الطريق من رمسيس الى دريم بارك

[xabi]

السلام عليكم ورحمه الله وبركاته

انا ان شاء الله نازل الاسبوع الجاى القاهره مع ناس صحابى وكنا عايزين نروح دريم بارك..بس للأسف مش معانا عربيه..فانا كنت هركب من المنصوره سوبر جيت وهنزل فى رمسيس..ياترى فى مواصلات علطول من هناك؟..ولا من منطقه تانيه!..وياترى فيه المواصلات شغاله لامتى؟..ومعلش المسافه والوقت من رمسيس لدريم قد ايه.واسف للاطاله.

[amrmohamed1975]

من رمسيس لدريم بارك المفروض انها لا تزيد عن نصف ساعة بس انت عارف القاهرة طبعا تركب من رمسيس ميكروباص اكتوبر بس الانتاج الاعلامي عشان يعدي من امام دريم لان فيه اكتوبر محور ده مش بيروح هناك او تركبه و تنزل ميدان جهينة و تاخد تاكسي من هناك لدريم فى الغالب التاكسي هيكون من 5 ل 10 جنيه و ده الافضل عشان يدخلك دريم نفسها لا الميكروباص هينزلك امام المدينة و هتمشي حوالي كيلو تقريبا للبوابة و رحلة سعيدة انشاء الله

[xabi]

شكرا ياعموووور..طب لو حبيت ارجع من هناك اركب ايه وبيبقى فيه هنا موقف للعربيات وانا راجع ولا مفيش وبضطر انى اوقف من على الطريق..ولا ايه النظام..وياترى العربيات هناك اخرها للساعه كام.
ومعلش بقى بتعبك معايا

[amrmohamed1975]

هتعدي الناحية التانية من الطريق و تأخذ ميكروباص الجيزة او الرماية او رمسيس بس احتمال توقف شوية لان الجاية فى الاغلب بيبقي مليان خاصة لو رايح في يوم فى وسط الاسبوع و بعدين يا باشا لا تعب و لا حاجة يارب تقضي يوم جميل

[xabi]

انا ان شاء الله نازل السبت...بس فيه ناس كتير مخلينى قلقان من حكايه المواصلات دى خصوصا وانا راجع...وبيقلوا الوقت حوالى ساعه ونص ويمكن اكتر