#6
|
|||
|
|||
رد: تقرير كامل عن نيسان صنى 2011
لأ هى معقولة مش غالية زى م الناس بتقول و منتشرة بس مش زى الفيرنا و الانوس لأهم معمولين تاكسى فقطع الغيار منتشرة على الاخر
|
#7
|
|||
|
|||
رد: تقرير كامل عن نيسان صنى 2011
قطع الغيار فيه منها يابانى وفيه اندونيسى وفيه ماليزى وفيه صينى وفيه استعمال كمان يعنى كده يبقى الوضع على كل شكل ولون وكمان اسعار قطع الغيار نزلت عن الاول نظرا لانتشار السياره حتى 2012 وكمان سعر اعاده البيع ممتاز وكمان مشكله العزل وضيق الكنبه الخلفيه تم علاجها فى موديلات 2012 و2011 وكذلك استهلاك البنزين بصراحه انا عن نفسى افضلها عن الميتسوبيشى لان المتسوبيشى مع الاسف اضيق فى الكنبه الخلفيه فضلا عن انها واطيه وبتحك فى المطبات لما السياره بتكون محمله والكلام ده مش موجود فى الصنى على فكره خالص وانا بتكلم عن موديل 2012 عشان محدش يعقب بشكل غلط والعفشه بتاعه السياره جامده على فكره وصوت الموتور خشن شويه بس مش للدرجه اليى تشعرك بالضيق خالص وده لان السياره عندى لسه فى فتره التليين يعنى حوالى 1600 كيلو فقط بعد كده حتتحسن جدا جدا ومش حتشعر بأى شيىء خالص ولو حبيت متشعرش بدبه العفشه فى المطبات ممكن تنزل ضغط الكاوتش ل30 بدلا من 36 امامى و 33 خلفى يبقى كله مظبوط على 30 ساعتها حتحس بنعومه العفشه جدا والسياره من الاخر افضل بكثير من المتسوبيشى لكن بالنسبه للشباب الى حد ما يفضل شكل الميتسوبيشى دون النظر للمضمون بكل اسف وبخصوص الصديق اليى بيقول الفيرنا والانوس معموله تاكسى مفيش مقارنه اصلا بين الفيرنا والانوس والصنى لان الصنى تشعر فيها بالوقار وانت بالداخل غير كده الحمد لله انها مش معموله تاكسى كمان عشان ده شرط من شروط شركه نيسان فى مصر ان ممنوع ان السياره تتعمل تاكسى مش عشان شيىء فقط عشان تشعر مالكها بالخصوصيه والتميز وعلى فكره كمان منتشره اكتر من الفيرنا اليومين دول تحديدا لان مع الاسف الوكيل بتاعها مكنش نشيط اوى السنوات اليى فاتت وكان بيعتمد على اسم نيسان صنى ان هو اليى حيمشى السياره بدون دعايا ونيسان معروفه فى مصر من قبل محد يعرف اصلا الانوس والفيرنا والسيارات الكورى من اساسه وكان اسمها زمان داتسون يعنى سياره لها تاريخ عريق جدا جدا منذ القدم وتوحيلك وانت بداخلها انك من الناس المميزين وليست كبقايا السيارات التى تهتم بالشكل الرياضى والكلام الفارغ ده على حساب المضمون وعلى فكره احنا السبب فى انتشار السياره بشكل كبير اليومين دول تحديدا نظرا لتبادل الرأى والمشوره بينا عبر الانترنت وليس للوكيل اى دخل فى مدى نجاح نيسان صنى وخصوصا فى الفتره الاخيره دى هو زى مقولت بيعتمد على اسم نيسان فقط فى التسويق غير كده المفروض احنا ناخد منه فلوس ههههه لان احنا كل واحد فينا بيقتنى السياره بيكون مبسوط منها وبينقل صورته دى للناس غير كده لكل قاعده شواز طبعا حتلائى ناس برضه بتزم فيها وده بيكون حظ سيىء وبيحصل بالفعل عيوب تصنيع منكرهاش لكن ده مش فى نيسان وبس فيه ناس كتير عندها سيارات اخرى وقاموا ايضا بالشكوى منها وده بيكون سوء حظ مع الاسف لكن مش مسأله مطلقه تعم على الجميع وعندك مثلا الرولز رويس سياره لها شكل قديم ولكنها وقوره ولا تحتاج دعايا عن نفسها لانها مميزه ووقوره ولها طابع اصيل يشعرك بالكلاسيكيه والاصاله لكن بقى بالنسبه للناس اليى عاوز شكل واحدث صيحه فى عالم الاشكال الرياضيه زى مثلا الالنترا الكورى الجديده 2012 الهاى لاين زات 145 الف جنيه ولا ارى اى مبرر حتى الآن من وكيلها فى السعر المبالغ فيه جدا هذا سوى انه استشعر بكل اسف ان الشعب المصرى شعب يهتم بالشكليات على حساب المضمون فأراد التربح من هؤلاء الاشخاص الذين ينظرون للجانب العاطفى والشكلى على حساب المضمون والوقار والهيبه والامكانيات ودول مع الاسف كتير اوى الايام دى وانا عشان ادفع مبلغ 145 الف فى سياره كورى بصراحه ابقى انسان بينظر للامور بنظره عاطفيه وشكليه فقط لكن انا الحمد لله بنظر للوضع بشكل اعمق من كون انه شكل وخلاص عشان كده انا مقتنع بالصنى جدا وموضوع التطوير ده اليى ناس كتير يقولك سياره بقالها مش عارف 12 سنه مطورتش من شكلها القديم اقوله من باب اولى كلم شركه رولز رويس ممكن يفيدوك فى موضوع الشكل ده واسباب عدم اهتمامهم بيه زى باقى السيارات زات الماركات الاخرى المختلفه التى تخاطب فى الفرد روح العصر دون النظر للمضمون اصلا وعلى فكره فيه شركات كتير بتعدل من الشكل الخارجى لسيارتها والموتور بيفضل هو هو لكن بيزود على سعر السياره نتيجه هذا التعديل مبلغ يعدى 20000 الف جنيه ضريبه بقه للاشخاص الذين يريدوا شكل عصرى ومميز لابد انهم يدفعوها عشان كده انا بهتم بالمضمون واظن ان الشكل برضه فى نيسان صنى محترم مفيش عليه غبار ودمتم بخير وسلام التعديل الأخير تم بواسطة elgdawy2007 ; 08-01-2012 الساعة 07:47 PM |
|
|