مشكله فى الكاروته

[alsharkawe]

انا عندي صوت نقره بسمعها فى الكارونه عند التحرك بالسياره من وضع الثبات واحيانا بسمعها لما اسحب بالعربيه او فى المطباط ورحت لصنيعي كان شغال فى النصر فى الكارونه و الراجل قال لي كبر دماغك الموضوع ده عادي الكارونه مفيهاش حاجه ولا بتون وملهاش صوت خالص الموضوع عندك ان في بوش بسيط بين الاكس والترس الى راكب عليه فى الكارونه وهي كلفك حوالى الف جنيه تغيير 2 اكس والترس نفسه الى راكب عليه و متسمعش كلام حد يشتغلك ويقولك نحل الكارونه واشتغلات ملهاش لزمه و انا طبعا افضلي ان اقولك نحل الكارونه وطبعا هاخد منك مصنعيه بس انا بقول الى يمليه عليه ضمير مع العلم ات العربيه دوجان شاهين موديل 1992 و الموتور 1600 سي سي افيدوني يا اهل الخبره و الى عنده شاهين هل الموضوع ده عنده ولا اه.

[mr_astra]

بص يا استاذنا
اللى بيبوظ فى الكارونا هى التاج والبنيون
اللى قالك عليها الاكس والترس
فانت تعايش مع الوضع دة لغاية اما تجيب اخرها وبعدين نبقى نغير الببة فقط ............اصل هايحصل اية اكتر من كدة
انت لو فتحت الببة مش هتلاقى حاجات تانية غير دول ودائما هما اللى بيبوظو
انما لو حليت دلوقت تتخيل ممكن تعمل اية ............ما فيش حاجة تتعمل الا التغيير
بس انا بقول انك ممكن تخلى الميكانيكى يبص على الصليبة لانها ممكن تعمل نفس الصوت اللى بتسمعة

[طارق ابوذيد]

المشاركة الأصلية كتبت بواسطة alsharkawe انا عندي صوت نقره بسمعها فى الكارونه عند التحرك بالسياره من وضع الثبات واحيانا بسمعها لما اسحب بالعربيه او فى المطباط ورحت لصنيعي كان شغال فى النصر فى الكارونه و الراجل قال لي كبر دماغك الموضوع ده عادي الكارونه مفيهاش حاجه ولا بتون وملهاش صوت خالص الموضوع عندك ان في بوش بسيط بين الاكس والترس الى راكب عليه فى الكارونه وهي كلفك حوالى الف جنيه تغيير 2 اكس والترس نفسه الى راكب عليه و متسمعش كلام حد يشتغلك ويقولك نحل الكارونه واشتغلات ملهاش لزمه و انا طبعا افضلي ان اقولك نحل الكارونه وطبعا هاخد منك مصنعيه بس انا بقول الى يمليه عليه ضمير مع العلم ات العربيه دوجان شاهين موديل 1992 و الموتور 1600 سي سي افيدوني يا اهل الخبره و الى عنده شاهين هل الموضوع ده عنده ولا اه.

أخى الكريم مجموعه تروس الاكسات سعرها
100جنيه فقط .

[alsharkawe]

اولا اشكركم على التعاون وسرعة الرد لكن اخي طارق هو قالي هنغير الاكسين كاملين و الواحد الاصلي ب 250 و الترس ب 400 جنيه و انا كشفت على عمود الكردان و الصلايب وهو قالى انه تمام و هل النقره دي موجوده فى الشاهين عادي ولا اه اصلي بصراحة منزعج من القصه دى وخايف تعملها معا وخاصتا اني بروح بيها الشغل من الشرقيه الى المعادي كل يوم معلش اخي الكريم ما هي الببه وسعرها كام جديد ولا قديم

[mr_astra]

معلش انا فهمت حاجة والشيخ طارق فهم حاجة
فمطلوب منك انك تقول اية اللى بايظ عندك
ولا اقولك خد اسعار الحاجات كلها وخلاص
تفضل الاخ طارق ابو زيد وقال ان مجموعة تروس الاكسات بـ 100 جنية
واعتقد ان الاكسين عندك بحوالى 100 جنية بالبلى بتعهم
كدة ما فضلش غير البنيون والتاج ودول سعرهم جديد 700 جنية
اما الببة على بعضها ( تاج+بنيون+مجموعة التروس) 800 جنية مع ثبات سعر الاكسين 100 جنية
شوف بقى انت اية اللى بايظ عندك