حكايتي مع المرور........>>>

[ابوروان]

شكرا على الشرح الجميل دهو انا ان شاء الله هروح مرور السلام الرخصة قربت تنتهي اخر 2

[hazem_khidr]

بالنسبه للاربع ورقات دول هما امر صرف و استلام اللوحات
و علشان حضرتك جديد في عالم المرور اخدت شويه وقت
لكن بالخبره و التعود
هتلاقي نفسك اتوماتيك يوم ما تشتري عربيه مستعمله هتلزم البائع يجيب لك شهاده مخالفات
و هتروح تسجل العربيه في خلال شهر علشان مده شهاده المخالفات و ما تخافش الفتره المتبقيه في الرخصه بتتنقل عادي لو فتره طويله.
و هتسجل العربيه و تروح المرور و انت شايل اللوحات القديمه اساسا (اديك وفرت 5 جنيه)
و تدخل تفحص العربيه و بتاع البصمه تحاول تراضيه علشان فعلا الموتور بيبقي سخن
اما بتاع الطفايه تدخل عليه و انت مكشر و معاك طفايه جديده هيعديك علي طول
لما يجي يدق رقم العربيه عليها قوله انا بنقل ملكيه و بغير لوحات مش هيدقها
كده تبقي خلصت الفحص و تعمل وثيقه التامين علي العربيه بدون نمر و تروح الشباك
تكون مجهز معاك نموذج 52 مرور و طابع شرطه ب 2 جنيه و اورنيك كمبيوتر
و تسلم دا كله للموظف و هو هيعمل ورق الضريبه تدفعها و ترجع يكون جهز امر صرف و امر استلام اللوحات
و طبعا اللوحات معاك(يبقي وفرت كمان نص ساعه فك غير الخمسه جنيه)
و تسلم و تقعد تشرب شاي تستني الرخص و تروح تستلم اللوحات الجديده و شكرا

[aymanay32]

المشاركة الأصلية كتبت بواسطة محمود1199 السلام عليكم ورحمة الله وبركاته... الاخوة الافاضل اعضاء اجمد منتدي .. طبعا زي ما حضراتكم عارفين اني دخلت عالم السيارات من اوسع ابوابه من حوالي 6 شهور... وطبعا كالعادة انه تم الشراء بالتوكيل والرخصة ...وطبعا لا الرخصة قربت تنتهي .. المفروض اني اقوم بالنقل والتسجيل ولكن .... يا معلمين اخوكم ميعرفش اي شيء ف حوارات العقاري والمرور والاشتغالات دي ...وطبعا ملقيتش اي علاج لحالتي الا اني اخوض التجربة بنفسي وهي كلاتي : طبعا العربية مرور اسكندرية وانا من الهرم جيزة ..سافرت اليكس عشان اجيب شهادة المخالفات والبيانات ...وحصلت علي شهادة المخالفات بس ...وقالي البيانات لا ...محتاجين العربية عشان نفحص لان الملفات اتحرقت في الثورة...يا نهار بيج..! رحت منفض للدنيا واخدت شهاتي ورجعت محافظتي ... وتاني يوم صليت الفجر ورحت علي العقاري عشان اسجل وانقل ...وطبعا عشان العربية ( جراند ماروتي 2005 )"البيه بتاع العقاري خلاني ادفع 1000 جند وعشرين....بيس بقي ماهي جراند مش عادة....! وبعدين روحت علطول اشتريت ورق تجديد سنتين ب 35 جند وبعدين قررت اتجه مباشرة علي مرور فيصل ..لان كل ده كنت في الشهرالعقاري اللي في بين السرايات.. وفي مرور فيصل حيث الاحترام المتبادل بين المواطن والموظف ..وحيث ان مفيش اي بلطجية ولا ناس بتتسنكح عليك وانت بتفحص ولا حاجة..وكمان مش هتلاقي ناس بتتنطط عليك وكانك خواجة ..ابدا ابدا يا جماعة ....ده مرور فيصل ده يا سلام ..كانك في الجنة الموعودة...! تريقة يا جماعة والله طبعا اثناء الفحص ..حضرتك بتدخل عربيتك ..وتركن وتاخد ورقك وتروح علي كشك كدة تحت الكوبري واقف فيه ظابط ب3 نجوم...هيختم ويكتب كدة شوية كلام بالاحمر كانها طلاسم سحر...وبعدين يقولك هات رقم الموتور والشاسيه... هتلاقي كدة واحد مالوش لازمة لابس عفريتة زرقا ومكتوب علي ضهره فني بصمة....بس اوعي حد يغلط ويقول اسطي (هناك يا فندم كل الناس بتقوله يا بشبهندس وطبعا هو بيعيش دورالهندسة علي ابوه) ..!المهم يعني البشمهندس ده هيكتب رقم الشاسيه والموتور علي الورق بتاعك ويختم...بس قبل الختم لازم تقفشه 5 جند جديدة....معرفش ليه وقالي عايزها جديدة...! وبعدين هتلاقي واحد لابس بلوفر صوف بني وقاعد كدة زي العرضحالجي بتاع المحاكم....ده بقي يامعلمين اهم واحد ف الليلة دي ...ده هو المهندس بجد بتاع الفحص...ولا فحص ولا دياوله...المهم هيفضل يعقدلك الدنيا لحد ميقفش منك المعلوم... وبرضه هيختم علي الورق.. وبعدين هتلاقي واحد قاعد كدة وقدامه شوية شواكيش هتعرف علي طول ان ده البيه اللي بيفحص الطفاية وبرضه بيختم ...(خلي بالكو قبل اي ختم لازم انت كمان تدفع المعلوم احسن هيعملك فيها القطط الفطسانة) واخيرا تروح للباشا ابو 3 نجوم ويكون معاك المثلث والعاكس...هتلاقي كدة عسكري واقف وقدامه طابور بني قادمين مستنيين يختم المثلث والعاكس...واخيرا تركب يا معلم ويقولك دوس بنزين ,,,ويساله خلاص ياباشا ؟ يقوله خلاص ..كدة عنب يامعلم وخش بقي علي التقيل.. تسيب ميدان الفحص وتروح علي المكان اللي بيكون زحمة دايما..وهتلاقي نقل قيد وتجديد ..هتقف في الطابور طبعا ...وتدي الورق للاستاذة الموظفة تراجعه وتقولك روح ادفع التامين ..وعشان انا هجدد سنتين دفعت 180جند ..وترجعلها تاني هتاخد الورق وتكتب لك الضريبة وتقولك ادفع 475 جند ده الضريبة وتامين اللوحات.وهاتلي 4ورقات صرف و4 ورقات استعلام ..والله معرفش بتوع ايه..! بعد حضرتك ما يطلع عينك ف الطابوربتاع الخزينة ..تروح للمدام تاني وتديها الوصل..هتقولك حمدالله علي السلامة ..فك اللوحات وتعالي اسمع اسمك.... هتلاقي واحد كدة بره المرور يقولك ..ايوة يا باشا فك لوحات ؟ ويقفش 5 جند... ترجع تسمع اسمك وتاخد رخصتك باسمك.... والف مبروك يا معلم ... حبيت اقول الخطوات بالتفصيل لاني طلع عين امي وملقيتش اي حاجة علي النت عن الحوار ده... بس نصيحة لله : لو حضرتك عصبي ..بلاش تروح احسن عشان لو اتخنقت ممكن تقتل حد فيهم والدال علي الخير كفاعله...

انته نسيت حته صغيرة
انك لما بتروح تستلم النمر الجديدة بيقولك روح صور الرخصة و البطاقة
و بتروح تصورهم و ترجع له بيعطيك النمر الجديدة و بياخد ادن الصرف اللوحات

و بعد ما تاخد اللوحات الجديدة و الرخصة و تخرج من المرور بتشعر باحساس انك خرجت من جهنم او من عداب القبر و مش ناوى ترجع له تانى
و اللى ينرفزك انك و انته خارج تلاقى واحد او ارعة عند الباب ماسيكين ملفات فاضية و عاوزين يبيعولك بالعافية

على العموم كفارة و الف مبروك على الرخصة و عقبال ما تجددها المرة الجاية

[محمود1199]

المشاركة الأصلية كتبت بواسطة aymanay32 انته نسيت حته صغيرة انك لما بتروح تستلم النمر الجديدة بيقولك روح صور الرخصة و البطاقة و بتروح تصورهم و ترجع له بيعطيك النمر الجديدة و بياخد ادن الصرف اللوحات و بعد ما تاخد اللوحات الجديدة و الرخصة و تخرج من المرور بتشعر باحساس انك خرجت من جهنم او من عداب القبر و مش ناوى ترجع له تانى و اللى ينرفزك انك و انته خارج تلاقى واحد او ارعة عند الباب ماسيكين ملفات فاضية و عاوزين يبيعولك بالعافية على العموم كفارة و الف مبروك على الرخصة و عقبال ما تجددها المرة الجاية

ههههههههه.....:fun_36_1_3 9[1]:
اه والله صح ربنا يكرمك يا معلم...
تصدق اني حاسس انك شغال معاهم .......بهزر طبعا
وان شاء الله لما اجيب الMARUTI 2012 serious 4X4 ...هبقي اخد بالي ...
بس اقولكم علي سر: مش عارف ليه وانا راكب العربية بحس ان مفيش حد زيي ....الاسبوع اللي فات كنت ماشي مع نفسي بالليل ف ش الهرم ..كانت تقريبا الساعة 2 بالليل..وكان في واحد قدامي راكب BMW X3 وطبعا البيه ماشي بالراحة مع نفسه ....ومع ان الشارع كان فاضي ...رحت جاي وراه وعمال تيت تيت تيت ...وطلعت راسي من الشباك وقلت له :ماتمشي بقي يا اخي ..ده انت خنقتني ....ههههه......
كان معايا ناس ماتوا علي نفسهم من الضحك....

[aymanay32]

المشاركة الأصلية كتبت بواسطة محمود1199 ههههههههه.....:fun_36_1_3 9[1]: اه والله صح ربنا يكرمك يا معلم... تصدق اني حاسس انك شغال معاهم .......بهزر طبعا وان شاء الله لما اجيب الMARUTI 2012 serious 4X4 ...هبقي اخد بالي ... بس اقولكم علي سر: مش عارف ليه وانا راكب العربية بحس ان مفيش حد زيي ....الاسبوع اللي فات كنت ماشي مع نفسي بالليل ف ش الهرم ..كانت تقريبا الساعة 2 بالليل..وكان في واحد قدامي راكب BMW X3 وطبعا البيه ماشي بالراحة مع نفسه ....ومع ان الشارع كان فاضي ...رحت جاي وراه وعمال تيت تيت تيت ...وطلعت راسي من الشباك وقلت له :ماتمشي بقي يا اخي ..ده انت خنقتني ....ههههه...... كان معايا ناس ماتوا علي نفسهم من الضحك....

انا طبعا مش شغال معاهم
بس اتعكيت فى الشغلانة بتاعتك دى و دوخونى فيها اسبوعين
و كمان فى شهر رمضان اللى فات

و للاسف انا بطلت امشى فى شارع الهرم من الزحمة بمشى فى خاتم المرسلين و ترسا
او الدائرى
و ان شوفت ماروتى فضى و فوقها شبكة فضى و فرش احمر فرو من جوه تبقى تدينى كلاكس
و انا هاعرفك