تسقيط موتور 1800 بدلا من 1200

[M.TONSY]

فى ملحوظة لو الموتور فتيسه اوتوماتيك او مانيوال كل فتيس من دول كنتروله بيختلف حتى لو نفس الموتور بالظبط (هذا للعلم)

[sayed2077]

كما قالى الساده الاعضاء عمر ما العربيه هتدور غير بكنترول المكنه 1800
ده كلام لا جدال فيه حتى لو دارت مش هتديك اى اداء وهتلاقى العربيه مخنوقه لان الكنترول مصمم انه يشغل ماتور 1300 وليس 1800

والمفروض التاجر بيديك الكنترول مع المكنه ومعرفش ازاى حضرتك اشتريتوا المكنه من غير كنترولها

وربنا ييسر لكم الاحوال ان شاء الله

[MAYO CAR]

استاذ سيد
ياريت تتابع معايا الموضوع ده
صاحبى بعد كده قاللى انه جايبه بالكنترول بتاعه كامل وجربة بره العربية واشتغل
المشكلة انه لما سقط الموتور فى العربية والكهربائى عمل توصيلاته مارداش يشتغل
1- لو افترضنا التوصيلات صح الموتور يشتغل ويكون مضطرب ولا ميشتغلش اصلا
2- هل يوجد كنترول فى العربية لازم يحصل تعريف بينه وبين كنترول الموتور
3- الموتور ده كان لعربية اوتوماتيك والعربية بتاعت صاحبى مانيوال هل فى اسلاك هتتلغى بحكم انه هيركب على فتيس مانيوال
...........
ملحوظة صاحب العربية اشترى موتور فقط وهيركبه على فتيس العربية المانيوال ينفع ولا لازم فتيس اوتوماتيك

[sayed2077]

اللى حصل والله اعلم عند صديقك
1:ان لو التوصيلات صح

الماتور لازم يشتغل ولو مشتغلش
يبقى

ان اللى بيركب الماتور ماكنش معاه كهربائى محترف فممكن يكون عمل قفلة او عمل حاجه غلط فقام مطير الكنترول بتاع الماتور وده اللى حصل عندك بنسبه 99% وخلى بالك ان الكنترول بيشتغل على كهربا 6 فولت بتجيله من الكابلات اللى بتروحله بطريقة ما معينة فلو حد راح ماسك واصلتين من البطارية عدل وراح موصلهم دايركت على الكنترول الكنترول بيتحرق طوالى
وان لو حد عمل وصلة 24 او عمل ماس فى الكنترول بردول الكنترول بيتحرق

و ان حروق الكنترول بنسبه 99% بتيجى ان اللى بيركب الماتور مكنش معاه كهربائى محترف وخلى بالك من كلمة محترف
وده اللى قولته قبل كدا وكل ده مثالا بيحصل يأما علشان مفيش كهربائى وده قليل جدا اول الميكانيكى اللى بيركب قالك يوفر 50 جنية اللى هياخدها الكهربائى وهو اولى بيها و ده للاسف بيحصل كتير والزبون هو اللى بيشيل القرف

او ان الكنترول اساسا جاى محروق كده كده بس ده احتمال ضعيف جدااااا
بس جايز يكون ده اللى حاصل

2:لا مش لازم يحصل تعريف بين كنترول العربيه وكنترول الماتور انت لو صلت الفيش فيه صح خلاص هو ده التعريف بتاعها

3:ديه مش عارفها حاليا بس هسألك الكهربائى بتاعى هو محترف فى حكاية الكنترول وكده بسم الله ماشاء الله عليه

بس فى الاغلب ان اللى اعرفه
ان الفتيس الاتوماتيك بيبقى ليه كنترول خاص بيه لوحده ومالوش دعوه بكنترول الماتور بس بردوا هسألك عليها ان شاء الله

[MAYO CAR]

استاذ سيد شكرا على اهتمام حضرتك
احنا ودينا العربية لكهربائى تانى ومختصر الكلام اللى فهمناه منه ان فيشة 1800 اكبر من الفيشة اللى جاية من التابلوه لانها طبعا كانت على مقاس الـ1200 وعلشان يوصلها محتاج يعرف تقسيمة الكنترول لل 1800 يعنى رقم 1 بتاع ايه رقم 2 رقم 55 وهكذا
فياريت لو حضرتك تعرف تقسيمة الــ1800 او لو عندك كتالوج لتقسيمة الكنترول
ولا لازم يشترى تابلوه الــ 1800 "ولو انتى معتقدش" بس برضه اتاكد من حضرتك افضل