|
#476
08-05-2012, 02:05 AM
|
||||
|
||||
رد: صيدليه مصر موتورز
نتابع موضوع العيال (الاطفال)
 والنهارده مع عدوي الفم والاغشيه المخاطيه بالفم بالفطريات... وبتظهر بالمنظر ده بس ده حالته متقدمه واهمل العلاج لانها تصيب الرضع والكبار ايضا بس بشكل اقل وسرعه العلاج بتفرق...   طيب ممكن تكون الفطريات ديت عامله زي فسافيس صغنونه وبتخلي الرضيع يعيط... واحيانا تظهر علي هيئة قرحة صغير ة بيضاء Oral Ulcer ننصح الام ان بعض الرضاعه لابد من تنظيف الفم بشرب مياه... وتلف الاصبع بقطعه شاش نظيفه وتنظف فم ولسان الطفل بهدووووووووووووء  ...نعرفها ان احيانا يحدث نتيجة سوء تغذية  وده لو الرضيع ضعيف شويه...العلاج...  اغلبه بتبقي ادويه قطرات للفم وتحتوي علي نيستاتين Nystatin كماده قاتله للفطريات...  امثله...  نيستاتين بتاعه ابيكو او فنجيستاتين او ميوكوستاتين بتاعه شركه بريستول مائير سكويب عن نفسي باخليها للرشتات انما لا اوصفها. طريقه الاستعمال...  نضع القطاره اولا ونضغط لسحب الدواء... الرضع.....من نص قطاره لقطاره كامله حسب حجم الرضيع تنقط بالفم نقطتين وتسيبوا شويه ولو امكن توزع الدواء علي كامل اماكن الفطريات...البالغين..... 2 قطاره كل 8 ساعات او قطاره 6 مرات يوميا وبتبقي الجرعه بخبره الصيدلي وده سر المهنه... ويتم توزيع الدواء بالسان علي دواخل الفم وتركه دقيقه او اثنتين قبل ما يبلعه... وطبعا مناكلش او نشرب مياه غير بعدها بساعه...وفيه الجيل ونفس القصه بس بيختلف الشكل الصيدلي زي  ميكوناز - داكتارين-بكازول بس دول بيحتووووووووا علي ميكونازول Miconazole  تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 915 * 870 و حجم 16KB.
 العلاج لمدة 7----- 10 ايام...  تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 960 * 622 و حجم 76KB. ايضا لابد لنا من جميع امراض الفم...والافضل طبعا الكشف لانها حالات فيروسيه  ... 
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء* شرقت حشاشات النحيب وأينعت* وشوى الأنين قلوبنا فتفطرت*خلف الجفون دموعنا الخرساء* أكبادنا فبكاؤنا إيماء*
|
|
#477
09-05-2012, 02:05 AM
|
||||
|
||||
رد: صيدليه مصر موتورز
الاسهال في الرضع والاطفال...
 ويكثر مع دخول الصيف وارتفاع الحراره فيجب علي الام الحيطه عند اطعام الطفل لان ممكن ياكل اكل حمضان(فاسد)  وده احد اسباب الاسهال وبنعتبرها حاله تسمم خفيفه... في الحالات ديت لازم كشف طبيب اطفال وايضا عند اقتران الاسهال بترجيع يحدث بعده... طبعا لو حالات تسمم شديده  يبقي بيتعلقله محلول (ربنا يحفظنا ويحفظ عيالنا)غالبا لو الطبيب وجد عدوي بيكتيريه وهي السبب في الاسهال فهيكتب مضاد حيوي حقن لمده 3 ايام  وممكن يكمل بمضاد حيوي شراب...لازم نسال عن عدد مرات التبرز؟ وهل الاسهال يميل الي الاخضر بجانب رائحه كريهه... وطبعا الطفل بيسخن...فلازمله خافض حراره...  طيب حاله زي كدا هيديها كما قلنا مضاد حيوي + مطهر معوي ومضاد للاسهال+لو ترجيع كتير يبقي لازم حقنه في وقتها وممكن الطفل يكمل باقماع للقيء زي موتينورم+دواء للسخونيه مع عمل كمادات ان امكن... لازم ايقاف اعطاء الطفل اي منتجات البان او لبن بدره...  لا يجب ايقاف الرضاعه...  طيب الطفل ياكل ايه؟؟؟ حاجات خفيفه علي المعده زي؟؟ شوربه خضار-مكرونه مسلوقه-مياه الارز-تفاحه او كمتريه...  المطهر المعوي في الحالات ديت بنفضل الانتينال والدياكس شراب... الجرعه... من عمر يوم لسنه....2,5 مللي كل 8 ساعات. فوق سنه او اتنين....5 مللي كل 8 ساعات. اكبر من سنتين ....اما 7,5 مللي كل 8 ساعات او الاسهل 5 مللي كل 6 ساعات. البالغين بياخدوا انتينال او دياكس كبسول وجرعته احيانا كبسولتين مع بعض كل 12 ساعه او كبسوله 4 مرات يوميا... الماده الفعاله...  Nifuroxazide 
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء* شرقت حشاشات النحيب وأينعت* وشوى الأنين قلوبنا فتفطرت*خلف الجفون دموعنا الخرساء* أكبادنا فبكاؤنا إيماء*
|
|
#478
10-05-2012, 02:07 AM
|
||||
|
||||
|
رد: صيدليه مصر موتورز
الامساك...........Constip ation
عند الاطفال تحديدااا...  بنحكم ان الطفل عنده حاله امساك لو مر عليه 5 ايام من غير حمام... او انه يعمل حمام بس كميات بسيطه جدااا ويدل علي وجود امساك بدليل عدم تفريغ كامل للقولون... وايضا من حالات الامساك اخراج الطفل براز كبير الحجم واكثر قسوه من الطبيعي واحيانا بيكون مختلط بقليل من الدم مع فقدان شهيه ومقاومه الطفل لدخول الحمام وصراخ اثناء عمل الحمام ده لو رضيع....  لازم نعرف سبب الامساك... وهو ان الطفل لا يحصل علي الكميه المقرره من الالياف كالتي في الخضار والفواكه... وعموما كميه الالياف = العمر + 5 بمعني لو طفل 5 سنين يبقي عايز 10 جرام من الالياف يوميا... العلاج... الرضع والاطفال... لو حاله امساك خفيفه لسه في الاول بادي جلسرين Glycerine اقماع زي بتاع فاركو او جلاكسو...   لو رضيع من 1 - 6 شهور نص لبوسه كفايه... اكبر من 6 شهور لبوسه كامله... امساك متوسط ممكن نديله لاكتيلوزLactulose  وده بيبقي شراب زي لاكتيلوز فاركو ولاكسولاك ودوفلاك...  الجرعه... اقل من سنه...........2 - 2,5 مللي... من 1 - 6 سنه ..........5 مللي.... اكبر من 6 سنوات...........يبقي من 7,5 - 10 مللي... طيب حاله امساك شديده او الطفل اخد الانواع السابقه وبرده عنده امساك ...نديله حاجه فيها Sodium picosulfate  زي بيكولاكس او نورمولاكس نقط بمعدل من 5 الي 10 نقط... امثله...  
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء* شرقت حشاشات النحيب وأينعت* وشوى الأنين قلوبنا فتفطرت*خلف الجفون دموعنا الخرساء* أكبادنا فبكاؤنا إيماء*
|
|
#479
11-05-2012, 01:55 AM
|
||||
|
||||
|
رد: صيدليه مصر موتورز
الانتفاخ عند الرضع والاطفال...:w6w2005041122 46446a
Flatulance in children and babys اغلب الرضع بيعانوا من الانتفاخ وده لعدم اكتمال الجهاز الهضمي ده غير ان اللبن بيكون غازات... وايضا اكل الام يؤثر بشكل كبير في وجود الانتفاخ عند الرضع... فاذا كان الرضيع باستمرار عنده غازات فيجب علي الام التوقف تماما عن اكل البصل او الفجل او التوابل او اي اكله قد تسبب الانتفاخ  ...وعلي الام وضع الرضيع ووجهه لاسفل والضغط برفق بيدها علي بطنه... فهذه الوضعيه تسهل علي الرضيع اخراج الغازات ...الادويه...  من اشهر واقوي واامن للاستعمال هو سيميثيكون... Simethicone وبيعمل علي تقليل التوتر السطحي لفقاعات الغاز بالقناه الهضميه مما يساعد علي اخراجها ومنع تراكمها...  كما انه يمنع تكون الفقاعات المحاطه بالمخاط بالقناه الهضميه والتي يصعب التخلص منها... ويتميز ايضا بانه لا يمتص من القناه الهضميه مما يجعله مامون الاستعمال تمامااا كمزيل للانتفاخ دون حدوث اعراض جانبيه ....امثله... سيميثيكون نقط العامريه و بيبي ريست نقط فاركو... يوجد ايضا سيميثيكوناقراص وشراب للكبار... ومن مميزاته ان مذاقه مقبول جدااا لدي الرضع والاطفال  ...
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء* شرقت حشاشات النحيب وأينعت* وشوى الأنين قلوبنا فتفطرت*خلف الجفون دموعنا الخرساء* أكبادنا فبكاؤنا إيماء*
|
|
#480
12-05-2012, 01:54 AM
|
||||
|
||||
|
رد: صيدليه مصر موتورز
امراض الجهاز التنفسي...
Respiratory System Diseases... 1)التهاب اللوزتين... Tonsillitis... الام تيجي تشتكي ان الطفل حرارته عاليه  وبيرجع واحيانا يبقي فيه اسهال ومش بياكل وهنلاقي تورم بسيط باين علي جانب رقبته من قدام دلاله علي التهاب اللوز...هنسالها عن هو سخن الاول ولا رجع؟؟؟ ولو الحراره الاول هنبص داخل فمه وهنجد احمرار وتورم للوزتين بجانب وجود صديد... والترجيع بيبقي نتيجه بلع الطفل للصديد وكمان المغص... العلاج...  عاده بنبدا بحقن ونكمل بشراب لكن اذا كانت الحراره شديده هنديله صنفين حقن... امثله... السفوترايكسون-الفلوموكس-اليوناسين او السالبين او اليونيكتام وطبعا علي حسب العمر بنحدد الجرعه...  ونكمل بعد كدا بالشراب... زي... اموكسيسيللين+كلافيولينيك اسيد  زي اوجمنتين-كيورام-دلتاكلاف-هاي بيوتيك... او...اريثرومايسين زي اريثرين او اريبيد شراب...  او...ازيثرومايسين زي ازومايسين او زيثروكان او زيثروسين شراب... ونفس الكلام علي حسب العمر بنحدد الجرعه... اخيرااا ...خافض الحراره وفي الغالب بندي لبوس زي دولفين او بيبي رليف عشان لو اديناله شراب وهو بيرجع فهيرجعه وعموما اشربه خافض الحراره بنديها لو ارتفاع خفيف في درجه الحراره وغير مقترن بترجيع زي بارامول او ميجافين او بروفينال شراب...كل الادويه ديت لو سبب ارتفاع درجه الحراره نتيجه عدوي بكتيريه اما لو فيروسيه بنكتفي بخافض الحراره  ومش هنديله مضاد حيوي...الصور منقوله... 
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء* شرقت حشاشات النحيب وأينعت* وشوى الأنين قلوبنا فتفطرت*خلف الجفون دموعنا الخرساء* أكبادنا فبكاؤنا إيماء*
|
 |
| الكلمات الدليلية |
| دواء, صيدلية |
|
|
