اما موضوع موديلات 2011 هي موديلات 2010 لسه بردت ههههههههههه عشان نسال علي موديلات 2011 علي العموم موديرت 2011 هتنزل في شهر 4 او 5 بالكتير من سنه 2010 ان شاء الله
ارجو ان اكون قد افدتك و لا تنسي صلاه الاستخاره

[pro mada]

فين الاسئله يا جماعه ؟؟؟؟؟؟؟؟؟؟؟؟؟

[fngad]

ياريت يااستاذ مادا ترشحلي عربية في حدود الستينات

[محمد حمزه2000]

اولا احيّيك على فكرة الموضوع ونشاطك الملحوظ

بالنسبة للسؤال

بفكر في اوبترا اوتوماتيك

او صني اوتوماتيك

او ياريس اوتوماتيك ايضا

مع العلم كل ىمشاويري داخل القاهرة ويمكن مشوارين او اكثر في الستنة خارج القاهرة

بخبرتك ماذا ترشح لي

يهمنى ان تكون السيارة موتور قوى قليل الاعطال

السحب قوي

تكون عزل الصوت كويس

على فكرة انا معايا تويوتا كريسيدا 91 سيارة ممتازة

لكن عاوز اغير في مصر للاوتوماتيك

شاكر لكم مجهودكم الرائع

ملحوظة هل هناك اختيارات افضل ؟