ايمجراند .....خدعه جديده من غبور

[yabulaila]

يا جماعه و الله احنا المصريين بنتعرض لأكبر عمليات نصب من كل التجار و فى كل السلع تقريبا مش العربيات بس و على فكره كل وكلاء العربيات زى الزفت محدش فيهم محترم و يلتزم بالمواصفات و لا يفرق معاه عوامل السلامه و الأمان المهم عندهم عوامل سلامة و امان جيوبهم لأ و الشئ الجديد اللى لاحظته فى السوق اليومين دول حكاية التسليم الفورى علشان تستلم فوري لازم تدفع المعلوم و ده يتراوح من 3000 الى 18000 على حسب قيمة العربيه يعنى مش كفايه سرقه فى ثمن العربيه و العموله اللى بيهبشها و الأبشون اللى لغيها من العربيه
على فكره ده موجود فى كل التوكيلات و بالذات فى التوكيلات اللى عربيتها عليها طلب
بالنسبه لموضوع الأميجراند انا ليه ملاحظه على الصاج بتاعها برضه لأنى عملت عليه فحص عن طريق الخبط عليه و طبعا احنا كلنا عارفين ان سمك الصاج بيبان من رنته و جدت ان صاجها مش قد كده يعنى هوه مش فى ردائة صاج الفيرنا و لا اللوجان لكن اكيد ده مش نفس نوعية الصاج اللى اجتازت بيه اختبارات الأمان الأوروبيه لأنى يومها سبت معرض الأميجراند و رحت على طول على معرض البريليانس و بصراحه كان فى فرق واضح فى سمك الصاج بتاع البريليانس محمل و شديد و لكن كما ذكرت قبل كده مشكلة و كيل البريليانس انه ملوش كلمه و ياخد منك 10000 جنيه مقدم حجز و يلففك حوالين نفسك كذا شهر من غير ما تعرف اي معلومه مفيده غير انهم فى كل دفعه بينقصوا فى جودة العربيه يعنى تبقي شايفها بحاله قبل ما تحجز و تروح تستلم بعد كام شهر بحاله تانيه خالص
انا مش عارف احنا لغاية امتى حنفضل فى الأرف ده و مفيش فايده فى النفوس مش عايزه تنضف يعنى مش كفايه سرقتنا من الحكومه اللى على فكره متغيرتش بسبب الثوره و لا حاجه بل على العكس انا شايف ان الحكومه سرقتها لينا زادت و لسه لما نشوف حكاية البنزين دى حترسا على ايه
فى الآخر انا خلاص حتجنن مش عارف اعمل ايه و لا اشتري ايه كله زي الزفت

[mms]

المشاركة الأصلية كتبت بواسطة yabulaila يا جماعه و الله احنا المصريين بنتعرض لأكبر عمليات نصب من كل التجار و فى كل السلع تقريبا مش العربيات بس و على فكره كل وكلاء العربيات زى الزفت محدش فيهم محترم و يلتزم بالمواصفات و لا يفرق معاه عوامل السلامه و الأمان المهم عندهم عوامل سلامة و امان جيوبهم لأ و الشئ الجديد اللى لاحظته فى السوق اليومين دول حكاية التسليم الفورى علشان تستلم فوري لازم تدفع المعلوم و ده يتراوح من 3000 الى 18000 على حسب قيمة العربيه يعنى مش كفايه سرقه فى ثمن العربيه و العموله اللى بيهبشها و الأبشون اللى لغيها من العربيه على فكره ده موجود فى كل التوكيلات و بالذات فى التوكيلات اللى عربيتها عليها طلب بالنسبه لموضوع الأميجراند انا ليه ملاحظه على الصاج بتاعها برضه لأنى عملت عليه فحص عن طريق الخبط عليه و طبعا احنا كلنا عارفين ان سمك الصاج بيبان من رنته و جدت ان صاجها مش قد كده يعنى هوه مش فى ردائة صاج الفيرنا و لا اللوجان لكن اكيد ده مش نفس نوعية الصاج اللى اجتازت بيه اختبارات الأمان الأوروبيه لأنى يومها سبت معرض الأميجراند و رحت على طول على معرض البريليانس و بصراحه كان فى فرق واضح فى سمك الصاج بتاع البريليانس محمل و شديد و لكن كما ذكرت قبل كده مشكلة و كيل البريليانس انه ملوش كلمه و ياخد منك 10000 جنيه مقدم حجز و يلففك حوالين نفسك كذا شهر من غير ما تعرف اي معلومه مفيده غير انهم فى كل دفعه بينقصوا فى جودة العربيه يعنى تبقي شايفها بحاله قبل ما تحجز و تروح تستلم بعد كام شهر بحاله تانيه خالص انا مش عارف احنا لغاية امتى حنفضل فى الأرف ده و مفيش فايده فى النفوس مش عايزه تنضف يعنى مش كفايه سرقتنا من الحكومه اللى على فكره متغيرتش بسبب الثوره و لا حاجه بل على العكس انا شايف ان الحكومه سرقتها لينا زادت و لسه لما نشوف حكاية البنزين دى حترسا على ايه فى الآخر انا خلاص حتجنن مش عارف اعمل ايه و لا اشتري ايه كله زي الزفت

هو صحيح ان الوضع سيئ . لكن ليس بنفس المفهوم اللى حضرتك بتتكلم بيه .
بمعنى ايه اللى دخل الثوره فى ان الصاج وحش او ان الوكلا نصابين . من المعروف ان السيارات فى مصر بايد الوكلا . والوكلا همه همه اللى كانوا قبل الثوره . يبقى منين هيييجى التغير ؟؟؟
وبعدين لازم تعرف حضرتك ان الثوره موصلتشى لاماكن كتير منها : غبور والامل وابو الفتوح وابوغالى وعز العرب والمسلمى ..الخ .
اخى العزيز ......حجم الفساد فى البلد دى كان هايل جدا والرئيس او الوزير مهما كان لن تتخطى طاقته او امكاناته وقدراته طاقه البشر . وعلى فكره جميع ثورات العالم مكثت فتره زمنيه لغايه ماحققت اهدافها .
كما ان الافساد مازال مستمر من جهات عاوزه تعجز الحكومه حتى لو على حساب البلد .
المهم دورنا ايه بقى ؟؟ هو ان احنا نطالب بكل حقوقنا ونتمسك بيها فى كافه النواحى ....منها وانته بتشترى سياره ...استلم السياره سليمه 100 فى ال100 . وتتمسك بحقك فى الضمان والتزام الوكيل بتوفير قطع الغيار ...الخ .
وما تستعجلشى ....الايام اللى جايه .... جايه ان شاء الله بكل خير ....تحياتى .

[yabulaila]

المشاركة الأصلية كتبت بواسطة mms هو صحيح ان الوضع سيئ . لكن ليس بنفس المفهوم اللى حضرتك بتتكلم بيه . بمعنى ايه اللى دخل الثوره فى ان الصاج وحش او ان الوكلا نصابين . من المعروف ان السيارات فى مصر بايد الوكلا . والوكلا همه همه اللى كانوا قبل الثوره . يبقى منين هيييجى التغير ؟؟؟ وبعدين لازم تعرف حضرتك ان الثوره موصلتشى لاماكن كتير منها : غبور والامل وابو الفتوح وابوغالى وعز العرب والمسلمى ..الخ . اخى العزيز ......حجم الفساد فى البلد دى كان هايل جدا والرئيس او الوزير مهما كان لن تتخطى طاقته او امكاناته وقدراته طاقه البشر . وعلى فكره جميع ثورات العالم مكثت فتره زمنيه لغايه ماحققت اهدافها . كما ان الافساد مازال مستمر من جهات عاوزه تعجز الحكومه حتى لو على حساب البلد . المهم دورنا ايه بقى ؟؟ هو ان احنا نطالب بكل حقوقنا ونتمسك بيها فى كافه النواحى ....منها وانته بتشترى سياره ...استلم السياره سليمه 100 فى ال100 . وتتمسك بحقك فى الضمان والتزام الوكيل بتوفير قطع الغيار ...الخ . وما تستعجلشى ....الايام اللى جايه .... جايه ان شاء الله بكل خير ....تحياتى .

على فكره انتا لو قرأت موضوعى كويس مش حتلاقينى ربطت ما بين الصاج و الحكومه خالص ا نا قلت ان الحكومه برضه مازالت بتسرقنا و حتى بعد الثوره و السرقه دى مالهاش دعوه بالصاج انما ليها دعوه بالجمارك المفروضه علينا اللى مخلينا نلجاء لعربيات زي الصينى ديه و كمان ضرائب المبيعات و اوعى تقولي ان ده فى مصلحة البلد و الشعب و الكلام الكبير ده اللى ملوش لزمه و زهقنا منه
يا عزيزي للأسف مفيش فايده لأن النفوس مش كويسه

[mms]

يا عزيزي للأسف مفيش فايده لأن النفوس مش كويسه[/QUOTE]

دا حقيقى . لكن فيه نفوس ثانيه كتير كويسه .
المطلوب العمل فى اتجاهين :
الاول - ان احنا نخلى القرار فى ايد الناس اصحاب النفوس الكويسه . ومنها ان يبقى فيه وكلا من اصحاب النفوس الكويسه ...وهكذا .
ونواجه الناس اللى نفوسها مش كويسه .
الثانى - ان احنا لا نمل ابدا من دعوه الناس للتغير ولامتثال الاخلاق الحسنه .
ودا طبعا مش هيتم بين يوم وليله . المشكله كلها فى الاستعجال اللى بيادى لان احنا نقول مفيش فايده . و بالصبر والمثابره نقدر ان شاء الله نغير ونتغير للاحسن . تقبل تحياتى .

[webyoung76]

المشاركة الأصلية كتبت بواسطة takakan2005 جوبلز وزير الدعاية لهتلر قال إكذب ثم إكذب ثم إكذب حتى يصدقك الناس ويبدو أن غبور من تلاميذ جوبلز السيارة إيمجراند تبنى دعايتها على أنها واخده 4 نجوم فى إختبرات الأمان والتصادم الأوروبية مستفيدة من خبرات شركة فولفو اللى إشترتها جيلى .......إالخ ولكن طبعآ السيارة اللى واخدة الدرجة دى بالقطع مش اللى متقفلة فى مصر فمثلآ ......مثلآ يعنى اللحامات اللى كانت فى السيارة الصينية كانت ببنط اللحام العادية المصرية ولا كانت بالروبوت والليزر ومثلآ ....مثلا الأيرباجز كانت هى نفسها الموجودة فى التقفيل المصرى كما وكيفآ ولا أقل ولآ أكتر ومثلآ مثلآ الشاسيه والزجاج .......إلخ اللى موجودين فى المصرى - حسب قواعد وزارة الصناعة المصرى اللى لازم يكونوا بنسبة 40% على الأقل من مكونات السيارة - هما نفس اللى كانوا فى العربية اللى راحت الأختبار ولا دى كانت عربية متقفلة فى الصين وملهاش علاقة بالأسطى بلية بتاع اللحام إياه دى السيارة اللى أخدت الدرجة دى فى الأختبارات لو كانت هى المصرى ده إحنا نبقى كده طولنا القمر بإيدينا ونبقى عدينا خلاص ....ي اعينى على النخع اللى عينى عينك وقد قال المتنبى : وكم ذا بمصر من المضحكات ولكنه ضحك كالبكاء وعجبى

جوبلز هنا برده يا جماعه ارحمممممممممممممممممممممم مممنا